ماذا افعل ؟؟؟؟؟؟-2

[مشكلتي]

اولا شكرا لكل الذين ردوا على موضوعي السابق
https://www.djelfa.info/vb/showthread.php?t=1284331
وشكرا على نصائحكم
بالنسبة لسؤال احد الاخوة ان كان هذا هو عمري الحقيقي نعم فانا لم اكذب ولست مضطرة لذلك عمري 17 عاما ونصف
وبالنسبة لاحدا لاخوة الذي قال لانه من الفرقة الموسيقية فانسيه هي ليست فرقة غنائية بل فرقة انشادية تحيي الحفلات في الثانوية بمناسبة يوم العلم وذكرى المولد النبوي وحفلة التخرج ومنذ فترة ليست بالطويلة فازت الفرقة بلقب افضل فرقة على مستوى كل الولاية وحتى في الرحلات المدرسية لم اذهب السبت الماضي لانه كان هناك فارتايت عدم الذهاب حتى لا التقيه والله انا احاول جاهدة نسيانه تماما وفعل كل ماله نفع في رؤيته بطريقة سيئة لا اكني لا ارى شيئا سيئا منه فهو معروف بطيبته وحب كل الناس له اقرا القران اصوم واصلي واستغفر كثيرا ولكن اول ما اضع راسي على وسادتي تتبادر صورته الى ذهني فهل من حل ناجع لنسيانه تماما

[kimotechgirl]

انت باين دخليك virus سكاني وفورماتي كلش وعاودي installer

[romaissa07]

اختي انا راني في نفس عمرك و شحال من وحدة نعرفها صرالها هكا مي جا نهار و نساووو كاينة و حدة صلت صلاة الاستخارة
و ايي وحدة في هذا العمر تمر بالحالة لي راكي فيها انا صرالي هكا مي نسيتو ومحبيتش نشغل تفكيري بيه
معليك غير الدعاء

[biti]

فترة و تمر تنسليه و كي تكبري تشبعي ضحك على روحك الحل الوحيد تقتلي روحك بالقراية

[sofienesofienedouaa]

يا أختي تذكري بأن الله ينزل في الثلث الأخير من الليل فإستغلي هذا الوقت في الدعاء وسؤال الله الواحد الأحد وتذكري بأن دراستك في الوقت الحالي هي الأهم من كل شيئ فلا يغرنك أي مخلوق في هذه الدنيا أي بصريح العبارة فيقي مع روحك قبل ماتطفر فيك وماتحكمي والو في هاذ الدنيا

[الدكتور شهاب الدين]

السلام عليــــكمـــ .........
الحمد لله أنكــ فهمت بأنكــ معــجبة ، فهده هي الحــالة التي تصح قولهــا في سن المراهقــة ،وكلنــا مرت علينـــا هده الحــالة !
فأبرز المشكلات والتحديات السلوكية في حياة المراهق هي: المشكلات العاطفية
فستعجبين بــه بصفته ويذهب إعجابك بذهاب الشخص المعنى ، وهدا متأكد منــه100 %
وحسب مافهمت من موضوعكــ فعلاقتكــ به عبارة عن حبل اللاواعى والدي يكون انجذاب فكرى ثم انجذاب بصرى .
فحـــاولي إقناع نفسكـ بأنكــ قويــة لايؤتر عليكــ أحد ، كررهــا مرارا وتكرارا .
كبري عقلكــ وإقنعي نفسكــ أن هده التصرفــات ،صبيانيــة والتي لاجدوى منــها فيجب الترفع عنهــا
فلاحظي افكارك قبل ان تتحول الى تركيز ولاحظي تركيزك قبل ان يتحول الى احساس ولاحظي احساسك قبل ان يتحول الى سلوك ولاحظي سلوكك قبل ان يتحول الى نتائج ولاحظي نتائجك قبل ان تحدد مصيرك

و دومــا الرجوع إلى الله و عليك بالإلتزام ، فنحن لانعرف الإلتزام سوى بالكلامـ فقط، أمـــا فعله وتطبيقــه فشيئ آخر فعلا
أنصحكــ بمشاهدة مواعظ في اليوتيوب وغيرهــا....
إن شاء الله أكون قد وفقتـ في توصيلــ فكرتي...
وبالتوفيق لكــــ...........
سلام.............

[HAKIM HA]

يا اختي كامل قلنا هذا الشي مين كنا صغار و شخصيا انا وصل بي الحال حتى قلت ليما غير فلانة ولا مكانش و خطبولي و و و

و دركا راه في عمري 28 سنة مين نتفكر دوك ليام انا و يما نبقى غير نضحكوا

هذه هي فترة المراهقة راكي تنقلتي من مرحلة الطفولة لهذه المرحلة راهي تبان ليك الامور على هذا النحو

درك تكبري و تقولي واش كنت نقول

لي نوصيك بيها عسي روحك برك العباد راهي مترحمش و المجتمع ايضا لا يرحم

و اهم و اعظم شيء ** الا بذكر الله تطمئن القلوب ** و بركيك من المسلسلات المدبلجة

[sstolga]

فترة و تمر تنسليه و كي تكبري تشبعي ضحك على روحك الحل الوحيد تقتلي روحك بالقراية

[manita]

والله يا اختي يجي نهار الي تندمي مش غير تندمي هدا كل تمسخير في تمسخير اني يجي نهار الي تندمي ما كانش قد ما تحكمي في ربي وتلتاي بقرايتك وتدي الباك الاولى والله كي تكبري تجيك هدا كل تمسخير وتندددددددددددددمي مالا نوصيك حبسي من درك خير باه ما تندميش مباعد واله ما لقيت كيفاه نفهمك بالي هدا كل او تمسخير وكي تكبري تلقاي الزواج مش هك كل هدا كل ما كان والو اخطططططططططططططططططططططططيك واحكمي في ربي

[soumia bougaa]

دات المشكل الذي اعاني منه

وحتى الوضعية طالبة السنة ثانية ثانوي وطالب السنة الثالثة

متفوق ومرح ومحبوب ههههههههههه

وصدقيني افهمك اكثر من غيري هههههههههه

لاننا في نفس الوضعية

انصحك فقط ان تعمدي الى امر واحد:

لاتضعي راسك على الوسادة حتى تتاكدي انك بمجرد

وضع راسك عليها ستنامين

صدقيني لن يكون لك الوقت للتفكير فيه ههههههههههههه

نفس الوصفة الي راني متبعتها انا

وربي يسهلها حتى تخلاص فترة المراهقة هاذي على خير هههههههههههههه

تقبلي مروري اختي الكريمة

[doba]

ربي معاك أختي

[☆★ أَمِيـرَة ★☆]

او تبانلك برك
بلي اكي ماتفدريش تنسايه و انما عقلك نتي و روحك اللي توهمي نفسك بذلط
انتي كي ترقدي قولي علاه نهلي روحي نخم فيه
جيبي السبحة و سبحي و ركزي في تسبيحك مثلا سبحان الله و الحمد لله ركزي فيها
ذرك تلقاي روحك نسيتيه
ماتخليش روحك فارغة شغل
حتا من الفيد تولي تفكري
روحي ادخلي للكوزينة
ارواحي هنا
بدلي الحو اخرجي
نشفي سيقي المهم
ماتخليش روحك تفكري
و اصلا نتي اللي موهمة نفسك بلي تفكري فيه

[طيبة نفس]

انت قلتها بالنسبة لي كرامتي وشرفي وسمعتي اهم بكثير من نزوة عابرة انا بالتاكيد استطيع التحكم في افعالي ولا اخيب ثقة اهلي بي الحمد لله انك عرفت انها نزة عابرة وانه احساس مؤقت تحكمي في نفسك وفي مشاعرك وكوني سيدة قراراتك واميرة نفسك حتى وان كنت معه في نفس المكان كوني اقوى من مشاعر مراهقة سياتي يوم وتمضي اكيد لكل واحد منا سلبيات وان وجدت فيه سلبيات تتغير نظرتك له اقبلوا مروري سلام

[منال 22]

تكبري وتنساي