قاطو بالمورانغ بنين ويذوب فالفم------بالصور

algeriana-31 · 2013-05-15, 22:01

السلام عليكم ورحمة الله وبركاته
المقادير

4 بيض
250غ زبدة قل مغرف كبيرة
3 ملاعق كبيرة حليب
كأس الا ربع سكر ناعم
فاني
عطر اللوز -------اختياري وممكن ديري اي عطر آخر مداري نديرها بعطر الكراميل تجي بنينة تاني ولا عطر الليمون المهم كيما تبغي
فرينة حسب ما يتلم
1 خميرة الحلويات
1 علبة معجون المشمش نخلي ربعها
350غ سكر عادي للمورانغ
طريقة التحضير
نفصل صفار البيض عن البياض ونزيدوا الحليب السكر الناعم الفاني عطر اللوز ونخلطوه بيدينا

نذوبوا الزبدة ونخلوها تبرد ونزيدوها للخليط بشوية وحنا نخلطوا

ونزيدوله الفرينة مع الخميرة حتى يتلم ويولي عجينة خفيفة ما نكترولهاش الفرينة خاطر غادي نبسطوها فالسني بيدنا لازم تكون طرية باش تعاونا

نحاولوا قد ما نقدوا نديروها قدقد ماشي جيها عالية وجيها هاودا ونتقبوها بالفرشيطة وندخلوها للفرن 15 حتى 20 دقيقة كل وحدة تعرف الكوشا تاعها

من جيها اخرى نوجدوا المورانغ نضربوا بياض البيض حتى يولي كي الرغوة

ونبقوا نزيدوله اللسكر غير بالشوية ونديرلها عطر اللوز والفاني

نخرجوا العجينة من الكوشا وiهي حامية نديرولها المعجون نستعمل العلبة قل ربع

ونزيدوا فوقه المورانغ بصح كي تكبي المورانغ حاولي توزعيها لاني حطيتها فالوسط ومشيتها والمعجون بقا يمشي معاها وسال لي مع الجوانب

ودردرت فوقها نوادكوكو ودخلتها للكوشة تتحمر من الفوق

ملاحظة مين يحمار طفي النار وخليه فالكوشة حتى تبرد باش المورانغ تشد روحا شوية
وطبعا زوقيه كيما تبغي مرات ندخله قد ما تحمار شوية المورانغ و ندير له خطوط من الشكولاطة
وهذا بعد ما قطعته

مين تبدي تقطعيه المرانغ تتشقق لك شوية ماعليش بالعكس يجي شباب مشقق
واذا ما بغيتيهاش تتشقق غي تحمار المورانغ خرجيه من الكوشة تقعدلك المورانغ طرية

وهاذي حبة عن قرب

وبصحتكم ان شاء الله تعجبكم الوصفة وتجربوها