|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
من مطبخي -كيكة رخامية فاني-كافي-
|
أدوات الموضوع | انواع عرض الموضوع |
2013-03-09, 11:14 | رقم المشاركة : 1 | ||||
|
من مطبخي -كيكة رخامية فاني-كافي-
صباح الخير حبيباتي راني عند كلمتي كيما وعدتكم حطيتلكم السوفي ورجعت هنا نحطلكم كيكة بنينة بزاف بزاف وخفيفة علابالي تعرفوها لكن انا حبيت نقدمهالكم بطريقتي الخاصة وبتزييني نتمنى تعجبكم 5بيضات 1كاس زيت 1كاس سكر 1ياؤورت ذوق فاني نفس قيس علبة الياؤورت قهوة او ناسكافي 1 كاس فرينة 1كاس ثلاث ارباعو فرينة وربع كاكاو يعني كاس مليان بين الفرينة والكاكاو 2 خميرة الحلوى للقلاساج 1علبة شوكولا امباسادور نوار او منى اللي غلافها اسود وابيض شوية حليب لعمل الخطوط كمية من السكر قلاصي مخلطة مع شوية فاني وشوية حليب للتزيين حبيبات الشوكولا +اي نوع من المكسرات التحضير افصلي الصفار عن البياض حطي البياض في صحن مع قرصة ملح في صحن تاني حطي الصفار مع السكر والزيت وخلطي مليح تقريبا 2دقايق اقسمي الخليط على 2 بالتساوي في 2صحان الخليط الاول زيديلو علبة ياؤورت فاني +كاس فرينة +1خميرة الحلوى وخلطي الخليط الثاني زيديلو قيس علبة الياؤورت قهوة ثقيلة اوناسكافي ذايب في ماء ساخن+كاس الفرينة والكاكاو+1خميرةد طلعي بياض 5بيضات مع قرصة ملح بالباتور ولا بيدك حتى يولي رغوي وثلجي اقسميه على 2 وزيديه على مراحل بين الخليطين يعني تصبي شوية وتخلطي من فوق لتحت بفرشيطة وتزيدي شوية بياض بيض وتخلطي وهكذا راح تتحصلي على خليط شوية ثقيل ماشي بزاف الآن ابداي العمل حضري مول الموسكوتشو اللي تكوني دهنتيه بالزبدة وغلفتيه بالفرينة حتى ماتلصقش الحلوى هزي بالملعقة من الخليط الابيض وحطي بالمول وزيدي جمبو ملعقة من الخليط الاسود وهكذا حتى تكملي السطر الاول عاودي حطي الخليط بطريقة عكسية يعني ملعقة من الخليط الاسود فوق الابيض وبجنبو ملعقة من الخليط الابيض فوق الاسود وهكذا حتى تكملي السطر الثاني وكملي مع باقي السطور دائما بطريقة عكسية اعملي خطوط بسيطة بواسطة عود الاسنان بلا ماتضغطي وبلا ماتمزجي الخليطين هاذي خطوة اختيارية ممكن تستغناي عليها اذا تحبي تجيك الطبقات واضحة وقت التقطيع دخلي المول لفرن مسخن مسبقا على 180 مش اكثر حتى يطيب من الوسط كي تحلي وتلقاي السكوتة ولات ذهبيت اللون دخلي في وسطها سكين اذا خرج ناشف راهي طابت وادا خرج فيه الخليط غطي وجهها بالالمنيوم ورجعيها حتى تنشف تماما خرجيها وحطيها فوق شواية حتى ماتتنداش وخليها تبرد تماما ذوبي الشكولا مع الحليب وادهني كامل الوجه والجوانب خليها تنشف شوية واعملي خطوط من قلاساج السكر قلاصي والحليب اللي يكون ثقيل جدا بواسطة ابرة ولا كيس بلاستيكي فيه ثقب صغير خليها تنشف شوية فقط وزيني بحبيبات الشوكولا والمكسرات كي تنشف