كيك بالليمون راااااااائع

[omaymen]

السلام عليكم بنات
هذا الكيك هايل بمعنى الكلمة مجرباتو من مدة طويلة والليمون يعطيه مذاق رائع وفيه تاني نوع من البذور معلبليش اذا تتوفر في الجزائر يقولولها بذور الخشخاش graines de pavot
هذه البذور كاين اللي يستعملها في الحلويات وفي صنع الخبز كذلك عوض السانوج او الجلجلان

المقادير:
3بيض-160غ سكر-200غ فرينة-140غ زبدة-كيس خميرة كيميائية-2 ليمون-ملعقة كبيرة graines de pavot

طريقة التحضير:نضرب البيض مع السكر مليح حتى يتبدل لون المزيج
نضيف الفرينة و الخميرة الكيميائية تدريجيا
نضيف الزبدة المذابة ولازم تكون دافية
نضيف كذلك قشور وعصير الليمونتين وفي الاخير نزيدو نضيفو البذور(تقدري تستغناي على البذور اذا ماتوفروش عندك)

نحط المزيج في مول مدهون مليح ونحطو في الفرن يكون ساخن مسبقا لمدة 50 دقيقة ودرجة الحرارة 180
وشهية طيبة