مشكلتي البنات

مشكلتي · 2013-04-14, 21:24

المهم خليني نحكي بالدارجة افضل لي
مشكلتي البنات وفرات لقلت نغض بصري يجيو وحده ورا ختها ثاني بالسطر وكل وحده تقول شوفوني راني هنا
يا عباد الله مكياج كومبلي واللبسة ماعندي ما نقولك تقول عروسه

يعني تتفرج بسيف عليك حتى نعود نغمض في عينيا تقول حكمني البرص
الجامعة يا عباد الله كرهت اليوم الي طلعتلها فيه كل عام يعدي تقول 10 سنين والبنات كل يوم يطلعوا شبر

يا خي ارحمونا عدت نروح للجامعه كي الضيف نعدي التطبيقات وبالزهر وكون ماجاوش يعرفوني راني تقصيت من هذاك العام

ويوم ما يجي الصيف العبد يقول تهنيت من مشاكل الجامعه
يروح يخدم
في السوق البنات
في البلدية البنات
في البحر البنات
في الدائرة البنات
في السبيتار البنات
حتى في الحبس تلقى البنات

الجامع وما ادراك ما الجامع تلقى البنات ما نعرف كيفاش يصليو باللبسة هذيك

المهم

ايا مرة قالي واحد صاحبي ارواح نتقهواو ونتوانسوا شوي قلت ماعليش وحاكم قلبي قلت علابالي اليوم نروح نفتن عمري ونجي قاعد
دخلنا للقهوة
زمان جات وحده
بعدها جاو زوج
حتى ولات القهوة كامل نسا
يا خي هاذوا معندهومش شكون الي يحكم فيهم على الاقل استروا رواحكم
و الريحة الي مدايرينها تنعنع من 10 كم يعود المخ يغلي والطالو الي قالهم اقعدوا لثم

قلت نقلبها للاخوان رحت عند واحد من الملتزمين قعدت معاه طبعا هو عنده حانوت يبيع فيها الحوايج تاع السلافين
دخلت وحده كي لقات روحها مصختها بشكلها ولقاتنا في زوج مهبطين ريسانا لا هو معبرها ولا انا نشوف فيها
بدات الاخت تهدر يا عباد الله تميع في صوتها حتى حسيت قلبي مكانش في بلاصتوا نشوف فيه هبط
المهم مبعد قتله حتى نتوما تعانيو قال الله المستعان الواحد يحكم عينيه وعليه وعلى الزواج

و بالفعل قلت ليمى اخطبيلي ولا زوجيني المهم اللقايلي حل ثمه الزوج الي قدامي تقول ضربتهم الكورا
الي يقولكم انا مزال على عرسي 6 اشهر اصبر برك والي يقولك بعد عامين
وغير الي هاز خشمه في السما

فقلت نردها للصيام ونقعد في الدار احسن لي حتى تعقدت من روحي وحاكم روحي بالشمعه حتى منوقعش ...................... حاجة خاطية الطريق

المهم يا البنات
ماشي كون تستروا رواحكم تبقيو السر على عموركم وتريحونا وحق ربي غير تتحاسبوا وحده وحده على الفتنه الي راكم مدايرينها

assia81 · 2013-04-14, 22:41

هههه والله ضحكتني يا الاخ فعلا هذا هو الواقع مع الاسف نقولك حل هز معاك قرعة تاع فليطوكس ولي تعدي عليك ومدايرة ريحة رشها بالفليطوكس وعود هز معاك عصا تكون خشينة واضرب بيها الارض باش يخافو منك مقربوش ليك خلاص والبس نظارات سوداء هكذا باش مايبنولكش الالوان تعود تشوف غير نواغ ابلن

nana w · 2013-04-14, 22:46

السلام عليكم ...... من اجل هذا كله الدين يطالبنا بغض البصر نحن في زمن الفتن شئت ام ابيت تمسك بالله و قوي ايمانك وربي يثبتك ان شاء الله وربي يهدي ما خلق

.kiki · 2013-04-14, 22:58

لا حول و لا قوة الّا بالله
الله المستعان يا أخي الله المستعان
و الله معك حقّ مئة بالمئة... كنت اتناقش مع صديقتي في هذا الموضوع بالذات هذا الصباح

يبدو انك وجدت الحل و لا حاجو لنصيحتك.. استمر بالصيام يا اخي و أبشر

--------------
أسأل الله أن يهدينا و سائر شباب المسلمين
لمّا أرادوا أن يفسدوا المجتمعات أخرجوا المرأة من بتها وقالوا لها أنت حرة و ما هدفهم تحريرها.. و لكن هدفهم تسهيل الطريق للوصول اليها.. فلمّا خرجت قالوا لها اخلعي حجابك فهو يضايقك فخلعت و كشفت نفسها لكل عزيز و رخيص و وضعوا لها "فنانات" فاسقات ماجنات و قالون هنّ قدوتك فاتّبعيهن.. فما كان منها الّا السمع و الطاعة..
أين أوامر الله و نواهيه
أين الخوف منه و الخجل من مراقبته
جامعاتنا أصبحت فضاءات لمحاكاة المسلسلات تركية

