يوم زفافك مقتبس

[برهوم]

نهار عرسك

اليوم نهار عرسك و زواجك،جيت لحومتك نودعك و نشوفك للأخر مرة.جيت نشاركك فرحك مع ناسك بلا عرضة و نحضر معاهم بلا هدية.
واقف من بعيد غريب و وحيد نترقب و نستنى فالجديد.بديت نتفكر و نتذكر يمات الزمان كنت تطلي عليا من الدار حين نتوحشك و نجي نشوفك و نحن ليمات للحومتك نلحقك في الشتاء و الضلام

في نصف النهار جاو يدوك بالزغاريد و الزرناجية و الورد من كل نوع في ديك السيارة الجميلة كنت جميلة بداك القفطان.في وسط النسوان مع راجلك ماشية اليد فاليد خطوة بخطوة و أنا واقف في مكاني لساني عجز ينطق كلمة و يدي ما قدرت تمسح على الخد الدمعة كيفاش ننسى كلامها ليا :
أنت راجلي و مكتوبي،أنت حياتي و حبي،أنت لنعيش معاه للأبد و نتهنى.
داك النهار ما أمنو عينيا حبيبة القلب للأبد تمشي و تغيب و عني تهاجر و ترحل.
اليوم أسمك يتشبح بأسم ثان و أسمي يتدفن ما يعود ينطقو لسانك.
اليوم ذكراياتك تتبدل بذكريات ثان وذكرياتي تتبدل بذكريات ثان و وجهي يتنسى ما تعود تراه عينك.
اليوم حبك يتونس بحب ثان و حبي يتوفى ما يعود يحي في قلبك.
اليوم تتركي دار والديك و تمشي لدار أخرى شحال تمنيت تكون داري أنيا.
اليومماشية اليد فاليد زاهية فرحانة حذى راجلك شحال ستنيت نكون أنيا.
اليوم نهار عرسك بكيت على زواجك دموع ما بكيتها حين فرقتكنذاك النهار عرفت أني صح عشقتك و حبيتك تمنيتك و ستنيتك و في قلبي سكنتك و حبستك.
راحو في أثنين و خلتني في مكاني وحيد،ما عرفت أني حضرت و جيت،و ما درات أنها عذبتني و بكاتني .
هي اليوم تزوجت و عني مشات و انا وسط العذاب نعيش الذكريات