تماما انقليها لصحن التقديم هدا شكلها من الداخل وهاذي ليكم تذوقو باش ماتسخفوش ملاحظات مهمة جدا -اذا مالقيتيش الياؤورت اللي في الصورة ممكن تعوضيه بياؤورت آخر ذوق فاني لكن اذاكان علبتو شوية كبيرة مثل ياؤورت fort ماتستعمليش العلبة كاملة اعملي ثلاث ارباعها فقط واعملي مثلها من القهوة او الناسكافي -ادا كان ماتحبوش ذوق القهوة تبعو نفس الخطوات لكن في مكانها حطو نفس الكمية ماء او حليب راني جربتها من قبل ونجحت - لازم يكون مقدار الخليط الابيض بنفس مقدار الخليط نتاع الكاكاو حتى تجي الطبقات نتاع المسكوتة متجانسة انا بصراحة ارتبكت بوجود عجوزتي معايا وحسيت ان الخليط الاسود اكثر من الابيض لكن كملت عملت لاني حشمت وكانت النتيجة ان الطبقات ماجاتنيش واضحة مثل اللي متعودة نعملها من قبل مالا نتوما ماتعاودوش غلطتي ولازم تعملو بنفس حجم الملعقة في الخليطين - ممكن تزينوها بقاناش اللي هو 100غ شكولا مع نفس المقدار كرام فراش او بعلبة شوكولا مع علبة كرام ديسار شوكولا قولولي واش رايكم وراني نستنى تطبيقاتكم ساهلة ماهلة وزيد ماتكلفش
|
||||
2013-03-09, 11:27 | رقم المشاركة : 2 | |||
|
شكرآآآآآآآآآآآآآ |
|||
2013-03-09, 11:33 | رقم المشاركة : 3 | |||
|
كيكة هايلة و رائعة |
|||
2013-03-09, 11:36 | رقم المشاركة : 4 | |||
|
شكرا لكن حبيباتي على المرور وعلى الردود |
|||
2013-03-09, 11:38 | رقم المشاركة : 5 | |||
|
|
|||
2013-03-09, 11:41 | رقم المشاركة : 6 | |||
|
الله يبارك وصفة رائعة وشرح اروع في ميزان الحسنات ربي يعمر حجرك انشاء الله ويرزقك الدرية الصالحة |
|||
2013-03-09, 11:46 | رقم المشاركة : 7 | |||
|
هايلة خرجتلك روعة يا شاطرة ماشاء الله عليك |
|||
2013-03-09, 11:48 | رقم المشاركة : 8 | |||
|
خرجتلك روعة نينا ، بصحتك الكيكة ، حتى وعجوزتك معاك مبدعة ، تاكلوها بالصحة والهنا |
|||
2013-03-09, 11:56 | رقم المشاركة : 9 | |||
|
هايلة خرجتلك روعة ماشاء الله
|
|||
2013-03-09, 11:57 | رقم المشاركة : 10 | |||
|
هايلة هايلة هايلة يعطيك الصحة اختي |
|||
2013-03-09, 11:58 | رقم المشاركة : 11 | |||
|
شكرا على الوصفة حبيبتي نينا وبارك الله فيك |
|||
2013-03-09, 13:12 | رقم المشاركة : 12 | |||
|
آمين حبيباتي ربي يتقبل منكم دعواتكم فرحتوني بيها وشكرا على المرور |
|||
2013-03-09, 14:03 | رقم المشاركة : 13 | |||
|
خرجتلك ماشاء الله يعطيك الصحة |
|||
2013-03-09, 14:26 | رقم المشاركة : 14 | |||
|
هايلة نيييييييييييييينة شكرا على الوصفة |
|||
2013-03-09, 14:32 | رقم المشاركة : 15 | |||
|
ما شاء الله مسكوتشو ساهلة ماهلة علي قولتك |
|||
الكلمات الدلالية (Tags) |
-كيكة, مطبخي, رجالية, فاني-كافي- |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc