مايحس بالجمرة غيييييير اللي كواتو

maram16 · 2013-05-22, 22:37

انا فتاة 19 سنة مشكلتي اني لست جميلة نعم انا بشعة باتم معنى الكلمة و هذا ما سبب لي عقدة نفسية و الخوف من كلام الناس مما جعلني اميل الى العزلة خوفا من ان يسخر و مني و الله اتعرض لمضايقات في الطريق من طرف الشبان مرة كنت جايزة على واحد في الطريق قال لصاحبو هاي طفلة شابة الله الله طبعا يتقعد بيا مشي صح و مرة واحد قال هادا زين و لا خلي انا مشيت و قتلو ربي وكيلك و رحت للدار بقيت غير ندعي عليه في صلاتي و نضت علا جالو درت قيام الليل صدقوني هو هاذ الشاب شايفاتو من قبل جار بيت جدي و صح الحمد لله قعدت سمانة سمعت بيه تكسر في رجلو و داير بلاط طاح في الدرج ...........واااااااو جات على قلبي ....هي الحق صحاباتي و عايلتي يعاملوني عادي و عمرهم ما حسوني بصح الشباب ماخلاونيش في حالي تعقدت و ليت كي نمشي في الطريق نحبط راسي الحق كل شيئ فيا مليح عينيا ماشاء الله واسعتان و فمي جميل ماعدا انفي مشي شباب خلاص و الله ساعات نكسر المرايا و نقول مانزيدش ندور بيها خلاص و وليت نغير كي نشوف بنات زينين و قلبي يتحرق و علاه مانيش كيفهم علابااااالي انو هاذا مكتوب ربي لكن صبري نفذو ماقدرتش نتحمل خلاص راني مخنووووقة ياناس ختكم بشعة وااااااااااااعع ماعنديش الزهر و الله مايحس بالجمرة غير اللي كواتو افكر بجدية في عملية تجميلية و الا فسيكون الانتحار مصيري......................... سلاااااااااlم من اختكم المزعوقة مرام ههههههه

maram16 · 2013-05-22, 23:28

...........................................

maram16 · 2013-05-23, 00:28

كل هذه المشاهدات و مانلقاش و لارد منكم ؟؟؟؟؟؟؟؟؟؟؟؟؟؟

امة الله نور · 2013-05-23, 07:30

شوفي اختي لازم تحمدي ربي على كل النعم الي اعطاهالك اعطالك عينين شابين ماشاء الله في حين كاين اللي اعمى ميفرزش و اعطالك عقل في حين كاين اللي مجنون و غيرها من الصحة اعلى هذا مديريش في بالك بلي انت مشي شابة كل وحدة و كيفش خلقها ربي ولاززم ترضاي بخلق الله و ترفعي من معنوياتك

soumsouma · 2013-05-23, 09:28

ارضاي بما اعطاك الله

ام ايمان16 · 2013-05-23, 09:31

يعني مكيش بشعة كيما حكيتي مع الاول(بشعة باتم معنى الكلمة (
انا درت في بالي عينيك داخلين وفمك خارج وسنيك مايتغلقوش على بعضاهم وراسك شكلو غريب

ومن بعد قلتي عينيا شابين وفمي شباب والمشكلة غير في انفك (يعني راكي خلقة عادية اختي وانتي ماكيش حابة تشوفي الحاجة لي مليحة فيك
لانو كل انسان عندو في نفسو او شكلو حاجة مليحة وحاجة مهيش مليحة)
بصح حجم يمانك بالله وهو ليخليك تشوفي الحاجة المليحة اكثر
يعني لازم تقوي ابمانك قبل بربي باش التفكير الايجابي يغلب التفكير السلبي لي عندك

يعني اختي ااغلب الشباب في الشارع اللذين يلجؤن لاسلوب الاستفزاز وماكانش لي يخلوها في حالها ويهدرو كلام ماهوش موزون وماهمش جاملين عقلهم وكانهم ذراري صغار تلقايهم يهدرو هدرة تقيس بالعاني باش يرضو غرورهم لانهم مغرورين وناقصين رجلة
لانهم لوكانو رجال فعلا كانو يحترمو الناس ومايقولوش هدرة تجرح حتى واحد لانهم حاسبين رواحم حاجة كبيرة وهوما مايسواوش حبة بصلة
شباب مخو فارغ غير مسؤول في حياتو وماهمش مربيين اصلا ؟كون جاو مربيين مايشوفوش ومايهدروش بهذا الاسلوب الفض مع الناس

وقبل كل هاذا استغفري ربي بزاااف لانك تتسخطي على حاجة خلقها ربي وادعي ربي يسرلك امورك وان شاء الله تتحسن اوضاعك

اسمحيلي اختي لو كان ردي فيه بعض القساوة عليك من الاول لكن فعلا اريدك اولا ان تشعري بالرضى من حالك وتذكري انه يوجد دائما من هو اسوء حال منكي وحياتهم مستمرة وناجحين في حياتهم لانهم مايهتموش بهدرة الناس المستهترين لي ماعندهمش عقل او احساس بالمسؤولية

