دويدة مفورة من مطبخي بالصور

ام راضية · 2013-02-19, 21:18

تحياتي وان شاء الله تكونو بخير حبيباتي

اليوم عملت دويدة مفورة وحبيت نعرف الاخوات علي طريقتي في طبخها
عملتها بصدر دجاج وبعد ابداع اختي ام رامي واختي مقدسية لم يبق كلام لدا حكمت صدر الدجاجة ورميته كامل جامل في القدرة لان مخي حبس وقلت ستكون مجازفة غير محسوبة العواقب لو تصرفت اي تصرف مع هدا الصدراو فكرت حتي في مجرد تقطيعه لان بعد ما فعلته ام رامي ما شاء الله عليها لم يبقي كلام ولا طبخ
المهم شوفو الدويدة فقط وطريقة تفويرها
الصوص .نقلي الصدرفي الزيت مع البصل والثوم والتوابل
وهي كروية وتابل وكركم وفلفل ابيض وملح وحمص مشمخ ونمرق بماء غزير
في هده الاثناء نحط الدويدة وهي الفرمسال لمن لا يعرفها لرطل دويدة 2 ملاعق اكل زيت زيت وملح ونخلط مليح ونحطها تفور
كي تتفور نرشها بمقدار كاس من المرق ثم نتركها تتشرب
نكرر للمرة الثانية نفس الطريقة والثالثة بعد ما تتفور نصبها في المرق المتبقي ونجمرها فيه بعد ان ننزع الصدر المغبون طبعا بالنسبة لما فعلته ام رامي بصدر دجاجتها صدر دجاجتي مغبون هههه
ندهن الصدر بشوية زبدة ونحمره واليكم الطبق وان شاء الله كي تجربوه را ح يعجبكم ياسر وفيه بنه غير طبيعية

أم ياسين الزهراء · 2013-02-19, 21:32

الريحة وصلتني والبنة اممممممممممممممم ماخلاتش امممممممممممممممممممم

بوعنينبة · 2013-02-19, 22:15

يبان بنين بصحتك

حياة نور الدين · 2013-02-19, 23:35

بارك الله فيك

ام راضية · 2013-02-20, 06:36

موضوع مككر اتمن حدفه لان الاخت دهبية 2009وضعت موضوع قبلي لم اره تقريبا نفس الطريقة ومفصل بالصور

ام إثري · 2013-02-20, 06:45

يعطيك الصحة
ممكن يكون الطبق مكرر بصح طريقة التقديم والتعليق مستحيل
راكي قتلتيني بالضحك
تاكلوه بالصحة والهنا

انا ثاني كي شفت ام رامي واش عملت في صدر الدجاج حسيت روحي انا لي مغبونة مش صدر الدجاج ههههههههههههههههههههههههههههههه
لمزية ماقبلونيش في المسابقة

ام راضية · 2013-02-20, 06:49

اقتباس:

المشاركة الأصلية كتبت بواسطة ام إثري

يعطيك الصحة
ممكن يكون الطبق مكرر بصح طريقة التقديم والتعليق مستحيل
راكي قتلتيني بالضحك
تاكلوه بالصحة والهنا

انا ثاني كي شفت ام رامي واش عملت في صدر الدجاج حسيت روحي انا لي مغبونة مش صدر الدجاج ههههههههههههههههههههههههههههههه
لمزية ماقبلونيش في المسابقة

وانا اصر علي نسفه وليس حدفه بعد ما حطت ام كوثر ابداعها
يا بنتي ونحطو في مواضيع ونحسبو في رواحنا نعرفو نطيبوا لازم نحشمو ونقعدو ساكتين ونتفرجو

افريقيا · 2013-02-20, 06:52

تسلم الأيادي

ام إثري · 2013-02-20, 06:53

لالا خلي ام راضية
ناس المبتدئة ديماري من مواضيعنا ( حنا القاعدة ) هههههههههههههههههههههههههههههههه وتطلع لمواضيع ام كوثر وام رامي

*أم كوثر* · 2013-02-20, 07:09

السلام عليكم

اقتباس:

المشاركة الأصلية كتبت بواسطة ام راضية

وانا اصر علي نسفه وليس حدفه بعد ما حطت ام كوثر ابداعها
يا بنتي ونحطو في مواضيع ونحسبو في رواحنا نعرفو نطيبوا لازم نحشمو ونقعدو ساكتين ونتفرجو

العفو ام راضية ماهدا التواضع؟؟؟
والله بدون مجاملةاطباقك قمة في الروعة وشخصيا تعلمت منك بزاف حوايج
ومازالت انتظر جديدك

اقتباس:

