ساعدوني برايكم

[مشكلتي]

تزوجت حديثا الا ان مشكلتي مع اهل زوجي لي نعملها ما تعجبهمش الا انني اريد ان افعل فوق طاقتي وزيد زوجي يحكي كل الكلام الذي اتكلمه معه اقول نفرغ قلبي عند زوجي وعاملة كل نيتي معه الا انني كله اجده عند والدته من خلال معاني وقاتلتني بلمعاني اريد ارائكم وكيف اتعامل معهم

[* الحلم سكر *]

يا أخـتي عــجوزتـك كـي عــرفت لي راكـي تــشكي لــزوجك هــذي لي تــكبـر الـمشـكل ... فــهمـيه لازم يبـق بينكم أســرار ما تتـحكى حـتى لـواحـد لا من جيـهتيك و الا من جهتو .. و مــا كــلاه شـــكـيلو أصــلا راكــي عــروس جــديدة و راح تــفهمـي مـع الـوقت عـقلية عـجوزتك و تتأقـلمي ما تـخليش قــلبـها يقـس من جــهتـك تــعرفي ماشـي مليـحة الــعجوز تحـس كنـتـها تنـقل كلـشي لـراجـلها تفـهمها - تحـراش - و حــتى هــو صــدقيـني راح يــمل مـع الـوقت من الـشـكوى
اشــكي هـمك لــربي سـبحانو و ادعــيلو يــهنـيك و ييــسرلك أمــورك .. نــصيـحة أخـت راكـي فـي بـداية زواجـك اثـقالي كـيما نـقولو ** و اللي صـبرت دارهـا عـمرت** هــذا كــلام جــدودنا و هـذا هـو الـصح
ان شـاء اللـه ربـي يــهنـيك و يـسـعـدك

[kamilia85]

wach rah ngoulek rabi ykoun f 3awnek
haa hal koul wahda tousken m3a dar zawj ...w tani rajel ma3labalouch anou ki yahki lyamah 3la martou rahi naw3an ma tahgerha
wach ngoulek rabi yahdi makhlak

[بيلسان11]

السلام عليكم
مشكلتك مشكلة اغلب البيوت الجزائرية ما راكيش غير انت في هذا الموقف و أصعب سنوات الزواج هي السنتين الأولين.
أولا راكي جديدة كان الأولى انك تشوفي كيفاش يخدمو و تخدمي كيفهم و ما تقدريش تخدمي كيما موالفة في داركم لازم تبعي نظام المنزل كيفية الترتيب. وقت النهوض من النوم كيفاش يطيبو كيفاش يحبو الماكلة تكون. كون تتصرفي على طبيعتك و تخدمي كيما موالفة راح يعتبروك جيت للدار باش تفرضي عليهم طريقة عيشك و يقولو ما عاجبها والو و تشوف خاصة عجوزتك انك قستيلها مملكتها و تحاولي تكوني انت سيدة المنزل(هي حساسية زايدة بين الكنة و العجوز). فلذلك يا أختي حاولي دائما تأخذي رأيها في الحاجات التي تخص العائلة الكبيرة.
ثانية في الأول لازم تسمعي أكثر ما تتكلمي حتى تستطيعي ان تفهمي طريقة تفكيرهم و أن لا تبدي رأيك بطريقة عفوية ممكن ما يعجبهم و يقلقوك. و كي ما تعجبكش حاجة حطي اذن سمعت و الثانية ما سمعتش.
ثالثا زوجك ما تشكيش من عائلته و خاصة أمه حاولي انت تتعاملي مع المواقف بذكاء و خاصة الصبر و التحمل باش ما يكره الدار و يولي هارب ديما لأصحابه و من جهة ثانية كي تصبري راح تكبري في عين زوجك.
و في الأخير الصبر و قوة الارادة هما المفتاح كي تعيشي حياة سعيدة و مستقرة و تكسبي زوجك و أهله .
ربي يوفقك و يكون في العون.

