أول تجربة ليا مع عجينة المارشملو

[سماح أم أنس]

السلام عليكم
كنت نحوس على تورتة نعملها بمناسبة عيد زواجي و لقيت وحدة في منتدى ..عجبتني و درتها
اسمحولي ما صورتش الخطوات على خاطر ما كنتش علا بالي اذا تنجحلي ولا لا
المهم درت جينواز عادية :
5 بيضات + 150غ سكر + 180غ فرينة + لافاني + باكي لوفور+ الكاكاو حوالي 2 مغارف حبيتها كحلوشة
ضربت البيض مع السكر و بعدها درت الفرينة و اللوفور بالسباتول و خلطت غير بلعقل
درتها في الفرن على 180 درجة مدة نصف ساعة (النار من لتحت فقط)
بعدها بردت و قطعتها على 3 و سقيتها بسيرو و حطيت لا شانتيي ضربتها بكانديا شوكولا ( هادي فكرة أم كوثر ربي يجازيها)
نجيو لعجينة المارشمللو
دوبت المالرشملو في الميكرأوند .. و بعدها قعدت نزيد في سكر غلاسي حتى ولات عجبنة ...لونت نص بالوردي الفاتح و التاني بالوردي الغامق

وهادي النتيجة







هههههههه هدا وين كملت ... نروح ننقي الكوزينة راهي مقلبة كامل..نتمنى تكون عجبتكم.. و ان شاء الله غدوة كي نقطعها نصورهالكم من الداخل

حبيباتي رجعتلكم بعد ما قطعنا التورتة.. و الحمد لله جات ما شاء الله ...صورتها على عجالة على خاطر وليدي كان راح يهجم عليها