فسدتلك الكيكة؟ ارواحي نقوللك وش تعملي بيها

ابداع جزائرية · 2013-02-01, 21:03

اللهم صل على سيدنا محمد صلاة ترضيك وترضيه وترضى بها عنا يا رب العالمين
وعلى اله وصحبه اجمعين والتابعين باحسان الى يوم الدين:

وش احوالكم يا بنات؟
نتمنى تكونو كااااااااااااااامل كامل كامل الناس

قصدي تكونو كاااامل كامل كامل بخير وفي رضى من ربي العالمين
كما وعدتكم موضوعي اليوم
لما تشمري على ذرعيك وتكوني نايضة في صباح ناشطة وفرحاااانة
وتكوني شاهية كيكة او جايينك ضيوف وقلتي توجدي حاجة ليهم
وتنوضي تغنني تخدميها وتحطيها في الفور
وتخرج
تاتاتاتااااااااااااااااااااااااااااااااااااا

نتخيل في حالتك :
اكييييييييد وحدة من هاذو

واكييييد كي يجي الراجل ويشوف حالتك يديرلك هك:

وعنده حق اكيد انتي اللي خليتيلو الفرصة
عندي حل ان شاء الله باه تكملي توجدي الحلو نتاعك
كيكة ولاّ خاطية المهم حاجة حلوة تعجبهم خير من الاحباط والفساد
صح؟
صح

طولت عليك؟
ممكن تزربي تفتتيها قبل ما يجي هو او ضيوفك

وتكون عندك فاكهة
قطعيها فراولا او مشماش او موزاو برتقال اللي كاين

ومربى اي نوع

حاولي تكون عندك دايما غبرة الكريم شانتيي
لانها تمنّعك دايما وتكاموفلي العيوب

ضربي شوية منها مع سكر وحليب بارد

واعملي احلى كاسات

وممكن ايضا تخلطي مع الكريم شانتيي الكريم باتسيير
نص لتر حليب مع شوية فاني

ومن جهة اخرى 3مغارف سكر رطب مع 3مغارف نشا

نحط عليهم 3 صفار بيض

ونخلط ملييييييح

بعدها نحط مغرف من الحليب السخون

ونخلط ونرجعو الكل في كاسرولة الحليب

مع التحريك المستمر حتى يعقد الخليط

نطفي ونخلوها تبرد شوية ونخلطوها مع الشانتيي

هاذ الكريمة يابنات هااايلة خفيفة وبنينة مع الكيك

يعني لو عملنا بيها نفس الكاسات اكيد راح يكونو الذ بكثييييييير من اللي فاتو
البقية في المشاركة الجاية ان شاء الله
تابعوني

ابداع جزائرية · 2013-02-01, 21:04

نكمّلو ان شاء الله
نحطو الكريمة الاول

وبعدها فتات الكيكة
ونبللوها بشوية مربى

والفاكهة الفريز الحقيقة يكون مناسب اكثر

وهكذا بالتوالي وفي الاخير الكريمة والفواكه

شكون قال انه الحلوى اللي درتيها فسدت

معاكم ان شاء الله

ابداع جزائرية · 2013-02-01, 21:05

ممكن فكرة اخرى هي انك تفوتيها في غربال
وتخلطي معاها حلوة ترك وشوي كاوكاو مقلي ومرحي وشوي مربي وماء الزهر وتديري حلوى بنيينة وباهية بالشوكولا الابيض
مثل هاذي

رابط الوصفة حطتها الاخت ام راضية واي استفسار نحن في الخدمة

https://www.djelfa.info/vb/showthread.php?t=844688

وممكن نفس المكونات وتزيديلهم ثلاث مغارف كبار كاكاو وتتحصلي على احلى بنيون
خاصة لو كانو عندك طوابع السيليكون
شوفي

وممكن تنوعي في الشكل براحتك
هاذو افكار من اخينا القوقل

:

او

وممكن تدخلي فيها عيدان وتولي كالمصاصات الاولاد يحبو هذاك الشكل

ولا عاد لاعاد لاعااااااااااااد تقولي فسدتلي الحلوى
نحن معشر النساء لا نهزم بسهووووووولة