المشاركة الأصلية كتبت بواسطة ام إثري

لالا خلي ام راضية
ناس المبتدئة ديماري من مواضيعنا ( حنا القاعدة ) هههههههههههههههههههههههههههههههه وتطلع لمواضيع ام كوثر وام رامي

وانت يا ام اثري تان اطباقك لا يعلى عليها
خاصة بيض الكسكاس اللي جامي سمعت بيه الا من عندك
ربي يخليكم وتنفعونا اكتر
وابداعنا وتألقنا ماهو الا بيكم وبردودكم المشجعة
ربي يحفظكم

ام راضية · 2013-02-20, 11:48

اقتباس:

المشاركة الأصلية كتبت بواسطة *أم كوثر*

السلام عليكم

العفو ام راضية ماهدا التواضع؟؟؟
والله بدون مجاملةاطباقك قمة في الروعة وشخصيا تعلمت منك بزاف حوايج
ومازالت انتظر جديدك

وانت يا ام اثري تان اطباقك لا يعلى عليها
خاصة بيض الكسكاس اللي جامي سمعت بيه الا من عندك
ربي يخليكم وتنفعونا اكتر
وابداعنا وتألقنا ماهو الا بيكم وبردودكم المشجعة
ربي يحفظكم

شكرا حبيبتي علي المداخلة الجميلة
انا انظمامي لمنتدي الجلفة كان سياسيا بحتا لكن احيانا عندما تشتد المعارك اخد استراحة محارب واتلصص علي قسم الطبخ واستفدت منه كثيرا ووجدت انني عندي اشياء بسيطة استطيع ان افيد بها فقدمتها بكل طيبة خاطر واتمن ان تكون افادت اخواتي وبناتي لان هناك بنات في سن بنتي ما شاء الله عليهم يحبو يتعلمو

ام راضية · 2013-02-20, 11:50

اقتباس:

المشاركة الأصلية كتبت بواسطة oum aness bba

يعطيك الصحة أم راضية طبق يشهي

اقتباس:

المشاركة الأصلية كتبت بواسطة ou ss ama

بارك الله فيك بعثتلي جارت طبق مثل هاذا راني في اول الامر صدمت دويدة تعجبت لكن كي ذقتها عجبتني مالفة بيها في شربة او دويدة بالحليب يعطيك الصحة

اقتباس:

المشاركة الأصلية كتبت بواسطة إلهام07

واااو ، فكرة جديدة ، نموت على الأفكار الجديدة ، كرهنا من نفس الأطباق كل يوم و أنا عندي كمية من الدويدة في الدار رهييييبة ما تتصوريش كل ما يجينا ضيف نمدولو منها : مدينا منها للأحباب والأقارب وماخلاصتش ، ما حبوش ياكلوها ، هذا حل ، عندي في الدار نص جاجة ، بإذن الله هذا هو العشاء ههههه هنيتيني

اقتباس:

المشاركة الأصلية كتبت بواسطة nounoudjs

الف الف شكر

شكرا للاخوات واتمن تجربوها راح تعجبكم اكيد

ام راضية · 2013-02-20, 12:04

اقتباس:

المشاركة الأصلية كتبت بواسطة بناتي هم حياتي

يعطيك الصحة يا ختي،وطبعا الكل متميزات هنا؟،والتميز درجات طبعا
وكما يقال يوجد في النهر مالا يوجد في البحر،وشخصيا عجبني وش درتي الطبق اليوم،
،عندك اطباق روعة،وافكار هايلة،من المفروض الوحدة ما تستسلمش،وتكون ايجابيةدائما،غاضني الطبق تاعك،هااايل،وفكرة روعة،بالصح هبطتيلو من المعنويات تاعو

مشكورة حبيبتي علي المرور والتشجيع
راني نمزح فقط وفعلا طلبت حدف الموضوع لان اخت هنا وضعت نفس الموضوع وبالصور
وهدا لا بنفي ان الاخوات قدمن ابداعات

ام راضية · 2013-02-20, 07:12

اقتباس:

المشاركة الأصلية كتبت بواسطة ام إثري

لالا خلي ام راضية
ناس المبتدئة ديماري من مواضيعنا ( حنا القاعدة ) هههههههههههههههههههههههههههههههه وتطلع لمواضيع ام كوثر وام رامي

طلعتيلي المورال شويه
فالقمة لن تكون صحيحة الا ادا كانت القاعدة صلبة
ام كوثر وام رامي راحهم يقرو وساكتين حتي هوما وما حبوش يقولو حتي كليمة صغيرة وما حبوش يحدفو هدا الموضوع اللي جاء في وقت بالنسبة لي انتحار مطبخي

*أم كوثر* · 2013-02-20, 07:10

ام راضية نسيت نقلك بلي الدويدة المفورة من اشهى الاطباق عندي
وتاعك رح تنطق من الصحن مممممممممممممممم بصحتكم