مشكلتي مع زميلتي

[مشكلتي]

صباح الخير : عندي زميلة في الدراسة دايرتلي مشكل بزااااااااااااف و طلعلي الضغط

ما تحضرش لي كور هي خدامة في الادراة و انا تاني خدانة في المستشفى و مانحضرش لي كور و احنا في فوج واحد و

مضطرة للعمل معها البحوث لانو خطرات تكتبني معاها و مع صحبتها ليس حبا في بل لانني اعمل كلشي و مانيش حسادة و نبعثلهم

كلشي باغ ايمايل باش نلقو مليح و نجيب الداتاشو

انا نحضر غير لي تيدي و خطرات كي ما نخدموش و يكون عندي الفراغ نروح نحضر كور منين ذاك

مام حتى في الستاج تاع الماستر بدلت معايا وين راني و في نفس المكان بعدما كانت في جهة اخرى و كي تسمع حاجة ديرها

نكرهها بزاااااف ........................... و انا نحب نحكم قدري و هي تتصرف تصرفات مخجلة

.................... تقول كلمت الوجه و فوق هذا نصيبها تقلبلي في حقيبتي و انا مانيش دايرتها صحبنتي مام حتى صحبتي لانتيم ما تقلبليش حوايجي مانعرف وين ترباو هاذو لبنات و اذا حطيت ورق في طاولتي و نهدر مع وحدا نصيبها تقلب و خطرات نشين فيها الخزرة باش تتعلم ما تقلبش حوايج الناس و خطرات نضربها بلمعاني هاذيك ماهيش متربيا هاذيك كذا تفهمني و دير روحها مافهمتنيش

هاذي الطفلة ............. و عندها سيستام نقضي صوالحي و نفسي نفسي و مثل اللصاق كي تحب تدي حاجة
المشكل ماهيش قراية تحب تبين روحها و لي وجعلي قلبي دايرا الكيتمان في الامتحانات و اكتشفت هذا صدفة كي خرجت من الامتحان السداسي الاول جات صحبتها قالتلها صحيتي حطيتيلي كلشي بالصح راكي تصوتي
و كي زدت راقبتها صبتها صح دايرا الكيتمان ؟؟؟؟

........و تحب تبين روحها بزاااااف و تنقصها لباقة الحديث: تقلك هاتي لي كور كاشما دبرتي خطرات نتجاهللها لانها تدي برك و

كي نسحقها دير روحها ماعلابالهاش و ثاني عندها سوء الظن تضلم بزاف ناس

كيفاه نتصرف معاها راهي طلعتلي السكر ؟