[zaza22]

الصبر والحكمة

[zaza22]

الرُّقعاءُ السُّخفاءُ سبُّوا الخالق الرَّازق جلَّ في علاه ، وشتموا الواحد الأحد لا إله إلا هو ، فماذا أتوقعُ أنا وأنت ونحنُ أهل الحيف والخطأ ، إنك سوف تواجهُ في حياتِك حرْباً! ضرُوساُ لا هوادة فيها من النًّقدِ الآثمِ المرِّ ، ومن التحطيم المدروسِ المقصودِ ، ومن الإهانةِ المتعمّدةِ مادام أنك تُعطي وتبني وتؤثرُ وتسطعُ وتلمعُ ، ولن يسكت هؤلاءِ عنك حتى تتخذ نفقاً في الأرضِ أو سلماً في السماءِ فتفرَّ منهم ، أما وأنت بين
أظهرِهِمْ فانتظرْ منهمْ ما يسوؤك ويُبكي عينك ، ويُدمي مقلتك ، ويقضُّ مضجعك.
إن الجالس على الأرضِ لا يسقطُ ، والناسُ لا يرفسون كلباً ميتاً ، لكنهم يغضبون عليك لأنك فُقْتَهمْ صلاحاً ، أو علماً ، أو أدباً ، أو مالاً ، فأنت عندهُم مُذنبٌ لا توبة لك حتى تترك مواهبك ونِعَمَ اللهِ عليك ، وتنخلع من كلِّ صفاتِ الحمدِ ، وتنسلخ من كلِّ معاني النبلِ ، وتبقى بليداً ! غبيَّا ، صفراً محطَّماً ، مكدوداً ، هذا ما يريدونهُ بالضبطِ . إذاً فاصمد لكلامِ هؤلاءِ ونقدهمْ وتشويهِهِمْ وتحقيرِهمْ (( أثبتْ أُحُدٌ )) وكنْ
كالصخرةِ الصامتةِ المهيبةِ تتكسرُ عليها حبّاتُ البردِ لتثبت وجودها وقُدرتها على البقاءِ . إنك إنْ أصغيت لكلامِ هؤلاءِ وتفاعلت به حققت أمنيتهُم الغالية في تعكيرِ حياتِك وتكديرِ عمرك ، ألا فاصفح الصَّفْح الجميل ، ألا فأعرضْ عنهمْ ولا تكُ في ضيقٍ مما يمكرون. إن نقدهمُ السخيف ترجمةٌ محترمةٌ لك ، وبقدرِ وزنِك يكُون النقدُ الآثمُ المفتعلُ .
إنك لنْ تستطيع أن تغلق أفواه هؤلاءِ ، ولنْ تستطيع أن تعتقل ألسنتهم لكنك تستطيعُ أن تدفن نقدهُم وتجنّيهم بتجافيك لهم ، وإهمالك لشأنهمْ ، واطِّراحك لأقوالهِمِ!. ?

[لينة71]

المشاركة الأصلية كتبت بواسطة مشكلتي

تزوجت حديثا الا ان مشكلتي مع اهل زوجي لي نعملها ما تعجبهمش الا انني اريد ان افعل فوق طاقتي وزيد زوجي يحكي كل الكلام الذي اتكلمه معه اقول نفرغ قلبي عند زوجي وعاملة كل نيتي معه الا انني كله اجده عند والدته من خلال معاني وقاتلتني بلمعاني اريد ارائكم وكيف اتعامل معهم

الله يهنيك اخني...لا تقلقي...العام الاول يجيك صعيب شوية...شوفي اختي ...امالا كيعاد يعاود لامو ...احكيلو بلي نحب يماك...احكي واش تحبي ديرو في المستقبل....كثري الحديث بانك تحبي امو وحاولي اختي احسني لامو خاصة...لانو هي الاساس...لا تقلقي كل شي راح يفوت ...ولا زم تكون علاقتك مع امو مليحة....الله يكون معكما

[Rimess Lovely Girl]

