موضوع مميز ورشة لمة لحباب لصدر كروشي من مجلة شهيناز

kakpop · 2013-04-26, 18:55

السلام عليكم حبيباتي نبداو الدرس على بركة الله بالنسبة لهاذا الصدر

اللوازم

نحتاجو ثلاثة لون و ثلاثة لون مغاير انتم اختارو الالوان لي تحبو
انا خيرت هذا اللون الاصفر و اللون ابيض

امابالنسبة للسمسم مبعد نشري ونقلكم الكمية
اولا نخدم سبعة سلسلة ونغلق

ومبعد نطلعو بي عمود و نديرو 12 عمود كما الصورة

و مبعد نطلعو ب ثلاثة اعمدة في سلسلة و مبعد نكملو نديرو كل عمود في سلسلة حتى نوصلو لاخر سلسلة في السطر و نديرو ثلاثة اعمدة في سلسلة

ونكملو الاسطر الباقية بنفس الطريقة وكل مرة نديرو في بداية السطر و في نهايتو ثلاثة اعمدة في سلسلة

وعندما نوصلو للسطر السادس نقصو منديروش ثلاثة اعمدة في نفس السلسلة نديرو زوج اعمدة في سلسلة ونكملو باقي السطر ب كل عمود في سلسلة حتى نوصلو لنهاية السطر و نديرو في السلسلة الاخيرة كي بداية السطر زوج اعمدة في سلسلة

وفي السطر الاخير نغيرو لون الخيط تحبو ديرو اعمدة كيما السطر لي قبلو و لا كيما درت انا عبارة عن تموجات كل وحدة و ذوقها

وكي تكملو ديرو 16 بياسة لدائرة الصدر زائد ثلاثة لي لاصقين في الصدر زائد ستة مرشوشين في لقندورة في الاسفل

السطر الاول نديرو 19 سلسلة بين كل بياسة و بياسة
السطر الثاني نديرو 3 اعمدة ثم غرزة حشو ثم 3 اعمدة ثم 3 سلسلة ثم 3 اعمدة ثم غرزة حشو ثم 3 اعمدة و هكذا حتى ينتهي السطر الثاني
السطر الثالث نفس الثاني لكن منديروش 3 سلسلة 2 فقط
السطر للون المغاير و الاخير نديرو 5 اعمدة مع بعض بيض الصدفتين

مزال تزيين فقط مبعد كي نزين الصدر نحطولكم
وكل وحدة وطريقة تزينها للصدر
انتظر تطبيقاتكم

soha1987 · 2013-04-26, 19:15

اناااااااااااااااااااا تفيليني ولالا راني مبتدئة فالكروشي راح تتعبي معايا بالشوية عليا راني سلحفاة ههههههههه

لحن الحياة. · 2013-04-26, 19:21

salaaaaaaaaaaaaaaam bitawfiiiiiiiiiik ya bnat machkora koko

kiya · 2013-04-26, 19:21

راني معاك بربي ان شاء الله
بصح راكم رايحين تهبلونا مام راهي تضل تعيط عليا قاتلي رايحة تخدمي كلش لي تشوفيها تقولي نخدمها

abir chemss · 2013-04-26, 19:23

على بركة الله .......انا معاكم و لو باللمة الحلوة ..........موفقة

inasso R · 2013-04-26, 19:26

راني معاكم وربي يعطيك ما تتمناي

zeyyan · 2013-04-26, 19:37

بداية موفقة و مبارك عليكم العرس مسبقا

وليد مولودية · 2013-04-26, 19:52

انا معاك باذن الله قولي برك وش يلزم و يلا على ربي

كرااميلا85 · 2013-04-26, 19:57

انااااااااااااا معاااك حنونة
حطيلنا اللوازم تاعو برك باش نوجدوهم
ان شاء الله نفرحوك بالتطبيقات

nadoouuch · 2013-04-26, 20:01

merci w rani m3akom golina berk wach lazem w rbi m3ana kamel

kamilia88 · 2013-04-26, 20:05

على بركة الله

أم أسامة 07 · 2013-04-26, 20:13

روعة يعطيك الصحة

ام ريانو · 2013-04-26, 20:17

هذا هو الصدر الي صوت عليه هههههههههههههههه راني معاك معليش ختي راني مبتدا برك اصبري معنا شوية وقولينا اللوازم والمهم رقم الكروشي للانو عندي أزمة بالنسة للكروشي معرفتش نخدم الرقيق وجزاك الله خيرا على قلبك الكبير وربي يعطيك ما تتمنى ويجعلها في ميزان حسناتك

زهرة الهضاب 19 · 2013-04-26, 20:24

جميل جدا مشكورة أخت كابكوب المعطاءة .....

أم هجورة · 2013-04-26, 20:44

بالتوفيق يا البنات والشكر الخاص لكاكبوب جزاك الله خيرا
نكمل واش في يدي وراني معاكم انشاء الله