|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
دجاج كنتاكي المقرمش بالتتبيلة السحرية
|
أدوات الموضوع | انواع عرض الموضوع |
2013-05-07, 18:34 | رقم المشاركة : 1 | ||||
|
دجاج كنتاكي المقرمش بالتتبيلة السحرية
السلام عليكن اخواتي حبيت نقدملكم دجاج بطريقة سهلة ويجي لذيذ ومقرمش راح تحبوه خاصة الاولاد بالتتبيلة السحرية والغلاف اللي يخليه مقرمش ولذيذ
دجاج حسب الحاجة مغسول تزيدلو التتبيلة اللي عودتكم عليها واللي هي في ميكسور حطي حبة متوسطة بصلة مقطعة+4سنات ثوم+ملعقة كبيرة هريسة+ملح +ملعقة صغيرة فلفل اسود+ملعقة صغيرة كمون+2ملاعق خل+شوية بابريكا وشوية كسبر مرحي+ 2ملاعق كبار زيت خلطي الكل شوية فقط في صحن حطي قطع الدجاج ومعاها التتبيلة وزيدي الملح حسب الحاجة خلطي الكل بيدك حتى يتغلف الدجاج مليح بالتتبيلة وخلي الكل يرتاح في الثلاجة من الاحسن ليلة كاملة او اقل شيء ساعتين ثم حطيه في مول حطيه في مول ودخليه للفرن على 200درجة حتى يطيب الدجاج ماشي شرط يتحمر نحيه من الصوص وخليه يقطر من بعد اغطسيه في حبة بيض مضربة مع شوية ملح ومباشرة مرغديه في خبز مرحي او شابلير مرحي شوية خشين وحطيهم في بلاطو نتاع الفرن من غير ماتدهنيه ودخليهم فرن ساخن حتى يتحمرو من فوق وتحت راح ياخدو تقريبا 5 د لان الدجاج طايب والصوص اللي بقاتلك زيديلها مغرف صغيرة فرينة محلولة في زوج ملاعق ماء ورديها للفرن حتى تاخذ الغلوة فقط وتخثار قدميهم مع سلاطو وفريت ولا كيما انا قدمتهم مع بطاطا مرحية وهاذي صورة جماعية لصحون اولاد اخواتي نتمنى ينال اعجابكم
|
||||
2013-05-07, 18:37 | رقم المشاركة : 2 | |||
|
مممممممممممم تسلم الايادي عزيزتي روعة ما شاء الله ربي ما يحرمناش من طلتك البهية |
|||
2013-05-07, 18:40 | رقم المشاركة : 3 | |||
|
الله يسلمك حبيبتي انا راني نبذل كل مجهودي في اني نبقى معاكم لكن الله غالب العمل خدالي كل وقتي
|
|||
2013-05-07, 18:43 | رقم المشاركة : 4 | |||
|
ما عليش عزيزتي المهم ما تغيبيش علينا و تخلينا نتوحشو وصفاتك والله تعلمت منك حقيقة
|
|||
2013-05-07, 18:44 | رقم المشاركة : 5 | |||
|
اممممم يشهي بارك الله فيك في انتظار جديدك موفقة |
|||
2013-05-07, 18:44 | رقم المشاركة : 6 | |||
|
ممممممممممممممممم حنونتي جاك تحفة اكيد لحبيبة نجربوا باين بنين شكرا حنونتي على الموضوع الرائع |
|||
2013-05-07, 18:44 | رقم المشاركة : 7 | |||
|
بلا مزية حبيبتي رانا اخوات واي وصفة عجباتك راني في الخدمة
|
|||
2013-05-07, 18:50 | رقم المشاركة : 8 | |||
|
وصفة رائعة تسلمي |
|||
2013-05-07, 18:51 | رقم المشاركة : 9 | |||
|
يعطيك الصحة طريقة رائعة عجبتني بزاف سيغتو ما فيهاش زيت بزاف لكن عندي سؤال حاج ما فهمتهاش هي شوية بابريكا ماهي |
|||
2013-05-07, 18:53 | رقم المشاركة : 10 | |||
|
العفو حبيبتي والبابريكا هي الفلفل المرحي الحلو هو تابل كيما الكسبر والكروية والفلفل لكحل
|
|||
2013-05-07, 18:54 | رقم المشاركة : 11 | |||
|
تسلـــــــــــــــــــم الإيدين |
|||
2013-05-07, 18:58 | رقم المشاركة : 12 | |||
|
ااااه شكرا عرفته شكرااااااااااااااااااااااااااااااااا حبيبة و الله يبارك على الوصفة
|
|||
2013-05-07, 19:00 | رقم المشاركة : 13 | |||
|
شكرا لكن حبيباتي على المرور وعلى الردود |
|||
2013-05-07, 19:19 | رقم المشاركة : 14 | |||
|
شكرا باين عليه يشهي و وصفاتك كامل يشهو و بنان راني مجربتهم و هاذي غدا بحول الله نجربها لأنها فعلا رائعة |
|||
2013-05-07, 19:22 | رقم المشاركة : 15 | |||
|
عودة ميمونة أختي نينا رانا توحشناك بزاف بزاف ربي يحفظك لينا ,راني درت خبز الدار والبيتزا الايطالية وجاو روعة بكري كانت عندي عقدة العجن ومعاك انتي راحت هههههه ,عمبالك راكي تجي في بالي دايما بصح أكثر شيء نهار الجمعة وراني ندعيلك من كل قلبي باين عليك قلبك كبير وابيض وتمدي من قلبك .ربي يحفظك من كل شر ويعطيك ماتتمناي.
|
|||
الكلمات الدلالية (Tags) |
المقرمش, السحرية, بالتتبيلة, دجاج, كنتاكي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc