انصحوني اخواتي وليدي ينوض بزاف في الليل

oum ayyoub · 2013-02-07, 23:24

ان شاء الله تكونو كامل بخير
عندي ولدي له 10 اشهر الله يبارك بصح مشكلته ينوض بزاف في الليل مرات كل نصف ساعة و مرات كل ساعة راني متعوبة بزاف مين نوض في الصباح راسي يحب يطرطق
المشكلة انا ولفتو هكدا مين كان رضيع كان كل ما يدير اها نوض الجري باش ما ينوضش زوجي مين يخدم صباح بكري و بقات هاد العادة في ابني حبيت ندير القلب و نخليه يبكي مين يكون نقي و شبعان بصح قلبي كان يتالم مين ايوب كان يبكي و شفني و نضت و رقدتو في حجري راني حابا ندير القلب و نخليه غير يبرا ان شاء الله من الزكام و ندير هده الطريقة قولولي خواتاتي هل هذه الطريقة مفيدة و هل عندكم طرق اخرى مجربة و ماعليش ادا خليتو يبكي حتى يرقد على البكاء

أنوثة شرقية · 2013-02-08, 13:16

اختي ام أيوب. انا عانيت جدا من هاذ المشكلة مع ابني ربي يحفظو يارب من لما كان عمرو 6 شهور الى حد عام ونص وزيادة. والله تعذبت كثير كان ينوض كل نص ساعه مين يتقلب ينوض صرا فيا الباطل. المزية كانت عندي اختي تخليني نرقد الصباح كي يرقد هو وهي تتهللا ف الدار. بعد مده قلت نديرلو حل لاني تعببببببببت بزااااااااااااااف صار كلما يجي يرقد نحطلو البيبرو تاعو فيه شوية حليب وحتى لما يفرغ يبقى يرضع فيه وكلما ينوض نحطلو البيبرو في فمو ويغفى ويسكت على طول مع الوقت تعود على البيبرو وكلما يفطن يحوس عليها وكي يصيبها يحطها في فمو ويرقد و بعد ماكمل عام ونص الحمدلله رجع يرقد ليل كامل.وتهنيت من المشكلة. ودركا حفظ طبيعه جديدة لازم يرقد بيناتنا هههههه.اصبري يا اختي وحاولي تجربي معاه هاذ الطريقة .وان شاء الله تتهناي من هاذ التعب راني حاسة بيك

oum ayyoub · 2013-02-08, 15:22

ربي يحفظ وليدك اختي و يبارك في عائلتك بارك الله فيك على النصيحة و لكن المشكلة انو يرضع صدري و لكن راني حابا نجرب و نوللي نعطيك الحليب الاصطناعي غير مع الليل

عُمرُ · 2013-02-08, 16:01

اقتباس:

المشاركة الأصلية كتبت بواسطة oum ayyoub

ان شاء الله تكونو كامل بخير
عندي ولدي له 10 اشهر الله يبارك بصح مشكلته ينوض بزاف في الليل مرات كل نصف ساعة و مرات كل ساعة راني متعوبة بزاف مين نوض في الصباح راسي يحب يطرطق
المشكلة انا ولفتو هكدا مين كان رضيع كان كل ما يدير اها نوض الجري باش ما ينوضش زوجي مين يخدم صباح بكري و بقات هاد العادة في ابني حبيت ندير القلب و نخليه يبكي مين يكون نقي و شبعان بصح قلبي كان يتالم مين ايوب كان يبكي و شفني و نضت و رقدتو في حجري راني حابا ندير القلب و نخليه غير يبرا ان شاء الله من الزكام و ندير هده الطريقة قولولي خواتاتي هل هذه الطريقة مفيدة و هل عندكم طرق اخرى مجربة و ماعليش ادا خليتو يبكي حتى يرقد على البكاء

السلام عليكم..
قد يستغرب البعض تدخلي هنا...لست أهتم..
أنت سألت سيدتي إذا كان البكاء لايضره...دعيني أقول لك أن البكاء منافعه أكبر من مضاره ..
أخذت قرارا رغم أنه كان متأخرا ولكن لابأس به...ولو كان كذلك...
لبّي كل حاجياته ..ثم اتركيه..فإنه يبكي لحد أن يرهقه البكاء فينام..تأكدي جيدا أنه لايبكي لألم خاصة ألم الأذين فلا أعراض لهما..
أنصحك بإدخال إبنك في ما يشبه عملية التربص ..لينتقل الى مرحلة الهدوء ...كيف ذلك ؟؟؟
بسيطة...
ما نصحتك به سابقا قومي به على مراحل..يعني
إن كنت تهرعين إليه كلما بكى..فقومي بتأجيل حركتك نحوه...مثلا اليوم الأول ..دعيه يبكي ل 5 دقائق...الثاني 10 دقائق..الثالث ربع ساعة وهكذا....إنها عملية تطوير قدراته في تحمل الرغبة الشديدة لديه في تواجدك كلما فتح عينيه..
أتمنى لك التوفيق...

