انصحوني عااااجل

[hicham16]

السلام عليكم خاوتي حبيت تحكمو عليا من هدا العداب لي راني عايش فيه حبيت حب حياتي و عمري ميتعداش 17 سنة ولي عرفتها كان عمرها 15سنة واش نقولكم نويت معاها الخير و ندير لحلال عام مور عام كان علي عشرتنا 5 سنوات جلسنا وحدنا و قتلها نديرو الزنا محبتش نحبها بزاف و هي اليوم تشهد بلي ناويها لحلال في هداك العام ديت والديا و روحت نخطب جاوبوني بلي راهي تقرا حتي تكمل قرايتها تفاهمنا و قتلهم نستناها تكمل الحكد لله لي نحبها والفتها وليت نشوف غير فيها واحد النهار كنا منعزلين درنا الحرام و فقدت العدرية و كنا نجامعو شحال من مرة حتي كملت لقرايا ديت والديا و لافامي قبل هاد الشئ بنهار مشيت انا و بابا انا من ولاية و هي من ولاية اخرى نيتي ندير لحلال بلا هداك الشئ لي درناه في الحرام صح غلطت نحبها و مكاش لي ميغلطش حبيت ندير لحلال و نتوب كيما قتلكم روحت مع بابا و تفهمنا مع باباها نديرو الفاتحة قضيتلهم واش كتب ربي و تفاهمنا غدوا نجو نديرو الفاتحة و الشرط و كل ما يتعلق بالزواج الحمد لله ديت بابا و يما مريضة بالسرطان رافقني ناس من الجيران خاوتي خوالي وصلنا لداهم رحبو بنا كيما يلزم بعد صلاة الجمعة نديرو الفاتحة قالولي الفاتحة مانديروهاش بلا عقد تقلقنا و تعصبنا يما بدات تعيط و بهدلت خطيبتي علاه ما قالوناش من قبل الفاتحة ماكاش المفيد والديها كلفو عمها باش يتكلم علي الشروط والله يا خاوتي كلمة الهنا ماقلهاش بدا يتفلسف خوالي راهو قالو ليما طارت و تقلقت صرا جدال رفدنا رواحتينا و مشينا بعد يوم انا و بابا و صاحبي لي جا معايا حكينا واش صرا من جهتنا و من جهتهم و انا ناوي لحلال يماها محبتش تستعرف قاتلي خلاص خلاص شوف واحدة اخرى و اتزوج جاوبتهم بدموعي الطفلة نحبها و تحبني ما نقدرش نسمح فيها باباها مدنا كلمة قالنا نصلحو الوضعية بعد 10 ايام عيطلي قالي ارواح تدي الخاتم خلاص مانتناسبوش خبرت بابا تقلق و عيط لباباها قالو مديتلي كلمة و درت و مرتي خير من النسا لي عندك و هوما كل ما نهدر معاهم يقولولي يماك واعرة و مازلت علي علاقة بها هي راهي في عداب و انا كيف كيف زدت عيطت لباباها قالي ماجيش ربي جيبلك مرا واحد اخرى و اسمحلي راني مدبدب نحبها و عندي حكاية معاها حتي وصلت نخمم نسرقها انصحوني و اجركم عند الله