ارشدوني

مشكلتي · 2013-02-17, 18:06

السلام عليكم ورحمة الله وبركاته
لااعرف من اين ابدا حبيت نفضفض واش كاين في قلبي انا فتاة حبست قرايتي فالثانوي عن قناعة مع انني لم اكن اطمح للعمل لكن اصبحت اعاني من ضيق شديد لااعرف لماذا فقد اصبحت حياتي مملة لا جديد فيها غير المنزل واشغالو والنت واخواتي الباقيات منهن من يشتغلن ومنهن من يدرسن واصبحت احس بحقرة من طرف والداي فشغلهما الشاغل على اللي تخدم او تقرى يعني يسقسيوهم اذا فطروا ولا لا اذا خرجوا من الخدمة ولا مازال لكن انا فالدار عمر ويلا يسقسيوني واش يخصني والحمد لله مايبخلو عليا باي حاجة لكني مرات نحس روحي مش مقيميني ولا مرات يغيضوني ويمعنيولي بلي مش قارية وماعندي حتى مستوى وليت نخبي فقلبي ونسكت ماعنديش صديقة نحكيلها على اسراري والحمد لله متفاهمة مع اخواتي غايا ..وليت نحس بلي مانفيد فحتى حاجة راني قانطة واي حاجة نتمناها يصرالي عكسها تماما وليت اي حاجة تصرالي نفرح بروحي ممبعد نخلصها يااما تصرالي حاجة ماشي مليحة او نبكي بدون سبة المهم الفرحة ماتكمليش بواش تنصحوني هل احتاج ان اذهب الى نفساني وكيف اجدد حياتي وادخل السرور البهجة اريد ان اعيش صغري وشبابي لكن لااعرف كيف علما انني لاخرج من المنزل مثلا للتسوق الا نادرا او اذهب الى اقاربي وعائلتي..
رجاءا ادعو لي بالزوج الصالح وبالسعادة

منهاج · 2013-02-17, 19:42

السلام عليكم

انا ننصحك ترجعي تدرسي كملي قايتك بالمراسلة واربحي الباك ان شاء الله الله ودخلي جامعة ،او دخلي تعلمي خياط

او طبخ او اي شيء شغلي وقتك ما تبقي هكا راح الفراغ يقتلك ووالديك كي راكي قدامهم قاع الوقت راهم مطمنين

عليك علابيها ما يسقسوكش وما يغيضكش الحال عليهم وربي يرزقك بولد الحلال الصالح

mitrochka · 2013-02-17, 21:02

نفس رأي الأخت السابقة
عودي للدراسة بالمراسلة و المواد الصعبة الحمد لله على وجود دروس الدعم
الدراسة تساعدك إن شاء الله مستقبلا في تربية أبنائك
لا داعي لوسوسة نفسك
وفقك الله

هاجر المدانية · 2013-02-17, 21:18

.كيما قالولك خواتاتي كملي قرايتك بالمراسلة مادام عندك النت بروفيتي أقراي رايحا تلقاي فيه كلش ورانا هنا نعونوك كاش ماتحتاجي نطلعولك المورال ونقروك شوي للدقيقة تاليا . شوفي أنا عندي ليسانس وراني رجعت ضرك نقرا في الجامعة إختصاص وحداخر نقولك قريب توسسوست راع عندي 11 سنة ملي تخرجت لا خدمة لا قدمة غير الكونترا وبلخف تتخلاص ويقولك برا .حتا راني ضرك لهيت بالقرايا راني بديت ننسا حتا وراني نسوفري بصح معليش نسوفري ونتعب وما نتوسسوسش . والله ندعيلك ربي يفرج عليك وعلى كل المومنات وووادعولي يا خواتاتي ربي يفرج عليا.

.kiki · 2013-02-17, 21:43

السلام عليكم و رحمة الله

اختي و حبيبتي... لقد اعجبتني جداا
بارك الله فيك و جزاك خيرا... يا ريت -اذا حبّيتي طبعا- تراسليني على الخاص و انا مستعدة لأي نوع من المساعدة تطلبين.. أستطيع أن اكون لك الصديقة التي ليس لها همّ سوى سماعك انت و انت فقط..