ام نسمة · 2013-02-08, 16:34

مرحبا اختي والله تقربا كل ام عانت من هاته المشكلة انا طفلي الاول كان معدبني يرضع صدري وفي الليل ينوض لي بزاف كنت كي نوض الصباح تحسبي راني شاربة الكاشيات هههههه المهم ادا كان طفلك يحكملك لا سوسات امالا ديري كيفي ديري فيها عسل حر او عسل الشفا ودمريهالو وخليه يرقد وادا حسيتي راه جيعان قومي رضعيه هي مشكلة عويصة نصيحتي ليك اياك تبدليلو صدرك بالبيبرون جامي لا في الليل لا في النهار مادام عندك قدرة على الارضاع فلاتبخلي طفلك حليبك من اجل راحتك انا وليدي الثاني عاش بقدرة ربي نشفت من الحليب وكل انواع الاصطناعي رفضها عاش بالعسل الحر و وكلته قبل الاوان بكثير يعني حوالي شهري هكا لانو خلاصو كامل الحلول لكن كان يام كل الليل بفضل السوسات وايضا نيحة الاخ عمر في محلها جربيها وشوفي عموما كل طفل وكيفاش طبعو ماشي كامل الاطفال تنفع معاهم طريقة وحدة وربي في عونك راني حاسة بيك بزاف

ام رنا · 2013-02-08, 16:37

انا بنتي كرهتني في الاولاد استغفر الله عندها 6 شهور ماترقدش ساعة لازم ديما نحطها في كرسي هزاز تعودت عليه نبات ليل كامل هاكدا حتى جاب ربي مرضت بالزكام ولكن مرضة صحيحة زوجي استشار ممرض عادي ونصحه قاله لو مش مريضة خليها تبكييييييييي حتى تعيا وتعرق ترقد جربتها غاضتني بصح الله غالب من وقتها تبكي حتى ترقد لكن الحمدلله ريحت شوي مش كيما كانت ماشاء الله تبارك الرحمن
ربي يحفظلك ولدك اختي 10 شهور المفروض يرقد لصباح

sarah1424 · 2013-02-08, 17:05

Hmdulah mazelt matzewjtch mazelt sghira whadi akbar haja khayfa menha psk k nor9ed mohal ennoud wk noud nkoun m9al9a
rabbi ykoun maakom
wyakhlina waldina chhal taabou alina

zineb_saib · 2013-02-08, 17:12

ياأختي ممكن الأخوات نصحوك بالسوسات أو البيبرو
بصح أنا نقلك غير أخطيك منهم راهي السوسات تمرض المعدة وتهلكها انا والله يغيضوني الولاد اللي يديرولهم السوسات باش يسكتوهم حتى من بعد كي يجو ينحوهالهم يرجعو يرضعو اصابعهم والمعدة ماكان لاه نهدر
الاطفال لازم يبكو والاحسن تخليه يبكي مادام موش جوعان او مريض راهي في الفايدة نتاعو وكثريلو الالعاب فوق سريرو وكثري الالوان وعوديه يرقد بالقرآن كلما يبكي ديريلو قرآن يسمعو

zineb_saib · 2013-02-08, 17:18

ياأختي ممكن الأخوات نصحوك بالسوسات أو البيبرو
بصح أنا نقلك غير أخطيك منهم راهي السوسات تمرض المعدة وتهلكها انا والله يغيضوني الولاد اللي يديرولهم السوسات باش يسكتوهم حتى من بعد كي يجو ينحوهالهم يرجعو يرضعو اصابعهم والمعدة ماكان لاه نهدر
الاطفال لازم يبكو والاحسن تخليه يبكي مادام موش جوعان او مريض راهي في الفايدة نتاعو وكثريلو الالعاب فوق سريرو وكثري الالوان وعوديه يرقد بالقرآن كلما يبكي ديريلو قرآن يسمعو

oum ayyoub · 2013-02-08, 18:41

اقتباس:

