طلب عاجل من فضلكم

you14 · 2012-11-25, 13:56

السلام عليكم من فضلكم أعطوني كيفية ترقيد الفلفل الحار

الصمت حكمة · 2012-11-25, 16:30

هذه الطريقة شافتها أمي وضحها اخصائي اعشاب في قناة فضائية و جربتها و أنا أكلتها عندها صدقيني أكثر من رائعة حتى لونها و الله يشهي و الأروع في هذه الطريقة أنها مضمونة و بدون إصافة هذاك البرودوي نتاغ الترقاد.
الطريقة هي تغسلي الفلفل جيدا و تقسميه على اثنين و تضعيه في دلو المياه المعدنية نتاع 5 لتر مثلا أو قارورة اللي تساعدك و من بعد تضيفي له الماء العادي تعاودي تخرجي هذاك الماء في وعاء آخر و تضعي فيه بيضة دجاج عادية مغسولة و تبداي تضيفي في الملح حتى تطفو البيضة على على سطح الماء هكذا تعرفي مقدار الملح اللي لازم تضيفيه و رجعيه فوق الفلفلو اغلقي و مرة على مرة شوفي إذا كان نقص الماء ضيفي لو شوية و بعد مدة راكي تلاحظي باللي لون الفلفل أصبح كيما اللي نشره . صدقيني لو كان ماشفتوش بعيني و ذقته ما نقلكش عليه خاطر و الله ما نحب نخسر الناس أو ينصدموا في حاجة يجربوها . و اذا حبيتي كاين وصفات عديدة في النت زيدي حوسي . المهم بالتوفيق انشاء الله و بصحتك .

you14 · 2012-11-25, 17:05

ربي يحفضك أختي راح نجربها

ام ملاك. · 2012-11-25, 18:07

انا ندير شوية ماء والباقي خل والملح وتفتحي الفلفل شوية من التحت ولا تثقبيه ومن بعد تغلقي عليه مليح وتخليه يترد حتان يتبدل لونو

درة بيتي · 2012-11-26, 08:45

اقتباس:

المشاركة الأصلية كتبت بواسطة مونية ك

انا ندير شوية ماء والباقي خل والملح وتفتحي الفلفل شوية من التحت ولا تثقبيه ومن بعد تغلقي عليه مليح وتخليه يترد حتان يتبدل لونو

انا ثاني هادي طريقتي تعلمتها على ماما عمرنا كامل نديرو

وه هكا ويجي هايل والطريقة مضمونة بإذن الله 100%100