تبّا لمن يقفون وراء كلّ ذلك.. تبّا لهم

ياااا ربّ أصلح أحوال أمّتنا و ردّنا اليك ردّا جميلا..
لا حول و لا قوة الّا بالله

yousra14 · 2013-04-14, 23:01

رب يفرج عليك فتن اااااااخر الزمان رب يهدي الجميع وشكرا لصاحبة الفليتكس ضحكتني بزاف الف شكر

yousra14 · 2013-04-14, 23:07

اقتباس:

المشاركة الأصلية كتبت بواسطة assia81

هههه والله ضحكتني يا الاخ فعلا هذا هو الواقع مع الاسف نقولك حل هز معاك قرعة تاع فليطوكس ولي تعدي عليك ومدايرة ريحة رشها بالفليطوكس وعود هز معاك عصا تكون خشينة واضرب بيها الارض باش يخافو منك مقربوش ليك خلاص والبس نظارات سوداء هكذا باش مايبنولكش الالوان تعود تشوف غير نواغ ابلن

رب يسعدك ويفرحك في عمري ما ضحكت هكذا على رد في مشكلتي شكلتي عندي الخيال الواسع

وبديت نتخيل فيه يعملها رب يفرج همك بدلتينا الجو

om yaakoub · 2013-04-14, 23:25

يا اخي الكريم انا معاك لكن في ان تلوم النساء دون الرجال فانت مخطئ
انا ارى الخلل كامن في الرجل او المسؤول الاول في البيت كل راع مسؤول عن رعيته
النساء قليلات عقل و دين الريح اللي يجي يديها
اما المشكل الكبير فهو الدياثة - عافانا الله - فكيف يقبل الرجل ان تخرج زوجته او اخته او ابنته و هي في قمة زينتها لتصبح !!!!!!!!!!!!!!!!!
لدلك فقد اخطات العنوان من المفروض تعنون يا رجال كفانا دياثة استروا نسائكم

تصفية وتربية · 2013-04-15, 09:01

الله المستعان
هذا ما جرّه علينـا الاختلاط وما جرته ودعاوى حُريّة المرأة
كان الله في عون شباب اليـوم، فهم بين نار الفتنة ونار غلاء المُهور وتكاليف الزواج، فلا هم قادرين على إدراك الحلال ولا هم قادرين على الصبر أمام كل هذه الفتن المعروضة
فالله المستعان

السيدة كرمين · 2013-04-15, 09:51

اقتباس:

المشاركة الأصلية كتبت بواسطة مشكلتي

المهم خليني نحكي بالدارجة افضل لي
مشكلتي البنات وفرات لقلت نغض بصري يجيو وحده ورا ختها ثاني بالسطر وكل وحده تقول شوفوني راني هنا
يا عباد الله مكياج كومبلي واللبسة ماعندي ما نقولك تقول عروسه

يعني تتفرج بسيف عليك حتى نعود نغمض في عينيا تقول حكمني البرص
الجامعة يا عباد الله كرهت اليوم الي طلعتلها فيه كل عام يعدي تقول 10 سنين والبنات كل يوم يطلعوا شبر

يا خي ارحمونا عدت نروح للجامعه كي الضيف نعدي التطبيقات وبالزهر وكون ماجاوش يعرفوني راني تقصيت من هذاك العام

ويوم ما يجي الصيف العبد يقول تهنيت من مشاكل الجامعه
يروح يخدم
في السوق البنات
في البلدية البنات
في البحر البنات
في الدائرة البنات
في السبيتار البنات
حتى في الحبس تلقى البنات

الجامع وما ادراك ما الجامع تلقى البنات ما نعرف كيفاش يصليو باللبسة هذيك

المهم

ايا مرة قالي واحد صاحبي ارواح نتقهواو ونتوانسوا شوي قلت ماعليش وحاكم قلبي قلت علابالي اليوم نروح نفتن عمري ونجي قاعد
دخلنا للقهوة
زمان جات وحده
بعدها جاو زوج
حتى ولات القهوة كامل نسا
يا خي هاذوا معندهومش شكون الي يحكم فيهم على الاقل استروا رواحكم
و الريحة الي مدايرينها تنعنع من 10 كم يعود المخ يغلي والطالو الي قالهم اقعدوا لثم

قلت نقلبها للاخوان رحت عند واحد من الملتزمين قعدت معاه طبعا هو عنده حانوت يبيع فيها الحوايج تاع السلافين
دخلت وحده كي لقات روحها مصختها بشكلها ولقاتنا في زوج مهبطين ريسانا لا هو معبرها ولا انا نشوف فيها
بدات الاخت تهدر يا عباد الله تميع في صوتها حتى حسيت قلبي مكانش في بلاصتوا نشوف فيه هبط
المهم مبعد قتله حتى نتوما تعانيو قال الله المستعان الواحد يحكم عينيه وعليه وعلى الزواج