أما بعد أخيّتي العزيزة
أرجوك أرجوك لا تقنطي فأنت في نعمة لا تعرفين مقدارها! أ لا تدركين عدد المخالفات التي تقع فيها الفتاة لمّا تخرج من المنزل؟؟ ألا يعجبك أن الله اختارك انت و أنت بالذات لتيصونك من الوقوع فيها؟؟ ألا تحبّين أن تتفكّري في نعمة الله عليك أنّك بعيدة و آمنة من أعين الذئاب؟
لا يا اختي.. لا تدعي الشيطان يوسوس و يقول لك أنّك اذا خرجت تستمتعين و تسمعين الاخبار و و هذا لا معني له.. و الله في هذا الوقت خير للكلّ أن يجلس في بيته بعيدا عن الفوضى و الفساد و "الرداءة" التي في الخارج.

هذا من جهة..و من جهة أخرى فانّ سبب ما أنت فيه هو الفراغ يا أختي.. نعم .. الفراغ القاتل الذي بسببه ضاع الكثيرون (حفظك الله و رعاك) كيف تعالجين المسألة؟ سهلة...
اعلمي فقط أنّ أفضل العلوم و انفعها للعبد في دنياه و دينه و أكثرها جلبا للسعادة و الرضى و الطمأنينة هو العلم الشرعي..
صدّقيني يا أختي.. جرّبي و احكمي..
و لا يفوتني أن أذكّرك بالقرآن.. خير أنيس و خير جليس.. منير القلوب و الدروب..
اجعليه جزءا ثااااااااااااااااااااابتا في جدولك اليوميّ و سترين كيف ستصبحين أسعد من في بيتكم باذن الله.. و الله عن تجربة يا اختي.. القرآن شفااااااء لما في الصدور... حافظي على تلاوة ما تيسّر لك يوميّا.. لا تفوّتي أي يوم لأي سبب.. حتى تتعلّق به روحك فتصيرين غير قادرة على الصبر حتى مةعد اللقاء معه..

كيف لا.. و هو كلام الله جلّ و علا..!!

و أخيرا.. الحمد لله عندك النت ف الدار.. (تخيّلي لي ماعندهمش و ش يقولو!!) حمّلي الكتب الجيّدة و اقرئي يا أختي.. اقرئي الكتب و لو صفحة في اليوم.. المطالعة تنير العقل و الفكر يا أختي..
و لا تتردّدي في السؤال ان أردتي اقتراحات لبعض العناوين
أنا في خدمتك متى أردت... لا تنسي

حافظي على صلاتك و ادعي الله ان يرزقك زوجا صالحا تكملين معه نصف دينك..

أسأل الله لك علما نافعا و عملا صالحا متقبّلا و قلبا خاشعا و لسانا ذاكرا
"الذين آمنوا و تطمئنّ قلوبهم بذكر الله. ألا بذكر الله تطمئنّ القلوب"

أرشدك الله و فتح لك أبواب رحمته و عطفه واحسانه و منّه و عطائه..

اللهمّ صلّ و بارك على محمّد و على آله و صحبه و سلّم

بالتوفيق
سلام

zima2012zima · 2013-02-17, 23:20

ربي يفرج عليك اختي

ABDOU ELE · 2013-02-18, 00:35

ادعو الله ان يفرج عليك ويرزقك الزوج الصالح

ابن السلفية · 2013-02-18, 01:16

اختي الكريمة قبل ان تراسلي الاخت kiki تاكدي انها فعلا بنت
فيه شباب يسجلو بعضويات بنات
وربي يرزقك بزوج صالح في اقرب وقت

imi02i · 2013-02-18, 08:20

إذا ماعندكش رغبة في الدراسة ماكان علاه تعاودي تتسجلي
كاين ألف حاجة تعوضلك الفراغ اللي راكي فيه وأبسط شيء أنك تديري إرادة وتحفظي القرآن ولو في بيتك
أو ادخلي ورشة خياطة وتعلمي أو طبخ أو شيئا من هذا القبيل
النت تقدري تستفادي منها أيضا
ومتخليش التفكير المستورد يأثر عليك أيضا لأني أنا مثلك حبست قرايتي لكن مصراليش كما راهو صاير لك انت
ربي يفرج عليك ويرزقك الزوج الصالح

