جبـــة

سَلْسَبِيّلْ · 2013-05-20, 18:09

السلام عليكم
ان شاء الله راكم لاباس
هاذي الجية عادية نحوس نديرها حزام تولي كشغل قفطان لخاطر فيها الكول و وش رايكم كون ندير في الغوز و المشكل منعرفش
كون تفيدوني كيفاه نديرو واعطيوني رأيكم

و في امان الله و رعايته

ام مريم اسراء · 2013-05-20, 18:26

شوفي اختي اسهل طريقة انك تروحي لعند الي يبيعو لوازم الخياطة قالولي يتباعو هياكل الحزامات بالكرطون و انتي لازم تغلفيهم اذا ملقيتيش عندك حلين
اما تجيبي ورق الاشعة يعني الراديو الطبي و تقصي بالشكل الي حبيتيه
او جيبي ورق كرتون ميكونش خشين بزاف قصيه في الشكل الي تحبيه و منبعد غلفيه بالحرير اللون الغوز و زينيه بالكورد نتاع الشورات في الاطراف اذا عندك اي استفسار راني هنا
و من بعد اشري قفالي الحزام نتاع القفطان و ثبتي الكل بالبيسطولي

ام مريم اسراء · 2013-05-20, 18:39

هادي هي لاكورد نتاع الشورات اعملي ساير داير لحزام القفطان

و هادو زوج موديلات نتاع حزام القفطان قصي بالشكل الي حبيتيه

و شوفي الموديل الثالث يجي سلك شوية خشين او فيل داتاش راه عند الكانكايري و اشري لاكورد الي راه مغاف بيه العلبة الاولى و اذا ملقيتيش من الاحسن اشري كبة نتاع خيط مكرامي غوز و من بعد قيسي السلك لاطاي نتاعك اقسمي على اثنين قصي السلك على نفس الطول الي لقيتيه دخلي خيط المكرامي في السلك و من بعد اعملي انكسارات يعني زيق زاق خلي زوجك يعاونك نفس الشيئ في الاسلاك البقيين من بعد نسقسهم بالشكل الي الصورة و لسقي مكان التقاؤهم بالبيسطولي و لوي اطرافالخلفية في شكل حلقة يدخل منها خيط الماكرامي و هكا يتربط و تقدري تزيني مكان التقاء الزيق زاق بستار او كريستال اسود على حسب لون الجبة

سَلْسَبِيّلْ · 2013-05-20, 21:40

شوفي ختي نتي كفيتي وفيتي بصح مفهمتش كنغلف لحزام الكتان نقول للبيع لحرير وزيد الخيط نتاع الشورات هو الكيردو والله يسترك ويكملك واش متمنية واسمحيلي

خولة 96 · 2013-05-21, 19:36

واو كامل روعة 4444444444

نادية28 · 2013-05-21, 20:56

الاخت ام اسراء كفات وفات مشكوووووووووووووووورة

ام مريم اسراء · 2013-05-21, 22:31

شوففي حنونتي اشري نص ميترة نتاع ساتان المهم يكون نفس لون القيطان الي في الجبة و روحي عند الي يبيع لوازم الخياطة سقسيه اذا يبيع محازم القفاطن نتاع الكرطون الي جاهزين باش تغلفيهم و زيدي قوليلو لاكورد نتاع الشورات ماروكان تجي ملوية قاربيها لنفس لون الحرير اي استفسار راني هنا

سَلْسَبِيّلْ · 2013-05-22, 11:26

اقتباس:

المشاركة الأصلية كتبت بواسطة ام مريم اسراء

شوففي حنونتي اشري نص ميترة نتاع ساتان المهم يكون نفس لون القيطان الي في الجبة و روحي عند الي يبيع لوازم الخياطة سقسيه اذا يبيع محازم القفاطن نتاع الكرطون الي جاهزين باش تغلفيهم و زيدي قوليلو لاكورد نتاع الشورات ماروكان تجي ملوية قاربيها لنفس لون الحرير اي استفسار راني هنا

اختي نضن الطريقة نتاعك فهمتها بصح هذا لاكورد قداه نشري وكفاه نلسقووربي يحفظك نتي والاخوات ايه والجبة يخي مجيش تبهدل مع لحزام رايكم يهمني

ام مريم اسراء · 2013-05-22, 17:43

شوفي اختي صؤك نحطلك موديلات حزام و باش تقيسي وشحال تشري
مثلا هاد الموديل

لازم تحسبي طول الرسط نتاعك و اضربيه في 4 هكا تضمني انك شريتي بزيادة شوفي ننصحك روحي اشري و ادي معاك الجبة باش تقربي درجة لون الساتان من لون القيطان الي مطرز بيه الجبة و من بعد روحي عند الي يبيع حوايج لخياطة
اشري لاكورد بالقياس الي تحصلتي عليه و اشري كرطونة الحزام - القفطان - بلاك تلقايها واجدا و اشري 2 كروشيات الي يقفلو الحزام و اذا عندك البيستولي او مسدس الشمع و ا\ا مهندكش اشريه
و من بعد راح نعملك موضوع خاص بالحزام و نحطولك اتفقنا

ام مريم اسراء · 2013-05-22, 17:45

و اذا حبيتي نعلمك تخدمي موديل القفطان الاول الي حطيتولك اختاري و راح نشرحلك

سَلْسَبِيّلْ · 2013-05-22, 18:07

والله اخجلتيني حبيبتي بكرمك اذا مافيهاش ثقل حطيلي المودال الاول مالا نخيط وخلاص ونزيد ندير حزام للجبة نتاعي علا خاطر مستورين
وجزاك الله الف خير

amiramirna · 2013-05-22, 18:24

شكرا لك ام مريم اسراء
رانا نستناو في الصيف و فالورشة ربي يجازيك

ام مريم اسراء · 2013-05-22, 20:14

شوفي في خاطرك عملت وريشة صغيرة
https://www.djelfa.info/vb/showthread.php?t=1304385

سَلْسَبِيّلْ · 2013-05-22, 21:39

ربي يسترك ويعطيك ماتتمناي يارب راكي وفيتي وكفيتي راح نجربو انشاء الله ونحط تطبيقي