امي العزيزة

[محمد391982]

قال الرسول الكريم صلى الله عليه وسلم عندما قيل له من أحق الناس بصحبتي " أمك" ثم من قال :" امك" ثم من قال "أمك" ثم من قال "أبوك " .
وقيل الأم مدرسة إذا أعددته أعددت شعبا طيب الأعراق

في هذا الصدد نظم الشاعر محمد الطاهر سالمي هذه القصيدة الشعرية :

أمي العزيزة

أمي يا لعزيزة علينا

أنت وحدة من عينيا

يا ربي خليها ليا

هي مفتاح الثنية

نتفقدها صباح وعشية

برضاها حاجتي مقضية

الخيبة ما ترضاها فيا

السماحة راهي ديما ليا

يبعد عنها كل بلية

مالية الدنيا عليا

يا محلى كلمة أمي

اسمها عزيز في فمي

قليبها أرق عني

لا حد يبكي بهمي

ذاقت المرار عنجالي

يا ما سهرت عني ليالي

صورتها ديما في خيالي

صوتها ما يخطى أوذاني

شفتها حتى في منامي

وقلتلي بلاك تنساني

نشاده عن كل أحوالي

هي أفراحي وأحزاني

معاها يرتاح بالي

هي ملكي وكنزي الغالي

يا أمي بالغالية عليا

نخدمك ما عندي مزية

إنت وردة مسقية

مليانة حب وحنية

حالف ما انفرط فيك

وين تحبي نديك

نتغرب ونخدم عليك

حجة وعمرة نهديك

بروحي راني نفديك

يا عزيزة الله يحميك

طالب ربي نرضيك

بكنوز دنيا نغطيلك