المّْشّكْلة M’chekla من مطبخي

fella food art · 2012-12-02, 14:00

المقادير
*4كيلات فرينة
*1كيلا ايدم زبدة من سمن ذايبين و دافيين
*1ملعقة كبيرة لافاني
*1ماعقة صغيرة ملون ابيض تع الميزان يقولولو (blanche neige )
*قرصة ملح
*1حبة بيض

*شوية ماء و ماءالزهر باش طمي العجينة

الحشو

*1

*كيلا لوز بقشورو ماشي محمص مرحي متوسط
*2كيلات جوز مرحي متوسك
*1كيلاسكر (نص سكر عادي و نص سكر تسكار) هنا السر تع المّْشّكْلة
*1ملعقة كبيرة لافاني
*بيض حسب الحشو

الشربات

*1كيلو سكر
*3كيسان ماء
*قد حبة الحميصة شب

(alun)

ولا ماعندكش الشب ديري طرف قارص

طريقة التحضير

العجينة

في العجينة اولا ديري الفرينة +لافاني من بعد الادام و دخلي ليدام مليح في الفرينة
من بعد ديري في كاس شوية ماء+قرصة الملح + لون الابيض و خلطيهم باش طمي بيهم العجينة من بعد بلوها بالماء الزهر حتى تنطم و العجينة جي طرية مايلزمش تكون يابسة

اعجنوها مليح حتى تولي بيضة من بعد ديروها في شكارة و خليوها ترح باميدمن توجدو الحشو

[CENTER]الحشو

1كيلا لوز

2كيلات جوزززززززززززززز ممممممممممممممممممممممممممممممم

لافاني

السكر

طميهم بالبيض دخلي البيض بشوية يلزم جي شادا روحا ماشي طرية و حطوها في شكار تريح

ملاحظة هادي الحشو انا درتها هاكدا خاطرش نحب الجوز كتر من اللوز هي في الحق 3كيلات لوز و كمشة (شوية) جوز انا قلبت نوغمال

الشربات

قي كاسرونة ديرو كيلو تع السكلر مع 3كيسان تع الماء و الشب كي يبداو يغليو نقسو للنار و خليوهم 15دقيقة يغليو في نار هادئة و خليوها تبرد
اسمحولي نسيت ماصورتهاش

طريقة التشكيل

تحلي العجيينة في ماشينة الرشتة في الاول حليها 2مرات في رقم 4°من بعد مرة في 6°
من بعدي حلي 2طراف اطليهم ببياض البيض مخلط مع شوية لافاني

من بعد ديري الحشو

دخليهم يطيبو 15/20دقيقة تقريبا في نار متوسطة ماشي قاوية كي ينشفو نحيوهم
شوفو كي يطيبو يجيو بيض

غير تخرجيهم عسايهم في الشربات تكون باردة ولا كي يبردو عسليهم و الشربات تكون سخونة
حطيهم على قفاهم باش يشربو مليح خليهم داخل الشربات 5دقايق

من بعد خليوهم يقطرو مليح

ملاحظة
هادا النوع من المّْشّكْلة فيه بقاية العجين فقط ماتقدروش تعاودو تخدمو بيه بصح الحشو تتنحى بسهولة وتعاودي تخدمي بيها
و العجينة كاين لي يديرها خيز يزيدلها شوية خميرة الخبز و ماء دافي و سكر و علركوها مليح خليوها تخمر و ديروها خبز للقهوة يجي بنين فيه بنة الجوز