ندااااء عاجل لكل عضو في المنتدى

stayfiya · 2013-01-08, 22:50

يالبنات ربي يخليكم جيبولنا الجديد و نترجى المشرفين فيما يخص المواضيع لقديمةلازم نحطوها في الأرشيف و لي حب يشوفها يروح للقسم الخاص بيها رانا ملينا من لقديم و انا عن نفسي عدت نتفادى الرد على مواضيعي الخاصة باه يفوتو و يجي الجديد و لي لاحظتو في الممنتديات الآخرين انو المشرف على القسم هو اكثر عضو فعال معناها يحط مواضيع والاّ دروس او تطبيقات مسابقات يرد على المواضيع المطروحة و يبدي رايو في كل حاجه انا تبانلي الحاجة الوحيدة و خاصة هذا القسم ان المشرفين يتولهو غير للصور لاكان مطموسة ولا ماهيش و نظن حان الوقت ينشط المنتدى بزاف الركود لي رانا فيه ولاراني غالطة فهموني

Stayfiya *

fifiarch · 2013-01-09, 13:25

حبيبتي معاك حق
المشرفين فعلا لما كانو اعضاء كانو من انشط الاعضاء
وهذا من اهم الاشياء التي اهلتهم للاشراف
وارجعي لملفاتهم راح تلاحظي الامر
انا عن نفسي انشغالاتي اصبحت كثيرة
لكن ان شاء الله ننظم الامور
اما عن اهتماماتنا فوظيفة المشرف
هي تسيير المنتدى حسب القوانين
انا عن نفسي هبلتوني
في بلاصة مانعمل مواضيع ونشارككم
وقتي كامل يروح في حذف المواضيع المخالفة
وتعديل الاخرى
عاونونا باحترامكن للقوانين
راح نعاونوكم بتغيير الركود الحاصل

ريونة04 · 2013-01-09, 13:31

عندكم الحق رانا كرهنا من الروتين في كل المواضيع ارجو من الاخوات ميبخلوش ويمدو اللي عندهم باه يرجع منتدانا كيما كان اروع المنتديات تفاعلو بلييييز

loubna79 · 2013-01-09, 13:47

عندكم حق .انا في الاول سجلت فيه من شدة اعجابي بالمنتدى خاصة هذا القسم لكن في الاونة الاخيرة ما كانش الجديد فيه
لكن الجديد الي لاحظتو هو تغيير المشرف على القسم وكانه سباق اشكون الي يتولى المنصب .لكن باش نشوفو اعمالهم ولا مواضيع في الخياطة ما كان والو ؟؟؟؟؟ظ
وعلى فكرة الاخ المشرف طرح فكرة مليحة تاع دورة دروس الفتوشوب .لكن غدو رجعت نبحث على الموضوع ما لقيتوش ؟؟؟؟؟ ما فهمت والو ؟؟؟؟؟؟
ويبقى هذا رايي الخاص ووجهة نظري..........

stayfiya · 2013-01-09, 23:55

اقتباس:

المشاركة الأصلية كتبت بواسطة fifiarch

حبيبتي معاك حق
المشرفين فعلا لما كانو اعضاء كانو من انشط الاعضاء
وهذا من اهم الاشياء التي اهلتهم للاشراف
وارجعي لملفاتهم راح تلاحظي الامر
انا عن نفسي انشغالاتي اصبحت كثيرة
لكن ان شاء الله ننظم الامور
اما عن اهتماماتنا فوظيفة المشرف
هي تسيير المنتدى حسب القوانين
انا عن نفسي هبلتوني
في بلاصة مانعمل مواضيع ونشارككم
وقتي كامل يروح في حذف المواضيع المخالفة
وتعديل الاخرى
عاونونا باحترامكن للقوانين
راح نعاونوكم بتغيير الركود الحاصل

ربي يعيشك فيفي راني معاك بصح لوكان كي تحذفو الموضوع تبعثو لمولاتو تنبيه على الأقل تبقى عندها نسخة من الموضوع الأصلي و هكذا تقدر تعدل الصور و تعاود تنشرو خاطر تولي تتعب و تكره تعاودو مره ثانيه من الصفر خاطر ميش كامل عندهم نفس العزيمة و اسكو نقدرو ننقلو المواضيع لقديمة لقسم الأرشيف و ما ترجعش تطلع كل يوم كرهنا منها على الأقل لي عندهم كثر من عام و هوما في وجوهنا اخاه عدت نرقد نغمض و يبقي ممركي في عيني شوووفووولنااااا حلللللل ارجوووووكممم

Stayfiya

stayfiya · 2013-01-09, 23:57

اقتباس:

المشاركة الأصلية كتبت بواسطة ريونة04

عندكم الحق رانا كرهنا من الروتين في كل المواضيع ارجو من الاخوات ميبخلوش ويمدو اللي عندهم باه يرجع منتدانا كيما كان اروع المنتديات تفاعلو بلييييز