بالتوفيق

mitrochka · 2013-05-23, 09:37

يا بنتي
كاين من الناس الذي حياتهم كلها مستشفيات و أدوية
كاين لي راحت عليهن نعمة مثل البصر او السمع أو النطق
كاين الذي تشوه وجها أو جسمها من خلال حريق
و كاين الذي راح عقلها و عادت هايمة في الشوارع

الأنسان يحمد ربي على نعمه
و الناس عمرهم و لا يرضوا عليك

السيدة كرمين · 2013-05-23, 10:40

سؤال فقط

لاه عينيك فلمرايا شافوا النيف وما شافوش الأشياء الأخرى
أشكري ربي على النعمة هناك من هي معاقة وشكلها أبشع مما وصفتي
لكنها ما شاء الله متفوقة في دفعتها وكل زميلاتها وزملائها و أساتذتها يحبوها
لأنها من تنشر السعادة و الأمل و البسمة وسطهم ...
إن كان همك شباب الشارع فهم لا يعجبهم العجب ويعلقون لمجرد التعليق
و إن كان على المكتوب فهذاك عند ربي راح تلقاي من يقبل بشكلك
لكن هل سيقبل بباطنك؟

الفلة البيضاء · 2013-05-23, 18:07

صدقي او لا تصدقي انا اراك اجمل بنت في العالم باخلاقك و تدينك لا تهتمي لكلام الشباب تاعنا هذا واش عندهم فارغين شغل و الله انتي اجمل من كل البنات الي تشبح روحها وتخرج للزنقة الي جا يستمتع بيها و نقولك حاجة تديريها خييييير منهم ماشاء الله انتي تصلللللللللللللللللللليييي و تصلللللللللللللي قيام الليل سوف يرزقك الله باذنه الزوج الذي يعرف قيمتك و يسعدك امين

maram16 · 2013-05-23, 19:58

اقتباس:

المشاركة الأصلية كتبت بواسطة الفلة البيضاء

صدقي او لا تصدقي انا اراك اجمل بنت في العالم باخلاقك و تدينك لا تهتمي لكلام الشباب تاعنا هذا واش عندهم فارغين شغل و الله انتي اجمل من كل البنات الي تشبح روحها وتخرج للزنقة الي جا يستمتع بيها و نقولك حاجة تديريها خييييير منهم ماشاء الله انتي تصلللللللللللللللللللليييي و تصلللللللللللللي قيام الليل سوف يرزقك الله باذنه الزوج الذي يعرف قيمتك و يسعدك امين

يا اختي ماني نحوس لا على راجل لا زوج حابة نحس روحي مرتاحة و نعيش كالناس هاذا واش راني نحوس هادي اللي قاتلي ديري عملية قاتلي هكدا باسكو راهي حاسة بيا قوليلي برك بين العملية و الانتحار شكون خير ؟؟؟ هكدا على الاقل تكون عندي فرصة للتوبة نستغفر ربي و نصوم بلاك ربي يغفرلي و يرحمني مي مانيش قادرة نكمل حياتي هكدا سي بون يو نا مار

matrix75 · 2013-05-23, 20:24

الجمال جمال الأخلاق .والكمال لله , وإرضاء الناس غاية لا تدرك, أختاه ارض بما أعطاك الله,واحمديه على الصحة والعافية التي يفتقدها الكثيرون,

الفلة البيضاء · 2013-05-24, 15:04

اقتباس:

المشاركة الأصلية كتبت بواسطة maram16

يا اختي ماني نحوس لا على راجل لا زوج حابة نحس روحي مرتاحة و نعيش كالناس هاذا واش راني نحوس هادي اللي قاتلي ديري عملية قاتلي هكدا باسكو راهي حاسة بيا قوليلي برك بين العملية و الانتحار شكون خير ؟؟؟ هكدا على الاقل تكون عندي فرصة للتوبة نستغفر ربي و نصوم بلاك ربي يغفرلي و يرحمني مي مانيش قادرة نكمل حياتي هكدا سي بون يو نا مار

انا قلت رايي و في المستقبل سترين النتيجة انا مانقولكش ديري عملية تجميل و تربحي الاثم لانك تغيري من خلق الله و اذا كنتي جميلة من الداخل فهذا يكفي كاين بنات شابات و راسهم فارغ و ماتعرفش كيفاش حتى تذكر ربي اذا كنتي تفكري بالانتحار واش نقولك الله يهديك انتي انسانة مؤمنة فارضي بما رزقك الله

الفلة البيضاء · 2013-05-23, 18:09

علاه تقولولها تدير عملية تجميل حرام عليكم حرام عليكم الله يهديكم

nouna l maghbouna · 2013-05-23, 20:07

ربي يهديك

هذا واش نقلك

BAROUD · 2013-05-23, 20:23

و علاش مليتي من عمرك حتئ تحكي هكذا

ننصحك تضربي طلة في السبيطارات و تشوفي الناس وش راهي تعاني هكذا باش يحمدي ربي يالعزيزة