خبز الدار روووووعة بادن الله مستحيل ما ينجحش

[ام جيهان حورية]

بسم الله الرحمن الرحيم
صباح الخير علي كامل خواتاتي في المنتدي ونشكركم تعلمت منكم بزاف حوايج
انا ما نحطش مواضيع بواف نقولكم علاه بلاما تضحكو عليا انييييييييييييييييييييييييييييييييييييييي مانعرفش نحط الصور الي تعرف تقولي باه كيما انا نستفاد تستفادو انتم تاني من الحوايج الي انا نعرفهم
ندخلو ضرك في الموضوع
واخيرا لقيت وصفة تاع خبز تهبل والله جربت قداه من وصفات وما خرجليش كيما نحب هدي بربي ان شاءالله مضمووووووووووونة 100/100

نبداو في المقادير هي تكفي لخبزة واحدة وانتي كي تحبي تعملي اكثر زودي المقادير
3كيسان ماء مش كبار بزاف ومش صغار دقيق
4مغارف تاع لعشا زيت
2مغارف تاع حليب لحظة
2مغارف سكر
شوية ملح

تحكي هدو كامل بين يديك وتكوني حطيتي مغرفة تاع لعشا خميرة تاع الكسرة في كاس ماء دافئ
ومن بعد تبليه عادي وحطي شوية ماء زهر باه يعطرو ديريه شوية جاري
خليه يطلع حوالي ساعة وربع
ومن بعد اعجنيه شوية وطرحيه في بلاطو تاع الكوشة بعد ما تكوني دهنتيه ودهنيه باصفر تاع البيض مخلط بشوية قهوة ورشيه بالجنجلانية ولا سينوج انتي واش حبيتي
ثم خليه يطلع ساعة اخري
واخير سخني لكوزينيار مليح ودخليه يطيب
وشهييييييييييية طييييييييييبة والله يهبل وحدة البنة ما نحكيلكش وخفيف زي لقطن ومعمر بالثقوب من الداخل
ملاحظة عندك ديريه مالح راهو ما يطلعش كي يكون مالح
جربوه ورودولي لخبر