النصيحة اخواتي

micha85 · 2012-12-03, 21:58

انا شابة عمري 27 سنة من سطيف أراد شاب خطبتي في 2010 ثم صرف عني النظر و في 2011 تزوج( فتاة رأتها امه عجتها و تزوجها رغم انه كان رافض و لكن ارضاءا لوالدتها تزوجها) و المشكلة الان تكمن انه يريد تطليق زوجته و الارتباط بي لكني خائفة ان اكون سببا في خراب زواجه فما الحل رغم اني لا افكر فيه ودائما ادعو له بالصلح مع زوجته افيدوني ارجوكم

مريم الصابرة · 2012-12-03, 22:16

السلام عليكم اختي
الصراحة لو كنت السبب والله صعيبة خراب بيت اما من الاول مقرر يعني كان راح يطلقها بلا بيك فهذا ماشي ذنبك حاولي تصلحي ويرجع لزوجتو كان الله غالب خلاص أقبلي إنت خير وأولى من وحدة أخرى يعني لوما تقبليش تقبل أخرى هذي في حالة مقرر الطلاق من الاول اما إذا على جالك فما تقبليش كيما خلاها يخليك على جال اخرى موفقة.

micha85 · 2012-12-03, 22:26

انا مانيش تكلم معاه هدا شحال لكن اعرف انو عندو معها مشاكل لانه جاري

micha85 · 2012-12-03, 22:27

و مرات عديدة تزعف وتروح لدارهم بالاشهر انا افترح علي الزواج وطلب مني التفكيرو رد الجواب بعد شهر

عطر الدنيا · 2012-12-03, 22:28

السلام عليكم
اختي انتي ما تدخليش باه ما تكونيش سبه خليكي بعيده
اذا طلقها ثمه هدره اخرى سلامي لك

micha85 · 2012-12-03, 22:29

شكرا اختي راح ندير كيما قلتي

منهاج · 2012-12-04, 13:23

السلام عليكم

ابني حياتك بعيد عليه واطلبي ربي يسهله ويسهلك

sarah1424 · 2012-12-04, 21:57

Nn a9t3i 3ala9tek bih niha2ian koun ja 3aynou fik rahou tzewjek nti rda ommou whadi lmakhlou9a wech dembha
khafi rabbi wa9t3i 3ala9tek biiiih wrabbi yorz9ek bwahed khir mennou

لميس اميرة · 2012-12-04, 23:56

قوليلو هاد المرا راك عاهدتها قدام ربي برباط دنيوي مقدس هو الزواج و ما درتش فيها الخيير

روح راجعك روحك و حني روحك شوية و خاف لا هاد الشي لي مدايرو فالولية يخرج فيك طول و عرض فالدنيا و فالآخرة

و نتي ما تحكي معاه ما تردي عليه دار الخير فالمخلوقة هادي لي راها معاه حتان حا يدير فيك الخير

لي جنس خاسر يبقى خاسر و الله ما يتصلح

كيما يقولوا ذيل الكلب عمرو ما يتعدل

* الحلم سكر * · 2012-12-05, 15:00

و هــل صـــرف الــنظر عنك لأســـباب ثـــم تــــزوج الأخـــرى أم أنـــه لا يـــعرف كــيف يــميز قـــراراتـه ؟؟؟؟؟ ان كــان فــما أدراك أنــه و ان طــلقها و تــزوج بــك لــن تــعاوده الــرغبة الــيها
الــزواج ماشــي لــعبة نتـزوج وحــدة كان ماصلحـتش نــرجع للأخـــرى ...؟؟؟
بـــصراحـة اللــه أعـــلم مـــي واضــح عــندو مـــشكل باتــخاذ الــقرارات فـــكري مـــليح انت كان حاب يخطبك 2010 و خطب ارضاء لوالدته 2011 وعلاش في هذا العام وين كان
و زيــد اذا كــان تــزوجها ارضـــاء لــوالدته يــتحملها ارضــاء للــوالدة و خــلاص و نــظن راكــي فــهمتـيني
أخــتي لــمرا بــضعفها و مـــليح يــكون عـــندها شـــخصية فــما بالك بالراجل ؟؟

~~knives55~~ · 2012-12-05, 16:42

هذ باين عليه غير تاع تمسخير هو كاين واحد يتزوج ويلطق

بدون سبب خطيك منوا

مدام لعب بأزلا يلعب بيك حتي انت

يعني لزاد شاف ثالث وعجبتوا يطلق ويتزوجها

لا هذ لا يحمل صفات الرجولة

أخطيك منوا