ترحم على التعليم
ترحم على التعليم وعليه كبر وقول يا حسراه على ليام الزينين
بابا راه جانا بعد ما راح بوبكر راح بن بوزيد بعد ما خلانا متبهدلين
قلبي من التعليم راه تعمر ضيعت فيه صحتي وطفاو العينين
هذا الجيل مشانا على الجمر وخلانا نهترفو وحنا نايمين
طلع لنا لطاسيووزاد السكر وغادي يدخلنا لسبيطار المجانين
مرات يخلوك قريب تكفر ويخرجوك من رحمة رب العالمين
الله يعطينا من عنده الصبر ويقدرنا بقوته على هذا الشواطين
التعليم يعجل بيك للقبر والمعلم احسبه ميت بين الحيين
من هذا الجيل ربي يستر ويحفظنا من عنده في ليام الباقيين
وحدة داخلة بدجين مزير لاخر الكيتمان ملصقه في الوذنين
واحد داخل يغني ويصفر والسروال مهود حتى للكرعين
واحد زاطل ما جايب خبر وغارق في هموم الدنيا مسكين
وحدة المكياج والشعر مصفر حاسبة روحها كبرت وهي في العشرين
واحد الطوابل والكراسة يكسر ما خلا فيهم لافيسات لا بوالين
واحد جاي للكلاسة باش يقصر وعلى البارصا هو وصحابه متحاكيين
واحد بالجال مشوك الشعر : وزاد حتى المنقوشة في الوذنين
هذا جيل فليكسى واكتيفى وهدر ومع الفايس بوك يباتو سهرانين
العتبة في افريل لازم تتقرر والتلاميذ كل عام عليها مقرفين
التلميذ اليوم ما يتعب ما يسهر وفي الباك يلقى روحه من الناجحين
لي بغاها في الحين تحضر نصف ساعة زيادة ويخير بين موضوعين
السباق يدخلوه بالخيل مشي بالبقر ولي يبني بيت لازم له ساس متين
( تقرير عن مشاركة سيئة )، و الموجودة أسفل كل مشاركة .
2013-05-25, 15:55
ترحم على التعليم
العرض الشجري