أول مرة ندير كيكة هههههههههه

ريم الفلى · 2013-02-16, 10:14

السلام عليكن حبيباتي إن شاء الله تكونوا كامل زاهيين وباهيين
هاذي أول مرة نجرب ندير تصاور في الموضوع
وقررت باش نبدى بالكيكة اللي درتها بمناسبة حصول أختي على المرتبة الأولى في قسمها في الفصل الاول ههههههههههههه
وان شاء الله العاقبة للاولى على مستوى المدرسة إذا حب ربي ههههههههه
https://im34.gulfup.com/tcP05.jpg
وان شاء الله العاقبة لكل البنات والاولاد ومزيد من التفوقات والنجاحات هههههههههه في الفصل الثاني والثالث يارب

إلهام07 · 2013-02-16, 10:19

لعقوبة للبكالوريا إن شاء الله ولعقوبة ليك تتعلمي وصفات أخرى معانا
المرة الجاية لما تحطي صورة حاجة درتيها من الأفضل تقصي منها قطعة باش نشوفوها من داخل

ريم الفلى · 2013-02-16, 11:45

هاهي مطلعتليش برك ما يكون غير خاطرك ههههههههههه

sofiane2075 · 2013-02-16, 10:39

رائعة الله يبارك بصحتكم و مزيدا من النجاح و التالق في المستقبل ان شاء الله

كلمات مبعثرة · 2013-02-16, 10:47

الكيكة راااااااااااائعة يعطيك الصحة

سمراء الدنيا · 2013-02-16, 11:25

كيكة رائعة ربي يخليك ليها و ديريلها بياس مونتي في الباك

anna15 · 2013-02-16, 11:29

جميييييييييييييييييييلللللللللللللللللللة

نزهة الربيع · 2013-02-16, 11:38

الكيكة رائعة يعطيك الصحة
لعقوبة لنجاحات اخرى
للجميع ان شاء الله

ريم الفلى · 2013-02-16, 11:43

اسمحولي راهي مطلعتليش برك ه هاهي من الداخل

وشكرا على تشجيعاتكم

اسماء47 · 2013-02-16, 11:43

يسلمو ايديك
و مبروك لاختك لعقوبة للباكالوريا و الماجيستير

amina nourhanne · 2013-02-16, 11:47

الله يبارك ما شاء الله

رملاك · 2013-02-16, 11:47

برافو يا البرايجية جاتك تهبل لعقوبة للباك و تديريلها حاجة أخري

المهم و الاهم غدوة عيد ملاد بابا و راني حابة نديرلو تارت هكدا كيكة صغيرة و تكون متديش الوقت بزاااف باسكو غدرو نقرا
أعطيني الوصفة تاع الكيك هذا باسكو راهو يبانلي ساهل شوية اوكي خيرتو

راني نستنا في الوصفة تاع الكيك و بأدق التفاصيل اوكي

سلاااااااااااام

ريم الفلى · 2013-02-17, 09:43

اقتباس:

المشاركة الأصلية كتبت بواسطة ايمان البرايجية

برافو يا البرايجية جاتك تهبل لعقوبة للباك و تديريلها حاجة أخري

المهم و الاهم غدوة عيد ملاد بابا و راني حابة نديرلو تارت هكدا كيكة صغيرة و تكون متديش الوقت بزاااف باسكو غدرو نقرا
أعطيني الوصفة تاع الكيك هذا باسكو راهو يبانلي ساهل شوية اوكي خيرتو

راني نستنا في الوصفة تاع الكيك و بأدق التفاصيل اوكي

سلاااااااااااام

صباح الخير يا الزينة اسمحيلي لبارح ماكانتش لاكونيكسيو مليحة مقدرتش ندخل بصح عندك الوقت باش اديريها راهي ساهلة بزاف نبدا بالمقادير وطريقة التحضير مع بعض وان شاء الله تفهمي مليح مليح ههههههه
بسم الله
جيبي 4بيضات وباكي لافاني و150غ سكر رطب و150غ فرينة وباكي خميرة وإذا ضاعفتي المقادير معليش بصح ديري برك باكي خميرة اوكي؟ وإذا حبيتي تديري الجينواز باليكولا نحي 25 غ فرينة وديري 25 غ ككاو أنا درتها بيضاء ودرتلها الشيكولا من الداخل.
خلطي البيض مع السكر بالخلاط الكهربائي حتى يولي لونو ابيض (تتنحلو الصفورة تاع البيض) من بعد زيدي الفرينة مغربلة والخميرة ولافاني وخلطي بملعقة خشبية من تحت لفوق باش تبقى خفيفة وفرغي الخليط في مول الفرن العادي المربع الشكل وفرشيلها ورق الالمنيوم ولا ادهني يالزبدة ورشيه بالفرينة
من بعد ما تطيب خليها تبرد شوية وقطعيها على 3 مستطيلات متساوية واسقيها بالشاربات ( كاس ماء و نصف كاس سكر وشريحة قارص خليهم يغليو حتى يبداو يديرو في الفقاعات ومن بعد ما تبرد اسقي بيها القطعة اللولة واطليها بالشيكولا السوداء المذابة في حمام ماء مع الحليب وشويا كوكاو مرحي و وزيدي التانية كيف كيف والثالثة اسقيها برك بالشاربات ومن بعد ذوبت شيكولا سوداء مع الحليب وملعة زيت باش تجي تلمع ههههههه وغلفت بها الكيكة تاعي وزينتها يالكوكاو المرحي في الجوانب و بكريمة الزبدة من فوق راهم حاطينها بزاف اخوات ربي يحفظهم هاذا ماكان وتاكلوها بالصحة والهنا ان شاء الله
وعيد سعيد لباباك والعاقبة لـ100000000000 سنة ان شاء الله.

oum anas 69 · 2013-02-16, 11:54

la3kouba ll bac inchallah rahi hayla okhti wasili

البوسعادية · 2013-02-16, 12:55

ماشاء الله
ربي يدوملها يااااااااااااارب