كيف أحضر طمينة بالسميد ممتازة؟

منعم هاجر · 2013-03-21, 18:18

أنا من عشاق الطمينة لكن ماتنجحليش حابة طريقة تحضيرها بدقة خاصة الطمينة العاصمية

scorpionoir · 2013-03-21, 19:12

ان نعرفها هكا وجربيها
مثلا اقلي ولا حمصي السميد في مقلة حتان يولي دهبي وخليه يبرد من جهة دوبي مثلا 200غ زبدة مع 250غ عسل على النار ونحيهم وابداي لوحي في السميد يالشوي حتان تولي كيما تحبيها يعني ماشي جامدة بزاف
زينيها بالجوز ولا حلوة ترك ولا بالجلجلانية تجي بنينة

اية الرحمن1988 · 2013-03-21, 19:29

السلام عليكم

أختي بالنسبة لطمينة السميد لازم تحمصي السميد مليح باش ميجيش نيئ
ومباعد تسخني الزبدة ومعاها الغرس على حسب الكمية اللي تحبيها
لأنو كي تسخني الغرس مع الزبدة يولي طري وينسجم مع العجينة مليح ومتهزش الزبدة بزاف
وأعجنيها مليح والأفضل تضيفيلها الروينة تزيدلها ذوق رائع هي ثاني محمصة
ولكي الاختيار في التشكيل
خاصة إذا كانو جايين ضياف ولا تحبي تزوري وتدي حاجة في يدك
ممكن ديريها في طابع المعمول وتحشيها بالشامية تجي هايلة ولا كاوكاو
إن شاء الله نكون أفدتك ولو بالقليل

ام ملاك. · 2013-03-21, 20:56

حنونة راني دايرة موضوع على الطمينة وحطيت الوصفة ودايما تنجحلي جربيها وشوفي درك نجيبلك الرابط
هذا هو ومالازمش تكون ثقيلة خفيفة ولا ثقيلةبزاف
https://www.djelfa.info/vb/showthread.php?t=1191824

ياسمين ماسي · 2013-03-22, 16:45

الطمينة العاصمية اولا تشري سميد متوسط و تسيريه امبعد اتفوريه في القدرة و الكسكاس (الكسكاس ادهنيه بشوية زيت بالبانسو باش السميد كي يكون ايفور ما يهبطش للتحت انقولك اعلاش يفورو السميد باش ماضرش امبعد) كي يفور اتنحيه وتسيريه باش ما يتبركش و اتخليه يبرد امليح امبعد اتحمصيه في المقلة حتى يولي اللون انتاعو ذهبي اتخليه يبرد و تروحي اتذوبي الزبدة الحرة مثلا اجيك كاس زبدة خوذي كاس غير ربع اعسل خلطيهم فوق النار وابداي اديري في السميد غير بلعقل وعلى حساب واش اتحبيها جارية و لا شادة روحها امبعد زينيها بالقرفة و شهية طيبة وكاين شي ناس اديرولها الحرور نوع من التوابل المخلطة امليحة للنافسة صدقيني اتجي ماتنشبع رديلي الخبر برك

منعم هاجر · 2013-03-24, 16:45

يعطيكم الصحة بصح انا لاحظت بلي متخففوش لعسل بلما لزهر

ياسمين ماسي · 2013-03-25, 08:07

لالا اصلا كي ديريلو الزبدة سخونة وتحطيه يسخن شوية يخفاف