نشاااالله من فمك لربي

جيجلية · 2013-01-10, 07:28

فكرتك مليحة في ما يخص الارشيف

loudjeine2000 · 2013-01-10, 08:21

نعمانا مع الاخوات لكن لدي بعض الملاحظات بالنسبة للمواضيع القديمة يمكن كما قالت الأخوات نوضعوها في أرشيف خاص به ولكن ما ننساوش أخواتنا الجدد ألي يدخلوا كل يوم المنتدى حيث هم الذين يطلعوا المواضيع ويزيدوا يحييوها. كما أحيطكم علما فان الأخوات اللواتي تشاركن بمواضيعهن لازم نعطيوهم حقهم بملاحظاتنا وردودنا تشجيعا لهن وحسب ما أرى ان هذا المنتدى عليه كم هائل الله يبارك من الزوار.
والجديد لا بد من الأعضاء هم الذين يجتهدون باش يجيبوا الجديد ما نبقاوش غير نسناو في الآخرين يعطيونا ويجيبونا الجديد. وشعاري دائما هو نتعلمونعلم. أتمنى أنني وفقت في ردي والله ولي التوفيق.

أم عائشة · 2013-01-10, 09:21

عندك الف حق اختى كلنا سجلنا فى المنتدى لما كان فيه من خير ولكن الان كله ركود لذلك يجب التغيير

omrahil · 2013-01-10, 09:35

انا ايضا اشاطر الاخت سطايفية وكل من تحب الجديد راهو ملل ملل مللل الى حد النعاس كنت ندخل للمنتدى 20مرة في اليوم والان نضرب طلة على وجه ربي في اليوم بالاك نلقى كاش وحدة تحركت وكنت في مواضيعي دائما نطلب الاخذ والعطاء لكن وين من ذاك نلقى موضوع جديد من العشرات القديمة انا اناشد وبشدة وخصوصا السطايفيات لاببي اعرف ان الجديد عندهم 2000 مرة في اليوم وكل الطاقات الجديدة تخرج من عندنا اتمنى الا تكونن بخيلات نعلمو ونتعلمو وشكرا

نبض الفؤاد · 2013-01-10, 10:09

كلنا مع التجديد

maxipower · 2013-01-10, 10:52

الجديد كاين الخياطات الي يبحلو مايشتيوش يخرجو الحاجة الجديدة تاعهم

غير للزبائن برك

بوعنينبة · 2013-01-10, 12:58

ايه عندكم الحق غير القديم والتكرار ويقولو جديد تدخلي تجيك صدمة تولي تبطلي حتى الرد ما تحطيش

نور المستقبل · 2013-01-10, 12:58

عندك الحق شوفو يالبنات اعلاش منتفهموش ونديرو اليد في اليدونعملو كل مجهوداتنا لاخراج منتدانا من الركود ونحاولو نخليوه في ابهى حلى نتعاون ونحطو في رسانا كيما نفيد نستفيدو شكرا

stayfiya · 2013-01-10, 13:55

ربي يبارك فيكم يا لبنات ضرك راكم عارفين الهدف احياء المنتدى و انا من جيهتي راني لي نلقاها نجيبها و تتحتم نسرقها ههههه يخي قالك الضرورات تبيح المحظورات لشتا برك و بالنسبه للمشتركات الجدد نديرولهم اعلان مثبت جميع المواضيع القديمة لي تحب تطلع عليها مرحبا و بالنسبة للشكر و التشجيع انا من جيهتي كي نلقا 10 ردود على موضوعي في يومين تكفيني و قابلة ينتقل لقسم الارشيف تلقائيا بمجرد استخلافو بالمواضيع الجديدةولي تكون عندها تساؤل و تلقى ردلا داعي يبقى موضوعها في القائمةايذا نديرو موضوع مثبت نحطو فيه كل سؤال و جوابو فقط ميش كامل يتحطو واحدة ربي يعاونك وحدة مانعرفش شوفي لبنات شوفو يجي موضوع شامل في سؤال و رد و هكذا !! وثاني الغاء قانون موضوع واحد في اليوم كيما انا منقدرش نحط تصاور من ايباد و سااااعااات وين يطيرلي لبيسي و فيه التصاور واش قلتو!!!يعطيونا فو فير حتى تتحرك الحالة شوي هههه و انتوما ثاني اكتيفيو ميش تحوسو تشوفو برك، حطو مواضيع تساؤلات دروس استشارات رسوم اي حاجة عندها علاقة بفن الخياطة و ماتنسايش ختي راهو عندك اجر و تعبك مأجور عليه عند ربي سبحانو حتى و لوكان تضغطي على زر شكراً و علي نحطلكم ليوم في ليل واش خيطت جديد و بعظ المسروق ههههه هيا دمتم راني رايحة نخدم و نتلاقاو العشوة اوووكيي سلااااام

Stayfiya *