استفتاء حول اختيار المسابقات على اساس الشهادة ام الاختبار

kazilo · 2013-01-09, 16:11

السلام عليكم اردت ان استفسر واعرف راي الاعضاء في من يفضل مسابقات التوظيف على اساس الشهادة ام على اساس الاختبار انا واحد من الناس جوزت 3 كونكورات على اساس الشهادة وكرهت مثل هده المسابقات وحلفت عليها وكل اصدقائي كرهو منها مع الوقت في مدينتنا يولي لي يدفع ينجح لان الاغلبية كرهو صحيح انني تخرجت هدا العام ولكن عمري 25 سنة ولكن نشوف فيها كحلت في وجهي واش تستنى من مدينة سكيكدة

youcef19003 · 2013-01-09, 16:14

شكرا لكم على مناقشة مواضيع هامة

ranou gigi · 2013-01-09, 16:28

لا يأس مع الحياة اخي تقول راك جوزت 3 كونكور و كرهت كون جوزت 20 واش دير
انا راني معاك ضد المسابقات على اساس الشهادة نفضل المسابقات على اساس الاختبار لكن لازم تشارك في اي مسابقة تسمع بيها حتى افرج ربي عليك انا كل كرهنا لكن لازم نصبروا و انشاء الله ربي افرج

!?زين الدين?! · 2013-01-09, 18:32

اخي الكريم
المتخرج الجديد من الاحسن ان لا يضع مله اصلا في المسابقة على اساس الشهادة لان نجاحه فيها شبه معدوم
الا في المسابقات التي تتطلب تكوين متخصص فهي الوحيدة التي يحتسب فيها المعدل بدونت احتساب الخبرة والاقدمية
الامر واضح وضوح الشمس
بما انك متخرج جديد فعلى اسا س الاختبار احسن لانها تخدم المتخرجين الجدد الذي لا يملكون خبرة
اما على اساس الشهادة فهي تخدم المتخرجون القدامى والذي يملكون خبرة مهنية واقديمة الشهادة
هذا كل ما في الامر

elsaker · 2013-01-10, 12:30

اقتباس:

المشاركة الأصلية كتبت بواسطة !?زين الدين?!

اخي الكريم
المتخرج الجديد من الاحسن ان لا يضع مله اصلا في المسابقة على اساس الشهادة لان نجاحه فيها شبه معدوم
الا في المسابقات التي تتطلب تكوين متخصص فهي الوحيدة التي يحتسب فيها المعدل بدونت احتساب الخبرة والاقدمية
الامر واضح وضوح الشمس
بما انك متخرج جديد فعلى اسا س الاختبار احسن لانها تخدم المتخرجين الجدد الذي لا يملكون خبرة
اما على اساس الشهادة فهي تخدم المتخرجون القدامى والذي يملكون خبرة مهنية واقديمة الشهادة
هذا كل ما في الامر

صح كاينة هادي احنا فتحو عندنا مسابقة مستشار توجيه منصبين في ولاية المسيلة
وللتخفيف من عدد الملفات قالك ارسلها عبر البريد وطلبو فيها الجنسية وشهادة طبية كلها للتعجيز وفقط+البريد مضربين+الطوابع البريدية نتاع الجنسية لا توجد................ديقوتينا هادي لبلاد صح

أسد سكيكدة · 2013-01-10, 09:19

في ولاية سكيكدة لاتنفع المسابقة على أساس الإختبار و لا على أساس الشهادة تنفع غير المعريفة و الباي

ايمان 24 · 2013-01-10, 11:43

السلام عليكم
الاكيد على اساس الاختبار احسن
انا شاركت في مسابقة و تحصلت على العلامة الكاملة في لملائمة التخصص و كاملة في المعدل (لاني تحصلت عللى معدل 16) و كاملة في المقابلة لكن 0 في الخبرة 0 في الاقدمية و 0000000000 ورجعت في ذيل القائمة يبدو حسب الشهادة غير عادلة للمتخرجين الجدد
وتبقى المعريفة هي الحل الوحيد

elsaker · 2013-01-10, 12:26

اقتباس:

المشاركة الأصلية كتبت بواسطة ايمان 24

السلام عليكم
الاكيد على اساس الاختبار احسن
انا شاركت في مسابقة و تحصلت على العلامة الكاملة في لملائمة التخصص و كاملة في المعدل (لاني تحصلت عللى معدل 16) و كاملة في المقابلة لكن 0 في الخبرة 0 في الاقدمية و 0000000000 ورجعت في ذيل القائمة يبدو حسب الشهادة غير عادلة للمتخرجين الجدد
وتبقى المعريفة هي الحل الوحيد

صح والله غير عندك حق

الي استفادو منها الموظفين اتصوري يقلك الخبرة خارج مجال التخصص يحسبولك 0.5 نقطة وفي مجال التخصص 1 نقطة
يجي واحد خادم 12 سنة عون اداري يدي النقاط كامل وينجح

غير عادلة بالفعل ربي يجيبها في الصواب ان شاء الله يارب

elsaker · 2013-01-10, 12:23

يا اخي عن نتا وش خسرت خرج الوثائق وادفع وسيرتو الي يكونو داخل الولاية يعني ماكش راح تخسر والو

اتصور وش قالي صاحبي يخدم معيا في اطار العقود في مؤسسة اقتصادية قالي على الاقل باه ندو نهارات ليبر الي نعقبو فيهم

عقب واخلاص حتى يفرج عليك ربي بمكالمة انت هو فلان نعم انا هو ارواح اخويا اك نجحت في المسابقة
احنا عقبنا العديد من المسابقات بشهادة ليسانس+شهادة تقني+نيفو تارمينال مزال غير الحراس ماشركناش فيها وعندي صاحبي والله غير شارك فيها اتصورو قالي المهم انكونو خدامين واخلاص