اختي اصبري واش رايحة ديري
هادي هي الدنيا
الاسرار الزوجية لازم تبقى بينك وبين زوجك

[MOULAY01]

أختي الكريمة إذا كان الكلام بينكم مجدي وأيجابي طبعا ليست له إنعكاسات سلبية وعلى حساب كلامك راه موش مليح مدام أهله ماهمش راضيين ............يقول المنل :في غار الجنون وتصفري؟؟ أختي الكريمة حاولي التقليل من الكلام وأكثري من مغازلة زوجك وأستعملي الكلمات المثيرة والمرضية وحاولي دائما تفكريه بالله والمواضيع الدينية وماهو واجبنا في هاته الدنية الفانية الزائفة................إلى أخره
نسأل الله لك التوفيق والثبات وعليك دائما بما يرضي الله سبحانه وسوف يكون في عونك ونحن معكي دائما بالدعاء

[منهاج]

السلام عليكم

انصحك بالصبر

[dala3 dalou3a]

يا اختي انتيا لازم ما تشكيش لزوجك خلي في قلبك و اصبري و خلاص هذا مكتوبك اما بالنسبة لعجوزك عامليها بالمليح لانو لازم ترجعي السيئة بالحسنة باش تلقاي الاجر و انتيا لازم ما تنافقيش يعني مش تعاملي فيها بالمليح و انتيا في قلبك احقاد لاصفي قلبك تجاهها و بإذن الله كي تلقاك تتعاملي معاها هكذا اكيد راح تعاملك بالمليح و ربي يكون في عونك و يهدي الجميع

[غزالة سوف]

في الحقيقة الاخوة كفو ووفو لكني نضيف للمداخلات لي قبلي بلي لازم تعرفي بلي حماتك هي ام زوجك و يحبها كيما تحبي انتي امك لذلك موش من السهل باش يسمع فيها اي كلمة ... لذلك اذا كنتي حابة تكسبي محبة زوجك ليك لازم تحبي الي يحب و تكرهي الي يكره و تبيني هذا كامل في معاملاتك معاه و معاهم و كيما ماتحبيش انتي واحد يقول كلمة في امك ..زوجك ثاني مش من الساهل يتقبل هذا الا اذا كان مافيهش الخير واذا ماكانش فيه الخير الامو الي كبراتوو رباتو و بفضلها لقيتيه انتي و عجبك و تزوجتيه تاكدي بلي ماراحش تشوفي منو انتي الخير مهما عملتي ... اذا هذا دليل على اخلاصو للعشرة لكنو اخطا في الطريقة ...لذلك اقلعي المشكل من الجذور وما تحكي على اهلو غير بالخير و تقربي ليهم و خليهم يحسو بالي بزواجك منو حببتيه فيهم اكثر و ما ابعدتيهش عليهم ..حاولي تتعاملي معاهم بالكلام الطيب و الهدايا و الاحسان مهما قسو عليك فذلك يأسر قلوبهم ويحسسهم بالذنب شيئا فشيئا حتى يتعلقو بيك و يحبوك و تكوني ملكتي قلب زوجك ايضا...............و تذكري دائما انك في بداية حياة جديدة ليك ولزوجك وراح تمرو بقليل من الصعوبات لكن راح تتعودو بمرور الوقت....ولا تنسي ابدا الدعاء في جوف الليل بالهداية فسيهدي الله قلبك لما فيه الخير...فرج الله كربك و اسعدك و يسر امورك آآآآآمين

[m.moussa_m]

لماذا كل الزوجات يصورن ام الزوج في صورة شريرة سبحان الله العظيم
الزوجة لي ماتهناش حتى تؤلب الابن على امو الله لا يفكر بيها تروح تترامى و تتسكع كيما موالفة خير ليها
كرهنا الزواج بسبة هذ النوع من النسا لا حول ولا قوة الا بالله

[zizoutima]

الصبر مفتاح الفزج انت لست وحدك

[Reda El Mouhandice]

Alah yahdina