ايمان نور الجزائر · 2013-02-18, 08:55

السلام عليكم
انصحك اختي بالعودة الى الدراسة بالمراسلة ....فمنها تتثقفين وتتعلمين ومنها تشغلين وقتك
وربما تحوزين شهادة تعينك على الحياة
اووو
اذا توفرت بالقربق منكم احدة معاهد التكوين يمكن اختيار تخصص ومزاولته
اوو
يمكنك تعلم صنعة اذا كان لديك ميول نحو الخياطة او الحلاقة او صنع الحلويات
وفقكي الله اختي

maymay · 2013-02-19, 15:46

اختي الكريمة والله راكي في نعمة كبيرة،ماتشوفيش للمجتمع الفاسد تاعنا لي راهو يشجع في البنات للخروج للشوارع،ما تسمعي حتى لواحد مادامك ديري في الشي لي لازم يندار..القلق لي راكي تعاني منو راهو بسبب الروتين و الفراغ،شغلي روحك و بدلي في نشاطاتك و درك تشوفي كيفاه،و صدقيني العلم عمرو ماكان محصور في المدارس و فقط،كيما قاتلك كيكي حماي كتب،او اشري كتب،طالعي و ابحثي و حددي لنفسك اهداف و مواضيع للبحث و اتثقفي بهاد الابحاث...ممكن تحسي بالوحدة،نقلك ديري صديقات من محيطك،جارتك او قريبتك و الا راهم كاين هنا في المنتدى اخوات طيبات ماشاء الله عليهم،فقط،ماتصدقيش كلش،اعرفي الصح من الغالط و اسرارك احتافظي بيهم لروحك،ماتعطيهم حتى لوحدة...و نزيد نعاودلك يا اختي،احمدي ربي و الله راكي في نعمة..

و للأخ لي قالك ماتراسليش kiki لانو ممكن تكون ذكر،نقولو لو تكبدت عناء الضغط على ايقونة مشاركاتها لوجدتها كاملة لأنثى همها نصح أخواتها...

(شفتي يا حنونتي كيكي وليتي طفل و انا ماعلاباليش ههه)

المحب للجزائر · 2013-02-19, 16:05

أختي الغالية ربما اذكرك فقط بمثل عندنا يقول : اعطني فاهم و عمره ما قرا.
لكن للاسف في جزائرنا الحبيبة المعمول به الكفاءات لا الشهادات
انا انصحك انت تثقي انت بنفسك و اجعلي نفسك انت مميزة
و ابتعدي عن هذه الحساسيات فانه تتعب النفس ، و اتمنى لك حاة زاهرة بالنجاحات

nana w · 2013-02-19, 16:08

السلام عليكم ,,,,, ربي يرزقك بزوج صالح تقي نقي مرفوع ذكره في السماء يستركي ويصونكي وتنجبين منه ذرية صالحة تملأ وقتكي وقلبكي ,,,,,عليكي بالدعاء

كغومة · 2013-02-19, 17:18

السلام عليكم

*- لكن انت تعبر غلطة لانك حبستي قرايتك مع رضى نفسك لكن الاحسن ان تعودي الى الدراسة واذا لم تريدي العودة فعليك ملئ فراغك بطاعة الله + التثقف لان بعد مرور السنوات ستنسين كل مادرسته وعليك الثقة بنفسك انك بالمستوى وكما شفت في بعض الردود قالوك هذي نعمة ومخرتيش للمجتمع الفاسد هذي من جهة اجابية

فعليك اختاه بالتمسك بالله وتثقيف نفسك وملئ فراغك بالتعلم اي شئ واشئ كتاب او اي معلومة وقيل تفاؤلو خيراا تجدوه وان شاء الله تلقاي صديقة تفهمك وتحس بيك وتنصحك لكن مولاتش لمان الان في الصحابات الا الي عندها زهر ايا والله يفرج عليك اختي

سلام

AMINA.Z · 2013-02-19, 23:05

الفراغ اكبر عدو للانسان

يا اختي في وقتنا الدراسة ماهيش وسيلة للحصول على العمل و فقط
راهي ديرلك قيمة مع روحك قبل ما ديرهالك مع الناس
و كل واحد عارف قدراتو اذا ماتقدريش على العلوم روحي للاداب و العكس
اما الحرفة راهي ضرورية باه تخرجي من الروتين
حاولي تخططي لحياتك من جديد و ما تنسايش الزواج ماهوش جنة
لازم ديري حساب كلش في حياتك

و ربي يفرج عليك ان شاء الله