و بالفعل قلت ليمى اخطبيلي ولا زوجيني المهم اللقايلي حل ثمه الزوج الي قدامي تقول ضربتهم الكورا
الي يقولكم انا مزال على عرسي 6 اشهر اصبر برك والي يقولك بعد عامين
وغير الي هاز خشمه في السما

فقلت نردها للصيام ونقعد في الدار احسن لي حتى تعقدت من روحي وحاكم روحي بالشمعه حتى منوقعش ...................... حاجة خاطية الطريق

المهم يا البنات
ماشي كون تستروا رواحكم تبقيو السر على عموركم وتريحونا وحق ربي غير تتحاسبوا وحده وحده على الفتنه الي راكم مدايرينها

اقسم بالله العظيم أن موضوعك أبكاني
أنا آسفة لما وصلت اليه حال بناتنا
كنت قبلا ألوم الشاب كيف يقول هكذا كلام
ويكون قوي لكن في الحقيقة مسخوها بزاف
أنا مرة وليت نهبط راسي كي نشوف وحدة لابسة من غير هدوم
وكأني أنا في بلاستها

أظم صوتي لصوت أم يعقوب الله يهديكم يا آباء

أنا خجلة جدا و آسفة جدا جدا

zineb_saib · 2013-04-15, 09:58

ههههههههههههههههههههههههههههههههههههههههه ضحكتني تاع تتحاسبو وحدة وحدة
عندك حق 100/100 خطيبي دايما يشكيلي من هدا الامر وهو اللي خلاه يفكر في الزواج بصح يكره البنات لدرجة متتصورهاش
قالي لوكان نصيب وحدة ماتخرج من دارها
وهي صح اول فتنة في بني اسرائيل كانت في النساء
ربي يهدينا

يوسف برياني · 2013-04-15, 10:10

وعليكم السلام ورحمة الله وبركاته

اولا تقبل مني تحياتي على هذا الموضوع

2 بالنسبة لهذا الزمان ولا الوالدين ما يحكموش في بناتهم الا من رحم ربي

والبنت دايرة ريها

تخرج وين تحب وتفعل واش تحب

ربي يهديهم

اقلك تمسك في دينك
بـــــارك الله فيه اخي

ايمان نور الجزائر · 2013-04-15, 10:11

موضوعك في الصميم اخي الكريم
قلت وكفيت ...
وحتى انا والحمد لله كفتاة محجبة يضايقنني باشكالهن تلك
ولبسهن ومكياجهن ....
لقد اخجللنا وضعنا بينهن الله يهديهم
وهذ الكل من غياب التربية الاسلامية....
نقولك الله غالب
لانو ما هو ات على ما اظن اسوء بكثير
اعانك الله يا اخي

سَـآجدة · 2013-04-15, 10:53

بعد السلام

بنات اليوم لا اخلاق و لا اسلام فيهن فكما انها تدرس معي بنت اكثر من كل البنات و كنت كل يوم انصحها و اقول لها ابتعدي عن تلك الشهوات فهي تقول لي انت لا زلت متخلفة و أنا ضد كل بنات اليوم فأنا احب البنت المحتشمة المتخلقة المسلمة و الملتزمة بتعاليم الدين
فكما اني اشكر ربي الذي هدانا لطريق المستقيم اللهم يارب اهدي الناس

محمد جديدي التبسي · 2013-04-15, 11:23

الله المستعان حقيقة مرة نسأل الله الهداية للآباء والأمهات
أحسن حل هو عدم الذهاب إلى أماكن تواجدهن إلا للضرورة
أنت تدرس في الجامعة حاول أن تتخذ رفقة صالحة تعينك ولا تفارقهم لأن الإنسان إذا ما خلا بنفسه أحيانا وسط هذا الجو يطلق بصره وبالتلي يمرض قلبه ويتهاون في هذ الأمر
أنت مدرك لهذ الخطر وهذه نقطة تحسب لك إن تجنبته قدر المستطاع
ربي يوفقك ويفتح عليك ويرزقك الزوجة الصالحة
ولو أني أعرف متزوجين مازلت هذه الفتن تؤثر فيهم ربما أكثر من كثير من العزاب ...

imi02i · 2013-04-15, 11:52

أضحك الله سنك أخي
الحمد لله الذي عافانا مما ابتلى به غيرنا وفضلنا على كثير ممن خلق تفضيلا
يا أخي أنت طرحت إشكالية لكنك في الأخير اقترحت حل ناجع ومفيد (الصيام) فهو إحدى الأركان التي تثبتك وتقوي إيمانك بالله
لأن هاته المشكلة ليس لها حل والله المستعان
فالفتيات يختلفن ولربما لو نصحتهن فإحداهن تقتنع والأخرى لا وهذا ما يواجهه الداعون في ظل الدعوة إلى الله
زادك الله ثباتا ورزقك الزوجة العفيفة الصالحة