مشكلتي عويصة

[مشكلتي]

لسلام عليكم انا فتاة ابلغ من العمر 24سنة تعرفت علي شاب و عمري 15سنة هو من ولاية و انا من ولاية اخري احببنا بعضنا لدرجة لا يتصورها العقل خطبني عند اهلي كنت ادرس حينها في الثانوية في العطلة دهبت عدة مرات الي بيتهم حتي وقعنا في الخطيئة فقدت عدريتي لما خطبني قالولو مازال تقرا حتي تنهي دراستها و بالفعل انتطرني 7سنوات حتي انهيت دراستي تحصلت علي الشهادة يومها اتفق اهلي و اهل خطيبي علي يوم قراءة الفاتحة لما جاءو الامام قال لا تقرا الفاتحة الا بعد العقد المدني فثار غضب اهل خطيبي و بعدها لما تكلمو علي الشرط لم تتقبله ام خطيبي ثارت ثائرتها و قالت لي كلام جارح امام اهلي تحول ذلك اليوم الي مشاجرة باكلام فخوف اهلي علي من امه اجبروني علي فسخ الخطوبة لما اتصل ابي بوالد خطيبي باش يردلهم الخاتم و الدراهم قالو النساء لي عندك ما يلحقوش مرتي في شعرة من شعرها و بنتك و الله ما تدخل داري قطعت علاقتي به عشت اسوء ايام حياتي حتي قكرت في الانتحارشهرين بعدها في العيد اتصل بي اهله قالولي اسمحينا تقلقنا هو قالي والديا بهدلوني واش نديرلهم مع العلم ان امه مريضة بالسرطان بقينا علي اتصال كل يوم يقول لي اهدري مع داركم باش نجو نتفاهمو دارنا كل ما افتح الموضوع يتعصبو قالولي انسايه هو دون مستواك الدراسي و مستحيل تتزوجي بيه حاولت بكل الطرق بلا جدوى كرهت حياتي ما نقدرش نتزوج مع واحد اخر و هو تاني مقدرش حتي وصلت الدرجة يبكي علي جالي صحابو قالولي حرام عليهم والديك ويلا كشما صرالو نتي السبب ما لقيت وااش ندير من جهة الوالدين خايفين عليا مايعرفوهمش حكمو عليهم من هداك اليوم و من جهة اخري هو عندي حكاية معاه انا نعرفهم مليح علابالي بكل صغيرة وكبيرة انصحوني و اجركم عند الله

[chic.lady]

ما اجتمع رجل وامراه الا وكان الشيطان ثالثهما
ان شاء الله والديك يقبلو هادا واش نقدر نقول

[سفير الأيام]

واش نقولك شفتيه شافك


حبيتيه ........وحبك

بصح توصل للرديلة والعصيان عرفي مهما قلت فالخطيئة خطيئة في الحقيقة

انت خائفة ربما من عدم الزواج به لأنه السبب في انكسارك بل انت من كسرت نفسك ظانين ان الحب ؟؟؟؟؟؟؟؟؟؟؟؟؟؟؟



عليك بالخوف يوم السؤال الم تنظري لخالقك


اعرف ان المراة الحقيقية مهما اراد الرجل فلن تخطيء مهما دفعتها احاسيسها ومشاعرها في تلك اللحظة


واش نقولك توبي لربك وبكي ليل ونهار على غلطة عمرك

المعدرة على الكلام القاسي لأنني من الرجال الدين يؤمنون ان المراة التقية حقا مهما بلغتها وساوس الشيطان فان عقلها ثاقب

[* الحلم سكر *]

خبري امك الحقيقة اكيد راح ترضخ لاي شيء يقولوه لأنو. للأسف مابقاش فعندها ما تقول

[سدرةالمنتهى]

يا اختي ماكيش تخمي على عذريتك و شرفك و مصير حياتك مع زوج اخر و تخمي في واحد ماكتبش المكتوب معاك لمشاكل عائلية

انصحك مازالت التوبة مفتوحة اغتنمي الفرصة و خذي ورقة و قلم و اكتبي عدد اخطائك التي ارتكبتيها مدة هذ ه العلاقة دون ان امليها عليها هي معاصي بالنسبة لله ليس خطا لانك على علم ان ذلك الفعل حرام
واصحابو اللي قالو ان حرام عليهم والديك والله فعلو الصواب و هناوك منو لو كان صح يحبك ما فعل بك هكذا و تحجج بوالديك او والديه
بعدما قال الرسول صلى الله عليه وسلم على زوجاته رفقا بالقوارير كيف و انت فتاة عزباء بنت عائلة و لها شرف و كرامة و عذرية و حرمة لماذا لم يحافظ عليك ؟؟؟؟؟؟

