انصحوني .....

[مشكلتي]

السلام عليكم ورحمة الله وبركاته

اخوتي اتمنى ان تسمعوني للاخر وتنصحوني وترشدوني الى طريق الصواب
وجزاكم الله كل خير


انا البنت الوحيدة بين اخوتي الذكور لذلك تعلقت بامي كثيرا ولكن شاء القدر
لرحلت امي رحمها الله وتركتني وحيدة فاصبت بصدمة كبيرة غيرت كل حياتي
فصرت كثيرة البكاء والغضب ومنغلقة على نفسي

مرت الايام وتزوج والدي بامراة حولت حياتي الى جحيم لا يطاق كانت تحملني كل المسؤولية وتفتعل المشاكل
والان تخرجت وانا اعمل
ففرحت كثيرا اني اعمل حتى ارتاح من زوجة ابي طيلة النهار
ولكن عملي زاد همي فاصبحت تقريبا انا اصرف على البيت

وتقدم لي الكثير من الخطاب ولكن والدي يرفض لا ادري لماذا
وهذا ما ازعجني اريد تكوين عائلة حتى ارتاح من مشكل المنزل
ولكن هيهات لمن تنادي
لا ادري ما هو سبب رفض والدي ولا استطيع ان اصارحه
فهو عصبي كثيرا

ومنذ ايام تقدم لخطبتي شخص لم يكمل تعليمه ولا يملك عملا ثابتا
رغم انه ذو اخلاق عالية وانسان طيب والكل يشيد بتربيته واخلاقه

لكن صراحة لست مقتنعة به
وان قبلته فذلك هروبا من معاناتي بالمنزل
فانصحوني هل اقبل ام ارفض
هذا حتى يعلم ابي فربما يرفض فقد تعودت ذلك
متناسيا ان ابنته تكبر يوما عن يوم

فانا مثل التائهة في دوامة لا خروج منها ليس لي من احكي له همي
ولا من يساركني احزاني ويرشدني
فاخوتي لا يهتمون لامري ووالدي كثير الانشغال وزوجة اب لا تطاق

اتمنى ان اسمع اراءكم حتى وان كانت قاسيةحتى استفيق

[الجليس الصلح]

السلام عليكم ورحمة الله
اختي الكريمة كان الله في عونك المهم ان تقتنعي به والا تصبري الويلات حتى يأتي الفرج والفرج من اللله سبحانه اذا اخلصت النية
موفقةان شاء الله

[houda_jijel]

ديري صلاة الاستخارة اختي ربي ميخيبكش و زيد مكانش منها تتزوجي عن غير قناعة و رضا معندك علاه.
ربي يوفقك للصواب

[hayet04]

يا اختي متحليش مشكل بمشكل اكثر منو صح الرجل ذو اخلاق لكن العمل تاني عندو دور و يهم بزاف رجل بلا عمل لا انصحك ثبتي روحك واصبري و متزربيش روحك

[zalamite]

الزواج لا يبنى هكدا و بهده النية ...يجب ان تختاري زوجك عن قناعة و بعيد عن اي ظغوط... و الا سو ف ينتهي بكي المطاف الى ما هو اسوء و العياذ بالله

[ツღعـصُـ♥ـوِݦۑツღ]

رًبًٍيْـ يفًرًٍجْـ آخًٍتـيْــ

[yasmina31]

ربي يفرج كربك ان شاء الله اختي
لكن عليك بالاستخارة الزواج ماشي ساهل و ماشي تهربي من مشاكل البيت تلقاي روحك في مشاكل اكبر منها بزاف دارو هكدا و ندمو
أستخيري الله و ألحي فالدعاء وان شاء الله ربي يرزقك بزوج صالح لي تكوني معاه عائلة سعيدة تنسيك في ماضيك و معاناتك

[tinza]

ربي يفرج عليك

[soheib+206]

{ وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون } .

وعن رسول الله صلى الله عليه وسلم يقول : { ما من عبد تصيبه مصيبة ، فيقول : إنا لله وإنا إليه راجعون ، اللهم اؤجرني في مصيبتي ، واخلف لي خيرا منها . إلا أجره الله في مصيبته ، وأخلف له خيرا منها } قالت : فلما مات أبو سلمة ، قلت كما أمرني رسول الله صلى الله عليه وسلم فأخلف لي خيرا منه ، رسول الله صلى الله عليه وسلم .

[جسر الأمل]

مايخدمش ماتتزوجيش بيه ماتحليش مشكل بمشكل كبير عليه واصبري وشدي دراهمك عندك وقولي ماخلصوناش بلوكاوهالنا. خمي في مستقبلك غدوة بواش تجهزي ادا دراهمك صرفتيهم على داركم صح تعاوني داركم بصح بالمعقول ونورمالمو مايدورولكش بدراهم المهم اخطيك من هدا السيد هو مشي خدام وجاي يخطب راه يشوف فيك كونت ccp
عسي روحك تمهلي وخليها ترولي على الله كبري قلبك ووسعي خاطرك حنونة
ماعليش اصبري .

[loulou02]

ربي يفرج عليك أختي و يعطيك ماتتمني ، أنا ننصحك متتسرعيش و ترمي روحك هكذا ، يعني تروحي تتزوجي مع أي واحد غير باه تخرجي من الدار و تتهني ، حذاري أختي حذاري ، كاين مثل شعبي يقول : " هرب من قطاع الريسان طاح في قطاع القلوب "، في مسألة الزواج لازم متستعجليش، ثبتي روحك و زيدي إصبري ماعليش و كيما يقولو :"لي قطع البحر ما يعيا بالساقيا "، و نزيد نقولك أكثري من الإسثغفار و ألحي في الدعاء خاصة في السجود و إن شاء الله ربي يرزقك ولد حلال لي يتهلا فيك و يعزك و يقدرك و تكوني هانية معاه عاجلا غير آجل .

[النجاح حليفك]

حذاري من التسرع ، صلي صلاة الاستخارة و خليها على ربي ، اللهم فوضت لك امري ، تذكري أختي أن القلوب بيد الله يقلبها كيفما يشاء ، و يجي النهار الي يقبل باباك ،خلي ثقتك في ربي ، و استغفري و صلي و دعي ربي

[النجاح حليفك]

حذاري من التسرع ، صلي صلاة الاستخارة و خليها على ربي ، اللهم فوضت لك امري ، تذكري أختي أن القلوب بيد الله يقلبها كيفما يشاء ، و يجي النهار الي يقبل باباك ،خلي ثقتك في ربي ، و استغفري و صلي و دعي ربي نتمنالك رجل الي عيشك معيشا شابا تنسي فيها قاع همك ، يا ربي يفرج عليك

[lilou f lilou a]

اختي الكريمة كان الله في عونك المهم ان تقتنعي به والا تصبري الويلات حتى يأتي الفرج والفرج من اللله سبحانه

[الدر المكنون]

صبر جميل والله المستعان