يا ناس باتنة

مليك الاوراسي · 2013-03-30, 14:37

السلام عليكم
خاوتي خواتاتي واقيلا لازم نعلينا انحيو من بالنا نتائج مسابقااات باتنة ولا كيفاه
يا عجب لعجايب للذرك ماااباااان والو

h_hakima08 · 2013-03-30, 14:51

على وش من مسابقة راك تحوس؟

مينيفر · 2013-03-30, 15:34

النتائج ظهرت في السياحة والبيئة وهي دائما لأصحاباها ولم يريدو اعطاءنا نقاط ام التجارة لم يصادق لحد الأن الوظيف العمومي لوجود تلاعبات بها بالنقاط وتم منح 0.25 لنقاط الشفهي ومنهم انا وعدم حساب شهادات العمل

مليك الاوراسي · 2013-03-31, 19:30

نتائج مديرية التربية
مسابقة أعوان الادارة
ياخويا هذي ندارت في 30/12/2012
وللذرك مابان والو

sabspace · 2013-03-31, 21:14

كاااااااااااااااااااااااااااااااااارثة والله هذا الولاية
والمشكلة انا رحت الولاية وسقسيت قالولي ( والله ماعلابالنا )
باتنة كارثة بكل االمقاييس والسبب اننا ساكتين لانو لا اعتقد انو في ولاية اخرى الناس تجوز مسابقة ل 3 اشهر ماكان والو ويسكتو ... لا وكاين خرين قالك مايحطوش النتائج نهائيا يعيطو للناجحين برك ؟؟؟؟؟؟؟؟؟؟؟؟؟؟

مليك الاوراسي · 2013-04-01, 15:50

ربي اجيب اللي فيه الخير

ADELCAB · 2013-04-01, 16:01

الاحد القادم انشاء الله تعلق قال لي ابي هكذا

abdennour chaoui · 2013-04-01, 16:22

صحيح اخوتي باتنة كاااااااااااااااااارثة في ما يخص عرض النتائج فمسابقة مديرية الخدمات الجامعية *فسديس * الى اليوم لم تظهر النتائج علما ان المسابقة كانت في 26/27 / 2012/12 غير قول 3اشهر ومازااااااااااااااااااااااااااال ملازاااااااااااااااااااااااااااااال وانا علابالي بلي تروح تسقسي يقولولك مازاااااااااااااااااااااااااال مااااااااااااااااااااااازا ل ولا ماعلابالناش : باتنة اخمج ولاية واعفن ادارات يكون على مستوى الوةلاية او الدولة الللي يمكن نسميوها دولة باتنة .... والله كارهين من ها ذ الولاية كي عبادها كي بلاصتها ...... يوجد في جعبتي اوصاف كثيرة ولكن ليس بالمقام الذي يليق بذكرها..........

yayafati48 · 2013-04-03, 20:29

السلام نتائج اعوان الادارة لمديرية التربية و محقق رئيسي للمنافسات الاقتصادية في مديرية التجارة
الناجحين راهم عيطولهم في التليفون باش يسنيو المحاضر نتاعهم و الاخبار صحيحة100%
بالتوفيق للجميع

Mme.imane · 2013-04-04, 13:53

اقتباس:

المشاركة الأصلية كتبت بواسطة yayafati48

السلام نتائج اعوان الادارة لمديرية التربية و محقق رئيسي للمنافسات الاقتصادية في مديرية التجارة
الناجحين راهم عيطولهم في التليفون باش يسنيو المحاضر نتاعهم و الاخبار صحيحة100%
بالتوفيق للجميع

راك متأكد أخي من كلامك هذا ؟؟؟ أعوان الادارة لمديرية التربية لي دارو المسابقة يوم 30/31 ديسمبر عيطولهم ؟؟؟

yayafati48 · 2013-04-04, 17:06

كلام صحيح 100% راهم عيطولهم قالو بلي راهم يخدموا في المناصب نتاعهم نعرف واحدة نجحت بنت خالتها راهي تخدم في الثانوية بالتوفيق للجميع

الطالب المسلم · 2013-04-04, 19:01

راكي متاكد10000*100000بلي عيطولهم وراهم يخدوموا في مناصبهم

الطالب المسلم · 2013-04-05, 11:58

راكي متاكد10000*100000بلي عيطولهم وراهم يخدوموا في مناصبهم

Mme.imane · 2013-04-05, 19:44

حاليا الثانويات الجزائرية كامل راهم في عطلة مدرسية كفاش راهم يخدموا عندكم ؟؟؟

مليك الاوراسي · 2013-04-06, 13:53

الأخ adelcab عطالنا شوية أمل من ضمن كل الردود
نزيدو نشوفو غدوة واذا اقتضت الضرورة ياريت نتفاهمو من على هذا المنبر ونديرو يد في يد ونروحو للمديرية
خليونا نتافقو على يوم ونروحو دفعة وحدة
واش رايكم ؟؟؟؟