ربي يصلح لحوال ان شاء الله

هاجر المدانية · 2013-01-11, 14:12

أنا شخصيا وليت نكره حاجا اسمها كونكور عندي مال2002 متخرجا ليسانس حقوق وزيد عندي خبرة تفوق 6 سنين في مجال الإدارة فوتت حتان كرهت وهذي المرة تخيلو فوتت متصرف إداري كي دخلت سقساني قالي ليسانس تاعك وش يقولولها بالفرنسية جاوبتو وقالي شكون لي قراك تارمينولوجي قتلو نسيت مانيش شافيا عندي 10 سنين ملي تخرجت الحاصون مين داك نحيت البوست من راسي وعرفت بلي جابو علينا الوقت وخلاص . وخلي وخلي من جيهتي والله كي نسمع بواحد ولا وحدا نجحو والله غير نفرح جيني نورمال بصح اذا كاش واحد مابستاهلش البوست نوكل ربي عليهم نتمنى انشالله ربي يفرج علينا كامل وخاصة الرجال حنا النسا نورمال الوقت لي جا فيه الخير ينفع

زينة نور · 2013-01-11, 14:18

أكيد الإختبار على اساس الشهادة فيه ظلم
لأنو تدخل فيه المعريفة ووووو

بوتاران · 2013-01-11, 15:03

المسابقة على اساس الاختبار تخدم المتخرجين الجدد

أما المسابقة على أساس الشهادة تخدم المتخرجين القدامى

المسابقة التي بعدها تكوين متخصص تخدم المتخرجين الجدد مثل المقتصدين و مفتشي الخزينة ..

برأيي .. المسابقة على اساس الشهادة أفضل لكن المعايير التي وضعوها لا تخدم لا هؤلاء و لا هؤلاء

المشكل هو أنه لا ينبغي أن تطلب كشف النقاط للسنة الأخيرة

كما أن المعدل ليس مقياس أصلا باعتبار أن المتخرجين الجدد يخرجون بمعلات 16 و 17

الجامعـة لم تكن هكذا سابقـا .. تتحصل على 10 من 20 راك سيد الناس

amine634963 · 2013-01-14, 14:39

اقتباس:

المشاركة الأصلية كتبت بواسطة بوتاران

المسابقة على اساس الاختبار تخدم المتخرجين الجدد

أما المسابقة على أساس الشهادة تخدم المتخرجين القدامى

المسابقة التي بعدها تكوين متخصص تخدم المتخرجين الجدد مثل المقتصدين و مفتشي الخزينة ..

برأيي .. المسابقة على اساس الشهادة أفضل لكن المعايير التي وضعوها لا تخدم لا هؤلاء و لا هؤلاء

المشكل هو أنه لا ينبغي أن تطلب كشف النقاط للسنة الأخيرة

كما أن المعدل ليس مقياس أصلا باعتبار أن المتخرجين الجدد يخرجون بمعلات 16 و 17

الجامعـة لم تكن هكذا سابقـا .. تتحصل على 10 من 20 راك سيد الناس

اشكرك على هدا الطرح المنطقي
معايير الانتقاء ليست سليمة وغير معقولة
خاصة بالنسبة لمعدل السنة الاخيرة وباقي السنوات هل ترمى في القمامة
هل سنة التخرج هي المقياس في تقييم المترشح
اصلا المعدل ليس مقياس حقيقي عن الكفاءة والتفوق لعدة اعتبارات منطقية منها ظاهرة التزوير
الغش في الامتحانات
تضخيم معدل سنة التخرج خاصة في السنوات الاخيرة بعد صدور القانون
المستوى البيداغوجي يختلف من جامعة الى اخرى هناك جامعات حديثة النشاة تفتقر لكوادر تقوم بتضخيم النتائج وهناك جامعات عريقة معدل النجاح 10 لا ينال الا بالسهر والحمى والجهد الجهيد
المعايير جائرة تكرس الظلم وعدم المساواة

marouan76 · 2013-01-14, 16:13

اقتباس:

المشاركة الأصلية كتبت بواسطة بوتاران

المسابقة على اساس الاختبار تخدم المتخرجين الجدد

أما المسابقة على أساس الشهادة تخدم المتخرجين القدامى

المسابقة التي بعدها تكوين متخصص تخدم المتخرجين الجدد مثل المقتصدين و مفتشي الخزينة ..

برأيي .. المسابقة على اساس الشهادة أفضل لكن المعايير التي وضعوها لا تخدم لا هؤلاء و لا هؤلاء

المشكل هو أنه لا ينبغي أن تطلب كشف النقاط للسنة الأخيرة

كما أن المعدل ليس مقياس أصلا باعتبار أن المتخرجين الجدد يخرجون بمعلات 16 و 17

الجامعـة لم تكن هكذا سابقـا .. تتحصل على 10 من 20 راك سيد الناس

يرحم والديك هذي الي كنت انحوس عليها .

kazilo · 2013-01-11, 15:45

المشكل ان المسابقة على اساس الشهادة لا هي تخدم القدامى ولا الجدد والدليل انا اكبر المشكين من هده المسابقة هم القدامى ولي عندهم خبرة في المسابقات وزيد من وضع هده المسابقة خيطها وفصلها على قد ابناءه واحبابه لي عندهم المعريفة في الجامعة هم نفسهم من لهم المعريفة في الخدمة في الجامعة جامي تشوفو ودائما هو الاول