مشاركتي في مسابقة شاف مطبخنا 3 ***الطبق الرئيسي****

[الوهرانية 1]

السلام عليكم ورحمة الله تعالى وبركاته

اخواتي الكريمات بعد بحث طويل في عالم العجائن وانتقالي من نوع لاخر قررت في الاخير تنويع طبقي بحيث استعملت
1-شوربة فارميسال
2- مقرون متوسط
3-مقرون كرافاتيني
4-اوراق ديول
وحرصت قدر المستطاع ان يكون الطبق اقتصادي ومبتكر نوعا ما خاصة انو المشرفةالاستادة ام كوثر قالت حداري من عمي قوقل هههههههه


المقادير/ وضعت اهمها
مقارون متوسط –شوربة فارميسال-لحم مرحي –جزرتين-بيض-جبن –كرمب –6اوراق ديول

الماقرون والشوربة غليتهم في ماء وملح وفلفل اسود والجزر ايضا
اللحم المرحي تبلته بالمعدنوس والفلفل الاسود والملح
سنحتاج ايضا الى جلبان مفور ولا مغلي وحبات من الطماطم
طريقة التحضير
في مقلاة نضع الزبدة والشوربة والجلبان وجزر مقطع رقيق وبيضتين وملح وفلفل اسود نحرك مليح حتى تتجانس المكونات نخلوها على جنب

نمرو للكفتة الكمية الي عندنا نقسموها على ثلاثة الجزء الاول نشكلوه كويرات كبار ونحطوها في طاجين مع شوية ماء وزبدة وملح وفلفل

اما الجزء الثاني في مقلاة نحطو زبدة وماقرون متوسط ملح وفلفل اسود وكفتة ونخلطو وفي الاخير نحطو ملعقة طماطم مصبرة

الجزء الثالث من الكفتة نكوروه صغير ونطيبوه في صلصة طماطم ونخلوه على جنب
تحضير كورني الديول
هاد الكورنيات انا متعودة نحشيهم بدجاج وكفتة وحشوات مختلفة اليوم قلتلهم ارواحو هنا ام كوثر فالت عجائن هههههههههههه
المهم نتني الديول على 2 ونحط كمية من خليط الماقرون ونتني نتحصل على الشكل المراد بعدها نغلقو بالجبن نخليكم مع الصور




تحضير الكرمب محشي بالفارميسال وكريات الكفتة
في علبة مدهونة بالزيت انا اختاريتها مربعة صغيرة وانتي واختيارك نضع الكرمب ثم كرة كفتة ثم خليط الشوربة والجلبان والجزر نضغط جيدا ثم نقلبوه في صنية نخليكم مع الصور



هاهي الكورنيات والقوالب ندهنوها بالبيض ونرش الخبز المحمص المرحي على الكورنيات اختياري طبعا يمكن الاستغناء عليه

طبعا مرحلة التزيين واضحة واختيارية انا زينتها بهاد الشكل نتمنى يعجبكم
الكورني زينتو بخطوط المايوناز وحبة ماقرون كرافاتيني

الكرمب زينتو باوارق المعدنوس وردات البيض الصفراء والبيضاء ووردة الجزر

شكل الكورني

الشكل من الداخل

يمكن ان يقدم هكدا ايضا

صلصة الطماطم وكريات الكفتة قدمتها بهاد الشكل

في الاخير نتمنى نكون قدمت حاجة تفيدكم ولو بالقليل ونكون عند حسن ظنكم طبعا ما كانش حاجة من مقامكم انتم اعلى من كل الابداعات وتحياتي لكامل المتنافسات الغاليات نقولهم حظ سعيد ومشكورين على المجهودات