الواسطة او المعريفة.....؟؟؟؟؟؟

saber-cabba · 2013-05-06, 14:30

البعض يعتبر الواسطة او المعريفة كالرشوة و دفع المال مقابل منصب عمل.

والبعض الاخر يقول انني محقور و أغلب المناصب تأخذ عن طريق المعريفة لذا لا حرج في ذلك وأمر عادي

ما هي نظرتك لهذه الظاهرة ،و ما هو الحل الأنسب لها في رأيك ؟

*تسنيم* · 2013-05-06, 16:16

انا في نظري استخدام المعريفة باش جيب حقك حاجة عادية اما استخدامها باش تدي حق غيرك في هدا الحالة ماشي عادية

enamosto · 2013-05-16, 10:30

اقتباس:

المشاركة الأصلية كتبت بواسطة صافينيزا

انا في نظري استخدام المعريفة باش جيب حقك حاجة عادية اما استخدامها باش تدي حق غيرك في هدا الحالة ماشي عادية

السلام عليكم
ياريت ياشطارة في التحليل لو تقدمي تفسير اوضح للإستنتاجك لي حطيتيه؟؟؟؟؟؟؟؟؟ وجهة نظرك فيها شطران شطر : تقولي فيه " انا في نظري إستخدام المعريفة بش نجيب حقي - اي حق تقصدين -الحق في العمل الذي اصبح مطلب الجميع - الحق في العلاج- حق الجيمع - وتكملي تقولي حاجة عادية . بلا مانكمل الشطر الثاني من وجهة نظرك - حقيقة مؤسفة ومرة وتبرير غير مقبول .
اتمني ان تأخذي ردي بالتأني وبدون تسرع في التعقيب علي. وشكرا

بنت تاجنانت · 2013-05-16, 12:35

اقتباس:

المشاركة الأصلية كتبت بواسطة enamosto

السلام عليكم
ياريت ياشطارة في التحليل لو تقدمي تفسير اوضح للإستنتاجك لي حطيتيه؟؟؟؟؟؟؟؟؟ وجهة نظرك فيها شطران شطر : تقولي فيه " انا في نظري إستخدام المعريفة بش نجيب حقي - اي حق تقصدين -الحق في العمل الذي اصبح مطلب الجميع - الحق في العلاج- حق الجيمع - وتكملي تقولي حاجة عادية . بلا مانكمل الشطر الثاني من وجهة نظرك - حقيقة مؤسفة ومرة وتبرير غير مقبول .
اتمني ان تأخذي ردي بالتأني وبدون تسرع في التعقيب علي. وشكرا

ايه صح كاينين عباد متلا يخدمو بابيان في لي كونكور وباه ماتروحش خدمتهم هكاك وتعبهم باطل يستخدمو المعريفة لي تهدر عليها يعني راهم خادمين وزيد مع الخدمة نعريفة
نظن هكا تقصد الاخت الكريمة

فرناس وهران · 2013-05-06, 17:33

اشاطر رأي الاخت صافي
المعرفة فيها نوعان اذا كان هذا المسؤول سيقوم باضرار الطرف الاخر و تكون هذه الاضرار جسيمة فهذه المعرفة لا بارك الله فيها
و ان كانت لا تضر طرف اخر بصفة مباشرة و جسيمة فأظن انها عادية
اما من ناحية الرشوة هذا امر مفروغ منه

amine eco · 2013-05-06, 17:36

المعرفة في الجزائر اصبحت فاضحة في وجه

noussa nasnoussa · 2013-05-06, 17:41

بكل صراحة اذا لقيت معريفة لن أتردد في استخدامها للحصول على حق في العمل
لأني أعتقد أنى المعريفة أحسن بكثير من الرشوة ومن الضحك للمدراء لأجل الحصول على عمل

فرناس وهران · 2013-05-06, 17:52

يا حصراه اذا لقيت معرفة للحصول على عمل توكل على الله لكن ليس بتزوير نقاط الطرف الاخر و انقاصها
او تزوير نقاطك و تضخيمها
في نقط المقابلة هاذا امر عادي في نظري لكن في اشياء اخرى ممكن تظلم

yacine-08 · 2013-05-06, 23:35

بدون معرييييفة حتى عقود ما قبل التشغيييييل ما تصحلكش

كيفاش تصحلك خدمة دائمة .

حتى ورقة في البلدية اصبحت بالمعرييييييفة

فرناس وهران · 2013-05-07, 07:22

ياسين !!!!! علاه انت دخلت لعقود بالمعرفة اخي لا
حطيت ملف و قبلوك لكنك بحثت عن الادارة ههههههههههه

yacine-08 · 2013-05-07, 12:10

اقتباس:

المشاركة الأصلية كتبت بواسطة فرناس وهران

ياسين !!!!! علاه انت دخلت لعقود بالمعرفة اخي لا
حطيت ملف و قبلوك لكنك بحثت عن الادارة ههههههههههه

ههههههه اعقل اعقل باغي تحصلني ولا كيفاه هههه

نو كنت حاب ندير لانام و هوما عرقلولي فيها فقط لانني لا املك العرف

بصح في لاداس جازت عادي الحمد لله لي كنت دافع دوسي مند تخرجي .

بصح دلك لا ينفي هناك الكتيييير من لم يستطيعوا حتى ايجاد عقد مؤقت فما بالك ان يجد وظيفة دائمة .

أيمن 2007 · 2013-05-07, 07:35

والله العظيم لا المعرفة ولا الرشوة الا ماكتب الله لك . فقط في الصبر . تصبر تاكلو رزقك بحلال وتسرع تاكل رزقك بحرام . متخرج من 2006 والحمد الله تم نجحت في 2013 إذا أخواني علينا ان نحلل رزقنا. والقضاء على هذه الظاهرتين . المعرفة والرشوة .

فرناس وهران · 2013-05-07, 07:40

سبحان الله ايمن راك كيفي اخي 2005الى 2013
الصبر و الاسباب و الاصرار في الدعاء

saber-cabba · 2013-05-07, 10:47

المعريفة راهي شبهة

wahidservice · 2013-05-07, 12:23

لي ما عندوش المعريفة مستحيل يقدر يعيش في الجزائر غير يهجر خيرله والله يخطوك والديك تولي تطلب واحد ما يعطيك تاكل ربي يستر واش راه يستنى في الشباب