المشاركة الأصلية كتبت بواسطة عُمرُ

السلام عليكم..
قد يستغرب البعض تدخلي هنا...لست أهتم..
أنت سألت سيدتي إذا كان البكاء لايضره...دعيني أقول لك أن البكاء منافعه أكبر من مضاره ..
أخذت قرارا رغم أنه كان متأخرا ولكن لابأس به...ولو كان كذلك...
لبّي كل حاجياته ..ثم اتركيه..فإنه يبكي لحد أن يرهقه البكاء فينام..تأكدي جيدا أنه لايبكي لألم خاصة ألم الأذين فلا أعراض لهما..
أنصحك بإدخال إبنك في ما يشبه عملية التربص ..لينتقل الى مرحلة الهدوء ...كيف ذلك ؟؟؟
بسيطة...
ما نصحتك به سابقا قومي به على مراحل..يعني
إن كنت تهرعين إليه كلما بكى..فقومي بتأجيل حركتك نحوه...مثلا اليوم الأول ..دعيه يبكي ل 5 دقائق...الثاني 10 دقائق..الثالث ربع ساعة وهكذا....إنها عملية تطوير قدراته في تحمل الرغبة الشديدة لديه في تواجدك كلما فتح عينيه..
أتمنى لك التوفيق...

بارك الله فيك اخي نصيحتك في القمة و الله و لن نستغرب في تدخلك هذا لان موضوعي يخص النساء كما يخص الرجال جزاك الله كل خير

oum ayyoub · 2013-02-08, 18:50

اقتباس:

المشاركة الأصلية كتبت بواسطة زهورالفل

مرحبا اختي والله تقربا كل ام عانت من هاته المشكلة انا طفلي الاول كان معدبني يرضع صدري وفي الليل ينوض لي بزاف كنت كي نوض الصباح تحسبي راني شاربة الكاشيات هههههه المهم ادا كان طفلك يحكملك لا سوسات امالا ديري كيفي ديري فيها عسل حر او عسل الشفا ودمريهالو وخليه يرقد وادا حسيتي راه جيعان قومي رضعيه هي مشكلة عويصة نصيحتي ليك اياك تبدليلو صدرك بالبيبرون جامي لا في الليل لا في النهار مادام عندك قدرة على الارضاع فلاتبخلي طفلك حليبك من اجل راحتك انا وليدي الثاني عاش بقدرة ربي نشفت من الحليب وكل انواع الاصطناعي رفضها عاش بالعسل الحر و وكلته قبل الاوان بكثير يعني حوالي شهري هكا لانو خلاصو كامل الحلول لكن كان يام كل الليل بفضل السوسات وايضا نيحة الاخ عمر في محلها جربيها وشوفي عموما كل طفل وكيفاش طبعو ماشي كامل الاطفال تنفع معاهم طريقة وحدة وربي في عونك راني حاسة بيك بزاف

اختي بارك الله فيك على النصيحة المشكلة ان ابني يحب السوسات و لكن مين ينوض يجبني نرفدو صح حليب الام مشي كيما الحليب الاصطناعي عندك الحق اختي نخليلي حليبي و ندير على نصيحة الاخ عمر ربي يحفظكم كامل

oum ayyoub · 2013-02-08, 18:53

اقتباس:

المشاركة الأصلية كتبت بواسطة ام رنا

انا بنتي كرهتني في الاولاد استغفر الله عندها 6 شهور ماترقدش ساعة لازم ديما نحطها في كرسي هزاز تعودت عليه نبات ليل كامل هاكدا حتى جاب ربي مرضت بالزكام ولكن مرضة صحيحة زوجي استشار ممرض عادي ونصحه قاله لو مش مريضة خليها تبكييييييييي حتى تعيا وتعرق ترقد جربتها غاضتني بصح الله غالب من وقتها تبكي حتى ترقد لكن الحمدلله ريحت شوي مش كيما كانت ماشاء الله تبارك الرحمن
ربي يحفظلك ولدك اختي 10 شهور المفروض يرقد لصباح

اختي ام رنا ربي يحفظلك بنتك راكي تشوفي ختي 10 اشهر ماشاء الله و ما زال ما يرقد الليل ربي يكون معانا و ربي يحفظكم اختي

oum ayyoub · 2013-02-08, 18:58

اقتباس:

المشاركة الأصلية كتبت بواسطة sarah1424

hmdulah mazelt matzewjtch mazelt sghira whadi akbar haja khayfa menha psk k nor9ed mohal ennoud wk noud nkoun m9al9a
rabbi ykoun maakom
wyakhlina waldina chhal taabou alina

اختي ننصحك ما ديريش الغلطة لي درتها كل ما يدير اها نوضلو ننصحك ما ديريهاش صح هداوين حسينا بوالدينا كي تعذبو علينا ربي يحفظهم لينا

ryma la cool · 2013-02-10, 12:24

هدى الغلطه الي درتها انا ثاني
ابني نتيج وليدك كون ميرقدش معايا ميرقدش ليل كامل والله راح نهبل

oum ayyoub · 2013-02-11, 22:53

اختي ربي يكون في العون ديري النصيحة تاع الاخ عمر انا غادي نعمل بيها باذن الله