قاطوا رو لي محشي بالنيسلي ,,, للاعراس و الاعياد

[حمدا لله كثير]

السلام عليكم

و صلوا و سلموا عل سيدنا محمد عليه الصلاه و السلام



اما بعد هاد القاطوا مليح و يعمر العين

و دوقوا مليح كيما الصابلي يذوب في الفم و في الوسط محشي نيسلي طايبة شوية و يمكن ضاربينها بالروبوا

يعني نطيبوا في الرولووات سبيسيال تم من بعد نحشيه



الا لم يخني ذوقي هههههههههههههه


هاهي الصورة و اي وحدة تعرف الوصفة نتاعوا تعطيهالنا و شكرا و تساعدنا و شكرا














الوصفة لقيتها عند الاخت و هاهي ليكم

ا

قتباس:
المشاركة الأصلية كتبت بواسطة nono-nono
السلام راني جيت كيما وعدتك.هذي الحلوة كليتها في الحج تاع بابا في 2003 جبتها صحبتي وجات تهني وهبلت عليها وورها ورها حتى عطتني الوصفة وجربتها.

المقادير.

500غ زبدة طرية.

لفاني.
كاس سكر رطب
ونخدمها مليح بيدي ونزيدلها
4 حبات بيض بتدريج
ومن بعد الفرينة حتى تولي عجينة طرية
ناخذ الاسطونات ونحل لعجينة وندير مستطيلات حولي 6سم ونلوي على الاسطوانة المعدنية ونستف في البلا والى الفرن حرزي يتحرقو

كي يطيبوا نحيهم من الاسطونات بلطف
ووجدي الحشوة الي هي نسلي طايب ومخفوق وكوكاو مدشش.احشيهم مليح وغطسي في الشكولاطة سوداء ذائبة وزيني كيما تحبي.الشكولاطة السوداء تكسر من حلاوة النيسلي.

ملاحظة. هدي الحلوة ميجيش فيها الخمارة.وكي تولي تغطسي فيها في الشكولاطة غطسي الجوانب اولا باش ما تعبكش وشكولاطة تكون ثقيلة.

امانة اذا جربتيها ونجحتلك دعيلي ربي يشفيني.سلام

لا تنسوا الدعاء لها

الله يشفيكي و يعطيكي ما تتمناي الله يسترك و يهني والديك عليكي