بسرععععة تعالو شوفو مقعد من القارورات من صنع يدي

أم لُجَيْن · 2013-04-04, 10:44

جبتلكم اليوم اعمالي شورة والاهم هو المقعد لي درتو معاها كامل من صنع يدي
اول شي الادوات المستعملة قارورات

بونج راه يتباع يجي على شكل بساط يعني مش غليظ ومش رقيق متوسط

كرتون وتقطعيه اما دوائر اما مربعات تحتاجي 2 والشكل على حسب شكل المقعد لي رايحة ديريه

قماش انا استعملت هذا تابع لشورة نتاعي

لصاق شريط عريض و مقص

نبدا اولا بالصاق القارورات الواحدة تلو الاخرة مرة تعكسي القارورة مرة ديريها عادة يعني وحدة بوحدة (تقلبيها على فمها) وبعد ما تلصقيهم في بعضاهم وتكوني شكلتيهم اما مربع اما دائرة انا درتهم على شكل دائري ديري كرتونة من تحتهم والاخرة من فوقهم وتلصقيهم تاني بالشريط مليح مليح

بعدها تقطعي البونج ديري 2 دائرة و مستطيل طويييييييل يغطيلك القارورات يعني يدور عليهم وتلصقيهم اما بالابرة والخيط اما ديري لصاق مائي (كولا) ويصبح شكل المقعد هكذا

وتجيبي القماش نفس الشي مع البونج ( التقطيع) وتخيطي الدائرة الفوقانية مع المستطل الطويل وتركبيه على المقعد

ومن تحت نخيط الدائرة الاخرة باليد

يصبح شكل المقعد هكذا

نزينه بالسفيفة وبعض الوردات لي كنت انا قصيتهم من نفس القماش ونلصقهم بالبسطولي

وهذا الشكل النهائي لشورتي مع المقعد

وقولولي رايكم وبكل صراحة واي استفسار انا في الخدمة
اختكم اريج الامل

آمة الله13 · 2013-04-04, 15:20

سلمت يداك حنونة و بارك الله فيك ماشاء الله

ام تقوى 2009 · 2013-04-04, 15:46

روووووووووووووعه

امونة الشاوية · 2013-04-04, 18:31

اختي الله يبارك رديت عليك في قسم الاعمال الفنية وسالتك سوال ساقوم مجددا بطرحه هل تصلح القرع تاع سعيدة لانو عندي و اذا تصلح قداه من قارورة ندير

amouna.sem · 2013-04-23, 09:58

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiii

أم لُجَيْن · 2013-04-04, 18:51

شكرا لمروركن ايتها الغاليات بالنسبة لقرع ماء سعيدة يجو ويجيك المقعد شوي قصير تحفون اما العدد على حساب الشكل لي ديريه ادا كان مربع 4 على 4 يعني 16 قرعة اما اذا كان كيما لي درتو يديلك 14 قرعة ديري 4 في الوسط ثم 3 من جهة و3 من الجهة الاخرة ثم 2 من جهة 3 و2 من جهة 3 قرعات الاخرة يتشكلك دائرة وبالتوفيق لكل مجربة

امونة الشاوية · 2013-04-04, 22:24

[QUOTE=اريج الامل;1052160792]شكرا لمروركن ايتها الغاليات بالنسبة لقرع ماء سعيدة يجو ويجيك المقعد شوي قصير تحفون اما العدد على حساب الشكل لي ديريه ادا كان مربع 4 على 4 يعني 16 قرعة اما اذا كان كيما لي درتو يديلك 14 قرعة ديري 4 في الوسط ثم 3 من جهة و3 من الجهة الاخرة ثم 2 من جهة 3 و2 من جهة 3 قرعات الاخرة يتشكلك دائرة وبالتوفيق لكل مجربة
[/QUOTE
الله يخليك اختي اريج على الشرح

halouma h · 2013-04-04, 18:57

تعيشي اختي كي تقعدي فوقو ما يطبزوش القرع راني حايرة

sarra5 · 2013-04-04, 23:08

merciiiiii

أم لُجَيْن · 2013-04-05, 10:01

اشكركن مرة اخرة اخيتي halouma h سالتي اذل القرع يطبزو انا نقلك حاجة والى كل اخت لي حبة تجرب انا درت قرع شوي قاصيين (كبار) وادا كنت رايحة ديري قرع ماء سعيدة راهم خفاف اليكن فكرة افضل تجيبي قرعة تقصيها من فوق يعني تقريبا 7 سم ثم الي نحيتيها يعني جهة فم القرعة تقلبيه في النص الثاني يعني دخلي الفم الداخل وتجيبي قرعة اخرة دخليها وسط القرعة لي قصيتيها ديري الفم الداخل وتلصقي القرعة مع الاخرة بالصاق شريط تولي قاعدة من فوق وقاعدة من تحت تكملي العدد لي كنت وسبقت شرحت العدد لي يجي في المقعد يجي معدول هايل ومتين وجريبيها راهي تجي بالفكرة هذي روووعة ومتخافيش ميطبزوش راني جربت وفعلا الفكرة امامك وبالتوفيق للجميع