نصيحتي فكري في عذريتك و توبي الى الله سبحانه و تعالى و تذكري انت حاملة اسم ................. لااكتبها انت افهميها

[lilou f lilou a]

ماعندك حتى حل سوى انك تقبلي بيه ذرااااااااااع
وربي يكون معاك أختي

[norazal]

حاولي اقناع اهلك بشتى الطرق حتى يوافقون على هدا الزواج وان شالء الله ربى يجيب الخير

[حضنية28]

يا اختي انتي من المرة وقعتي في الخطأ والمحضور ومكيش خايفة تقابلي ربي سبحانو وخايفة يلا تتزوجي ولا متتزوجيش بالشخص هذاك اختي توبي الى الله سبحانه وتعالى توبة نصوحة
واكيد ربي سبحانو راح يفرج عليك

[انانيس]

ياجماعة البنت طلبت نصيحة وانا نشوف فغالبية الاعضاء ردودها جارحة وقاسية وكاكم تحكمو عليها وتزيدو تدفعو بيها لخطا شوية لين في النصيحة ياخوان فهي فعلا اخطات ولكن ليس بهذا الاسلوب
ربي يكون معاك ماتزيش الطين بلة التفكير في الانتحار ليس حلا وانما شقاء
حاولى ان تكفري عما فعلتي
وربي يرزقك الخير

[prettywoman]

كل ما تفكرين فيه كيفية الزواج من هاد الشخص يا أختي راكي وقعت في خطيئة كبيرة ما حسيتش بلي راكي نادمة ختي لازم توبي وتبكي لربي سبحانه بش يغفرلك هاد هو الشيء المهم ولا تزوجتي وربي غضبان عليك وش من فايدة على كل نصيحتي ليك يجب أخبار أمك وتحملي العواقب هكدا بش ترضخ و تقنع الوالد

[khadidja1988]

السلام عليكم أنا منيش راح نقولك الخطيئة لأنك مسألتيناش عليها وأنت أدرى لكن المهم حاولي تقنعي والديك قولي لبماك ولا لأي أحد المهم لازم تتزوجي بيه بأي طريقة

[omanis]

شفتي اختي سبحان الله ربي ما سهلهاش عليك و ما باركلكش في الخطبة لانو كل حاجة لازم تكون بالنية و الصفاء اما فعلة الزنا لازم عليك ترجعي لربي سبحانو و توبي اليه و تبكي ووتدعي ربي يسامحك و يسر امورك و ان شاء ربي يشوف ليك و تتحل المشاكل واش ديري بسيف تتزوجي ما كاش حل من غيرو

[bibicha]

يااختي انا نقولك برك ان شاء الله ربي يفرج هذا مكان و ان شاء الله تتحل

[شراب السكر]

السلام عليكم ...

ابنتي العزيزة انا ام شراب السكر دخلت بعضويتها واحببت ان ارد عليك بما يثلج صدرك

اولا ...صلي لله صلاة الحاجة ثم استعيني بالله ولا تعجزي ...انصرفي الى اعقل امراة بعائلتك ولتكن خالة او عمة ...استحلفيها بالله ان تكتم سرك وتساعدك ...بان تفتح هي لا انت الموضوع مع امك لانه ربما تثور ثائرتها ويخيب ظنها وقد تنفعل فتمرض فليس سهلا ان تخبر ام بامر كهدا بدون ان تصدم ...خاصة ان كانت تعلق عليك امالا كبيرة ...

ثانيا ...استغفري الله لدنبك كل يوم مند ان تفتحي عينيك الى ان تنامي فالاستغفار يمحو السيئات ويجلب الارزاق

ثالثا انزعي كل فكرة عن الانتحار فما فعلته لا يمحوه دنب اكبر منه بل يزيده تعقيدا وعاقبته النار والخزي

ان نلت مناك فاحمدي الله واجعليه درسا لك وامكثي دوما عابدة مستغفرة داكرة ستر الله وان لم يحدث دلك فمعناه ان الله يريد لك الافضل ...فلا تياسي استمري بالدعاء فابواب السماء مفتوحة ان انغلقت دونك ابواب البشر

وهده رسالة للناس منهم من يتاله فيحكم على دنوب البشر وينظر فيها وكانه معصوم وقد تحاك مثلها بجواره وهو لا يدري ومنهم من لا يلقي لها بالا وبتسيبه يفتح لكل المعاصي ابوابا فيا ناس توسطوا بين هدا وداك عساكم تفلحوا والسلام

[yousra14]

لاااااازم تخبري يماك باش تقنع باباك بالعريس لانه لااااااازم تتزوجي بيه هو لااااااااااااا غير رب يستر عليك ويفرج همك وتوبا لله