فجئة وجدت نفسي في مشكلة كبيرة

القذافي999 · 2013-01-18, 17:04

السلام عليكم

كل ميلود وانتم بخير

مشكلتي اني بينما انا جالس في رحمة ربي في الجامعة جاو ليا زوج بنات يقراو معايا بداو يحكولي على وحدة صحبتهم انها تحبني بزاف بزاف بزاف بزاف كيما قالو باينة بلي انا فرحت بزاف بهاذ الهدرة وبقاو يحكولي على الاشياء الي اديرها على جالي و وراولي وحد الكراس كاتبة فيه عن كل مرة شافتني فيه فمثلا في احد الصفحات كاتبة تاريخ اللقاء و اني ابتسمت لها و قاتلي صباح الخير ورديتلها و مرة اني سالتها على الاستاذ وهكذا و بداو يحلفولي البنات انها جامي حبت واحد قبلي و انها عاقلة بزاف وهكذا لحد الان كل شي هايل

الا ان جاء الخبر الغريب الطفلة هاذي الي تحوس عليا مافيها حتى نقطة تع زين و سمرا بزاف ز فيها شوية حب وماهيش زينة قع انا دهشت مالقيت ماندير و بعد شوي جات الطفلة وهيا حشمانة وقعدت معايا و البنات راحو و انا استقبلتها مليح و بدات تهدر وانا مضم الوقت ساكت و حكاتلي انها خبرت ماماها عليا و انا مصدوم لاني على بالي انو وحدة كيما هيا ماتناسبنيش قع وراني في حيرة كبيرة كبيرة كبييييييييرة لعدة اسباب

1. لان الطفلة حبتني من قلبها و مانيش حاب نجرح مشاعرها

2. حاس انو هاذ الطفلة كيما الي كنت متمنيها في العقالة و التربة ويخصها غي الزين

3. اشعر بالانانية

4. راني نتخيل في روحي مكانها

في الاخير حبيت نمد نصيحة لكل الشباب باه ماتضرالهمش نفس القصة الي صراتلي تجنبو المداسرة تع البنات وماتبتسموش معا الجميع لانك ربما لا اراديا ستجل نفسك معشوق احدى البنات وانت لاتدري وراكم عارفين انو حرام الواحد يلعب بقلوب الناس

في الاخير راني نحوس على الاسلوب الاحسن باه نليكيدي هاذ المخلوقة بدون ان اجرح مشاعرها القصة هاذي صرات نهار الاربعاء انصحوني ارجوكم

القذافي999 · 2013-01-18, 17:06

حاولت ندير الموضوع في قسم مشكلتي وماعرفتش

dala3 dalou3a · 2013-01-18, 17:15

انت حاول يمكن انها تعجبكم ما يغركمش الشكل في البنات لانو ياما اشكال مليحة و عقلية ما كانش و ياما اشكال عادية و عقليات روووعة و اذا ما دخلتش خاطرك حاول انك تهدر معاها باسلوب حسن و تقلها انكم مش متناسبين بالصح اياك انك تعلقها فيك اكتر و امباعد تقلها مانتوافقوش لانو حتى هيا حالتها تبكي مسكينة و ربي يجيب اللي فيه الخير

it's me · 2013-01-19, 10:20

ممكن تلقاها طيبة احسن من الف وحدة مايغركش الشكل هاذي خلقة ربي حط روحك في مكانها

sarah1424 · 2013-01-18, 17:43

ملقيت منقول ربي يهدي

Moli Loli · 2013-01-18, 17:51

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه

القذافي999 · 2013-01-18, 21:45

اقتباس:

المشاركة الأصلية كتبت بواسطة moli loli

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه

كيفاه نختفي الطفلة تقرا في الجروب لاخر نفس التخصص

كلمات مبعثرة · 2013-01-19, 01:33

اقتباس:

المشاركة الأصلية كتبت بواسطة moli loli

أخي حاول أن تختفي
فلا يوجد أي حل...!
هههههههههههههه
و زدت هدرت معاها....هههههههههه

هههههههههه والله ضحكتيني اصلا هادي ماشي مشكلة هو غلط لي خالط البنات وكيما قال هيا حباتو ادا صح هاد الحكاية قبل ما يشوفها وتهدر معاه يعني هو ليس مسؤول عن مشاعرها ...كيما قلتي الحل في الهربة هههههههه
او يبعتلها مع صحاباتها يقولهم بلي ماناسباتوش ولو انه قال بانها متدينة الاسلام قالك اظفر بدات الدين مع ان الجمال شيء مطلوب ...ونتا تان ماراكش شباب .يعني نقولو الحقيقة ....يقولو ناس زمان الزين مابنا داار قادر تلقى وحدة شابة عليها بصح ماشي متدينة..

nibrasse76 · 2013-01-18, 18:15

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .

القذافي999 · 2013-01-18, 21:35

اقتباس:

المشاركة الأصلية كتبت بواسطة nibrasse76

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .

صحيت على المشاركة خويا اما عن النصيحة تاعك فيها ابهام شوية وش قصدك مانرتبطش بغير نية الزواج ملا وش من نية نديرها هههههههههههه

كل واحد وضروفو ولا وش رايك

nibrasse76 · 2013-01-18, 23:54

اقتباس:

المشاركة الأصلية كتبت بواسطة القذافي999

صحيت على المشاركة خويا اما عن النصيحة تاعك فيها ابهام شوية وش قصدك مانرتبطش بغير نية الزواج ملا وش من نية نديرها هههههههههههه

كل واحد وضروفو ولا وش رايك

هيه نقصد نهار تكون واجد ومستعد للزواج ارتبط ـــ اما الوعود الفارغة والتعلق بفتاة قبل الاوان فهذا فيه ظلم لها ولنفسك ...يعني لما تخلص الدراسة وتسوي وضعيتك فالخدمة الوطنية وتلقى عمل ...وتجمع النقود للزواج ..هاذيك الساعة يرحم ربي .....ولا معول على بابا يزوجك...ههههه ـــ

كلمات مبعثرة · 2013-01-19, 01:43

اقتباس:

المشاركة الأصلية كتبت بواسطة nibrasse76

يتحمل مسؤوليتها اهلها وهم سيحاسبون على رمي ابناءهم وبناتهم للسخرية والعبث ـــ انت حاول الخروج باقل الاضرار على الاقل من باب انساني ...نصيحة اخي اياك ترتبط باي فتاة بنية صادقة اي للزواج مثلا ....الحياة العملية صعبة وتحقيق الاستقرار يستلزم وقتا طويلا ــ لا تضع حبلا على عنقك .

اتقوا الله في بنات الناس فكما تدين تدان ..
يالبنات فهموني ماني فاهمة والو ...هادي نصيحة 2013 وعيني عينك حب يقول خالطو بنية فاسدة والله ربي يهديكم
والله كل العلاقات المحرمة تتحاسبوا عليها دنيا واخرة. الحياة العملية صعبة و الحياة في القبر اصعب . ربي قالكم ادخلو من الباب ونتوما تحبو التواقي

القذافي999 · 2013-01-19, 02:03

اقتباس:

المشاركة الأصلية كتبت بواسطة كلمات مبعثرة

اتقوا الله في بنات الناس فكما تدين تدان ..
يالبنات فهموني ماني فاهمة والو ...هادي نصيحة 2013 وعيني عينك حب يقول خالطو بنية فاسدة والله ربي يهديكم
والله كل العلاقات المحرمة تتحاسبوا عليها دنيا واخرة. الحياة العملية صعبة و الحياة في القبر اصعب . ربي قالكم ادخلو من الباب ونتوما تحبو التواقي

انا ثاني خلعني بهاذ النصيحة ههههههههههههههههههههه

ياطفلة روحي ترقدي راها الزوج وخمسة

المتيقنة بالله سارة · 2013-01-19, 23:11

اقتباس:

المشاركة الأصلية كتبت بواسطة كلمات مبعثرة

اتقوا الله في بنات الناس فكما تدين تدان ..
يالبنات فهموني ماني فاهمة والو ...هادي نصيحة 2013 وعيني عينك حب يقول خالطو بنية فاسدة والله ربي يهديكم
والله كل العلاقات المحرمة تتحاسبوا عليها دنيا واخرة. الحياة العملية صعبة و الحياة في القبر اصعب . ربي قالكم ادخلو من الباب ونتوما تحبو التواقي

ههههههههههههه لالا اختي راه مقصدش هك خانو تعبير بركههههههههه انا تاني تخلعت كي قريت ردو بصح شوفي تعقيب تاعو مور مقالو الاخ مالا باي نية ؟؟؟ يعني مشكيتش توصل بيه هاد الاخ يقول كلام كيما هذا على مراى كل هؤلاء القراء وهو يعرف انو كاين لي يهاجم

......وانا راح نكوووون اول وحدة نوقف لوكان قصدها

هادا توضيحوووو

هيه نقصد نهار تكون واجد ومستعد للزواج ارتبط ـــ اما الوعود الفارغة والتعلق بفتاة قبل الاوان فهذا فيه ظلم لها ولنفسك ...يعني لما تخلص الدراسة وتسوي وضعيتك فالخدمة الوطنية وتلقى عمل ...وتجمع النقود للزواج ..هاذيك الساعة يرحم ربي .....ولا معول على بابا يزوجك...ههههه ـــ.........................مقتبس ليس كلامي

كلمات مبعثرة · 2013-01-25, 01:00

اقتباس:

المشاركة الأصلية كتبت بواسطة المتيقنة بالله سارة

ههههههههههههه لالا اختي راه مقصدش هك خانو تعبير بركههههههههه انا تاني تخلعت كي قريت ردو بصح شوفي تعقيب تاعو مور مقالو الاخ مالا باي نية ؟؟؟ يعني مشكيتش توصل بيه هاد الاخ يقول كلام كيما هذا على مراى كل هؤلاء القراء وهو يعرف انو كاين لي يهاجم

......وانا راح نكوووون اول وحدة نوقف لوكان قصدها

هادا توضيحوووو

هيه نقصد نهار تكون واجد ومستعد للزواج ارتبط ـــ اما الوعود الفارغة والتعلق بفتاة قبل الاوان فهذا فيه ظلم لها ولنفسك ...يعني لما تخلص الدراسة وتسوي وضعيتك فالخدمة الوطنية وتلقى عمل ...وتجمع النقود للزواج ..هاذيك الساعة يرحم ربي .....ولا معول على بابا يزوجك...ههههه ـــ.........................مقتبس ليس كلامي

بارك الله فيك ..ههههه خلعني وش حبيتيني نقول ان شاء الله يكون ليكيداها ولا ليكيداتو .