** مقروط الكوشة رووووووووعة من مطبخي أكيد **

[faizarbh]

هادي وصفة مقروط الكوشة و اجي رووووووووعة كي تاكلوها تلقاوه مكرمل من الداخل تقول طمينة يم يم يم

المقادير:

2 عبارسميد متوسط تاع المقروط( السميد الخاص بالمقروط مش تاع قلب اللوز)
1 عبر فرينة
عبر زبدة ذايبة و زيت
قرصة ملح
شوية سكر
نلم بالماء و فيه شوية تاع ماء زهر و الماء ادير قيس ما تلميه يعني ماشي اديريه معجن غير عبر ما تقدري تشكلي بيه حربوش
و الحشو عقدة لوز او كوكاو او غرس انتي و واش تحبي

نخلط النواشف وحدهم ثم نبدا في إضافة الزبدة المخلطة مع الزيت و نبدا نخلط فيها بأصابع الايدي و تخليه 6 سوايع يرتاح باش تندمج الفرينة مليح مع السميد و من الافضل يبات بعدها تبداي تجبدي بالكمية تاع الحربوش و اديريلها فالماء المخلط بشوية ماء زهر و تشكلي حربوش و اديري داخلو العقدة و تقرصيه اي تنقشيه من فوق ثم اطيبيه فالكوشة على نار متوسطة و كي يطيب و هو سخون نعسلوه فالعسل دافي و هو يكون سخون ثم تعاوديلو العسل فالليل و تعاوديلو تاني غدوة من داك باش يشرب العسل ملييييح مليييييييح
نترككم مع الصور

















لا تنسوني من صالح دعائكم

اللي راهي مبتدئة فالمقروط تلقى طريقة التشكيل بالتفاصيل في هاد الموضوع

https://www.djelfa.info/vb/showthread.php?t=982529