كان هذا موضوعي يا بنات نتمنى تكونو استفدتو
وانتظروني المرة الجاية ان شاء الله مع
الزيراوي

ماتنسوش اختكم ام انيس من صالح دعائكم

sbmwhadz · 2013-02-01, 21:37

مع هذا الحل ماكاش مشكل الفشل لكن أنا نضن أنو إذا حبينا نفسدو الكيكة أو الجينواز باش نطبقو هذا الحل ما راحش تفسد ههههههه

amiramirna · 2013-02-01, 21:49

نشريها من المحلات بنينة مممممممممممممممم
فكرة هايلة
بصح اعطيني عقلك كي يفسد القاطو نعيا و مخي يفريني
هاذي لازم نحطها في كتاب الطوارئ هههههههه

بوعنينبة · 2013-02-01, 21:50

شكرا فكرة مليحة

oum anas 69 · 2013-02-01, 22:20

اهلا وسهلا اختي ابداع نورتي المنتدى بحضورك
للاسف الصور ما بانوليش
لكن انا متاكدة بلي ماتكون غير ابداع من ابداعاتك
تقبلي مروري اختي ام انيس

ابداع جزائرية · 2013-02-01, 22:22

اقتباس:

المشاركة الأصلية كتبت بواسطة sbmwhadz

مع هذا الحل ماكاش مشكل الفشل لكن أنا نضن أنو إذا حبينا نفسدو الكيكة أو الجينواز باش نطبقو هذا الحل ما راحش تفسد ههههههه

هههههههههه
ماعليش اختي ممكن تخرج مليحة ونفسدوها باه نديرو جديد

نورتي حنونة

أم ماجد · 2013-02-01, 22:33

افكار باهية لكن للاسف الصور لم تظهر

lyna38 · 2013-02-02, 00:14

الصور لم تضهر
ممكن اعادت ادراجها اختي

ابداع جزائرية · 2013-02-02, 08:42

اقتباس:

المشاركة الأصلية كتبت بواسطة amiramirna

نشريها من المحلات بنينة مممممممممممممممم
فكرة هايلة
بصح اعطيني عقلك كي يفسد القاطو نعيا و مخي يفريني
هاذي لازم نحطها في كتاب الطوارئ هههههههه

ممكن اختي

نورتي ربي يبارك فيك

اقتباس:

المشاركة الأصلية كتبت بواسطة بوعنينبة

شكرا فكرة مليحة

جزاكم الله خيرا

اقتباس:

المشاركة الأصلية كتبت بواسطة oum anas 69

اهلا وسهلا اختي ابداع نورتي المنتدى بحضورك
للاسف الصور ما بانوليش
لكن انا متاكدة بلي ماتكون غير ابداع من ابداعاتك
تقبلي مروري اختي ام انيس

ربي يخليك حبيبتي نورتي والله
المشكل انه كل مانفتح الموضوع نلقا عندي الصور ظاهرين بوضوح
مانيش عارفة المشكل وين

اقتباس:

المشاركة الأصلية كتبت بواسطة أم ماجد

افكار باهية لكن للاسف الصور لم تظهر

جزاكي الله خيرا ساحاول الاتصال بالمشرفة لان الصور ظاهرة عندي ممكن تفيدني

اقتباس:

المشاركة الأصلية كتبت بواسطة lyna38

الصور لم تضهر
ممكن اعادت ادراجها اختي

ساحاول مرة ثانية اختي مع انها ظاهرة عندي

soriaalg · 2013-02-02, 09:11

ربي ينورك افكار هايلة شكرا جزيلا لك

أنوثة شرقية · 2013-02-02, 09:12

مبدعه دائما يا ابداع ماشاء الله. المره الجاية ندير حسابي هههههههه

ام ظافر · 2013-02-02, 13:13

الافكار رائعة ولكن الصور للاسف لا تظهر
غيري مركز تحميل صورك افضل

ام عبيدة · 2013-02-02, 14:00

بارك الله فيك اختي ام انيس انت حقا مبدعة