نتائج المديرية الجهوية للميزانية لولاية سطيف بالصور

Bilal Constantine · 2013-05-21, 20:04

السلام عليكم
مبروك لكل الناجحين
ولي مانجحوش نقوللهم ماتيأسوش خاوتي والله ماتدي غير لي يكتبلك ربي سبحانو عليكم التحلي فقط

بالصبر والمشاركة في أي مسابقة تعني تخصصكم وربي سبحانو بالاك مخبيلكم حاجة خير منها
قال تعالى { وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }

وقال أيضا ﴿قل لن يصيبنا إلا ما كتب الله لنا﴾

لهذا إخواني راهو كلش بالمكتوب تع ربي سبحانو واحد مايكذب عليكم

والله العظيم أنا نجحت والله العظيم لا أملك أي ذرة معرفة والله شاهد عما أقول

إليكم النتائج

بالنسبة لولايتي لحقت متأخر صبتهم قفلو نتيجتي ومعدلي ما شفتوش لحد الآن

بالتوفيق للجميع

MOHAMED_49 · 2013-05-21, 20:07

يعطيك الصحة

19 ‘إمرأة بجلالتها و قدرها من 10 مناصب و 10 احتياط و بينهم رجل في المتصرفين

ربي يوفقنا و يصلح البلاد و الدنيا مكاتيب بصح بزااااف

Bilal Constantine · 2013-05-21, 20:16

اقتباس:

المشاركة الأصلية كتبت بواسطة mohamed_49

يعطيك الصحة

19 ‘إمرأة بجلالتها و قدرها من 10 مناصب و 10 احتياط و بينهم رجل في المتصرفين

ربي يوفقنا و يصلح البلاد و الدنيا مكاتيب بصح بزااااف

والله ياأخي الكريم معك حق
ربي يصلح البلاد ولكان جات المرأة تحكم الدار

والرجل يخدم لكان راهي نقصت البطالة شوي :d
ومايخفاكش ديما النساء يشاركو بكثافة أكثر من الرجال أحيانا أكثر منهم بثلاث أضعاف

ولي نجح والا نجحت بالمعريفة والله يأنبك ضميرك لأنك ديتي منصب واحد آخر

وربي يوفق الجميع إن شاء الله

MOHAMED_49 · 2013-05-21, 20:22

و الله العظيم لا احسد اي انسانة هن كذا قراتو و تعبت و و يشاركو لكن بزاااف
و يقلك الحرقة علاش في زايد و الانتحار في تزايد و ... المشاكل الاجتماعية؟

مبروك لهن باستحقاق و جدارة

و ربي يخلف يا رجال الأمة و يصلح الحال للأحسن

مدينة الملاهي · 2013-05-21, 20:28

من فضلك اريد ننائج ولاية باتنة

amir1919 · 2013-05-21, 20:30

انا متصرف لحقتني الكونفوكاسيو روطار نقلكم حاجة حسبنا الله ونعم الوكيل عارفين بلي مكتوب بصح المكتوب كي يكون كلش بالعدل على اساس الشهادة ومخلصين عام الفيل والمعدلات نتاع اخر عام فوق 12 والخبرة واش تعيشو وراه المكتوب قدام لحرام

Bilal Constantine · 2013-05-21, 20:33

اقتباس:

المشاركة الأصلية كتبت بواسطة mohamed_49

و الله العظيم لا احسد اي انسانة هن كذا قراتو و تعبت و و يشاركو لكن بزاااف
و يقلك الحرقة علاش في زايد و الانتحار في تزايد و ... المشاكل الاجتماعية؟

مبروك لهن باستحقاق و جدارة

و ربي يخلف يا رجال الأمة و يصلح الحال للأحسن

نعم هوما تاني قراو وتعبو وراهم متفوقين على الرجال من حيث المعدلات الحق يقال
والعيب في أغلب الرجال أنهم يتملكهم اليأس ليه ليه وراحت فيه كلمة أي بالمعريفة ومايشاركش في أغلب المسابقات

يارجال راني نقول ونعاود شارك في أي مسابقة ولو كان منصب واحد واش راح تخصر ماعندك ماخاصر لكان على بعض مصاريف الملف أو ربي يخلفهالك اللي صارفو في الملفات ربي لي يعلم بيه المهم كانت نيتي ننجح والحمد لله نجحت بمكتوب ربي ولم أحتج لمعرفة تع أحد الحمد لله ربي لي يرزق ماش العبد ديروها في بالكم خاوتي

ربي يوفقكم وينجحكم جميعا

Bilal Constantine · 2013-05-21, 20:39

اقتباس:

المشاركة الأصلية كتبت بواسطة مدينة الملاهي

من فضلك اريد ننائج ولاية باتنة

إخواني الكرام ماتقلقوش رواحكم في سطيف اليوم كنت تم باش نسنيي محضر التنصيب
راهم معلقين غير نتائج الناجحين في سطيف فقط
والله كانت نيتي نجيبلكم النتائج وقلتلو تم لكان عندك النتائج في ملف pdf أو doc أعطيهملي في فلاش ديسك
قال لي رانا عندنا غير النتائج تع سطيف
والولايات الأخرى رانا بعتنالهم النتائج الكل في ولايتو باش ماتصراش فوضى هكذا قال لي
لهذا الكل يروح لمقر الرقابة المالية في ولايتو يصيب النتائج

بالتوفيق

Bilal Constantine · 2013-05-21, 20:43

اقتباس:

المشاركة الأصلية كتبت بواسطة amir1919

انا متصرف لحقتني الكونفوكاسيو روطار نقلكم حاجة حسبنا الله ونعم الوكيل عارفين بلي مكتوب بصح المكتوب كي يكون كلش بالعدل على اساس الشهادة ومخلصين عام الفيل والمعدلات نتاع اخر عام فوق 12 والخبرة واش تعيشو وراه المكتوب قدام لحرام

لماذا لم تخبرهم بلي لحقتك روطار راهو كاين الطعن يا خويا ومن حقك تحتج

amir1919 · 2013-05-21, 20:51

يحسراه على الاحتجاج نتاعي انا حياتي كامل احتجاج يقلك انا بعثتلك والبريد مخدمش خدمتو

minou1183 · 2013-05-22, 16:32

السلام عليكم
الأخ Bilal Constantine النتائج تاع قسنطينة مكانش ؟؟؟؟
ولا كان افيشاو وين بلاصة باش نروح نشوف
وبارك الله فيك

Bilal Constantine · 2013-05-23, 00:07

راهم أفيشاو في دار المالية بالكدية الطابق الثالث الرقابة المالية
روح تم تصيب نتائج تع ولاية قسنطينة فقط
أما إذا كنت تابع للخروب والا حامة بوزيان راهم أفيشاو في الرقابة المالية في البلديات المذكورة
بالتوفيق