أريد المساعدة خائفة من الغربة

[مشكلتي]

لسلام عليكم

أريد المساعدة والمشورة منكم فأرجو أن أجد آذانا صاغية

خطبت لشاب عن طريق أخته والمشكلة أنه مقيم في أستراليا وأنا مترددة جدا لأنني خائفة من الغربة

وعملي ومستواي الإجتماعي جيد جدا هنا وليس من السهل ترك ذلك والذهاب إلى بلد لا أعرف عنه سوى إسمه

ولا أدري حتى اللغة التي يتكلمونها

أما عنه فأخي صديق لعائلته منذ سنوات وكذالك الوالد يعني لدي كل المعلومات عنه وعن عائلته ولكن هنا وليس في أستراليا

أمر آخر يقولون أنه يريد مني إرتداء الجلباب وأنا إن تركت عملي فليس لدي مشكل ولكن أخاف أن يكون متعصب جدا ويحرمني من كل شيء

لأنه سلفي

حائرة كثيرا في أمري هل أقبل مبدئيا وأكلمه فالإنترنت مرة واحدة وأطرح عليه الأسئلة لأنه لا يستطيع الحضور الآن وليس هناك وسيلة أخرى أم

أرفض على طول

فالبيت قالو لي فكري جيدا قبل أي قرار وعمرك صار ثلاثين وهو أكبر مني بسنتين

وقالولي الزواج مكتوب واحد معلابالو وين جا مكتوبو

وأخي سيسأل عنه وعن عمله هناك وظروف معيشته وأي جديد سأوافيكم به

[شقراء سوف]

وعليكم السلام باش تتوقفي عن العمل وترتدي الجلباب ونعم الزوج هذا مش تخافي انو يحرمك من كل شئ بالعكس هذا قدملك كل شئ

[faty05]

استخيري هذي نصيحتي لترددك
اما فيما يخص ارتداء الجلباب فاين المشكلة ؟
ربي يسهلك امورك

[- بصمة خير -]

حذاري بسبب عمرك تقبلي و انت ليست مقتنعة. و بعد الزواج تقولين ماذا فعلت بنفسي ؟؟؟

الزواج مكتوب و لما يحضر نصيبك حتى شخص يمنعه.

و تكلمت على العمر لانك انت ذكرت عمرك و كأنه مشكل. و هو ليس بمشكل.

***

اذا تكلمتي معاه في الانترنت يكون بعلم اهلك و يعرف هو ايضا انك تتكلمين معه بعلم اهلك. و تكون مرة واحدة و تحضري اسئلتك من قبل.

أو تتنظري حتى الرؤية الشرعية.

هذه الامور غيبية في علم الله وحده فقط -> لا يمكننا ان نقول لك لا تقبلي و ممكن يكون فيه الخير الكثير و تعيشي معاه كالملكة
و ايضا لا يمكننا انن نقول اقبلي و حياتك معاه تكون جحيم ...

في هذه الفترة داومي على صلاة الاستخارة و اخوك يسأل عليه-> الاستخارة ليست حلم و لكن تسهيل او تعسير الامور

ان شاء الله خير.

بالتوفيق.

[وداد2010]

استخيري فما خاب من استخار و ربي يسهلك انشالله

[ريتاج78]

تعرفي اختي
والله ساكلمك بصراحة بالغة
اولا العمل ليس شيء مهم للمراءة
فهذا الرجل ارادك زوجة اولا وعندما قال لك الجلباب
اراد بذلك صيانتك وهذا يعني انه يحب لك الخير ويريدك زوجة وام لأولادها لتكوني القدوة الحسنة
اما الغربة فلست الوحيدة هناك

فمعظمهم متزوج في الغربة والحمد لله
المهم التفاهم والقبول وربي يسهل
لكن لابد عليك الإستخارة فهي شيء مهم جدا
وبعدها توكلي على الله

اه نسيت
بخصوص انك خائفة ان يكون متعصب
لاتخافي فمادام يعرف الله سيكون معك نعم الزوج باذن الرحمن
وان اراد تطبيق الدين فهذا اختي ليس تعصب بل طاعة وتعبد

وربي يسرلك اللي فيه الخير

[imi02i]

لَا أَعْرِف لِمَ يَتَخَوَّف الْكـَثِير مْن كَلِمـَة جِلْبَاب ...
عِلْمًا أنّهُ شَيْءٌ طَبِيعِي جدّا وَعَادِي
يَاأخْتِي اللِي يَامْرُك بِالْجلْبَاب يُريدُ أنْ يَحْفَظَكِ لِنَفْسـِهِ لَيْس إلَّا وَيَرَى فِيكَ الَمَرْأة الْقَادِرَة عَلَى تَحَمُلِ اعْبَاء الْحَيَاة وَلَو كَانَ يُرِيدُ َغَيْرَ ذَلِكَ لَتَزَوَجَها أسْتُرآليّة
صَلِي صَلَاة الْإسْتِخَارة واللِي فِيهَا الْخيْر يْقَدمْهَا رَبّي

[أم محمد و آيه]

راك في سن الزواج ..ادا الراجل مليح وعلاه لالا ...اولا سقسو عليه في الغربة ...باسكو متعرفي الواحد حتى تعشريه

وكيما قلتي سلفي ..ايه الحمد لله هو اللي يقربك مليح من ربي سبحانو ..وديري جلباب ... والخدمة علاه يا حبيبة ادا كان ببلاصتو

والحمد لله عليك يوفرلك متطلبات الحياه مترفضيش ....وكلشي بالمكتوب .....


الله يسهلك ان شاء الله .صلي صلاه الاستخارة ....

[moonlight19]

ماتخافيش هو سلفي لانو خايف على دينو في بلاد الكفار فقط
و مكتوبك جاك في هاديك المنطقة
و الاحساس بالغربة مؤقت مباعد كي تروحي توالفي الحياة ثما
صلي استخارة ترتاحي انشاء الله
ربي معاك

[بين الحقيقة و السراب]

إن كان صادقا نيالك خليك من العمل والمال





إذا ما نظرنا للموضوع من عدة زوايا
فقرار كهذا صعب بعض الشيء عليك بالاستخارة و كثرة الدعاء
و انتظري التوفيق من الله

[salam algeria]

السلام عليكم
اختي استخيري الله سبحانه و تعالى و ان شاء الله ينور لك الطريق و يكتبلك الخير
اختي حابة نكون صريحة معاك خاصة اني مجربة الغربة و ما تقوليليش كيما وحايد انت في الماريكان و تحوسي علينا نبقاو في دزاير و كانو امريكا تضياق عليا كي يجيو هوما هي فقط نصيحة
اختي اول شي لازم تخممي فيه اذا راكي قادرة تعيشي في الغربة و مش اي غربة
الجلباب مش لازم يخوفك من الراجل بالعكس حاجة مليحة انو حاب يسترك لكن في الوقت ذاتو لازم تعرفي و لو شوية من عقليتو لانو اذا كانت الوحدة في الغربة و زيد مع واحد غالق عليها و هو النهار كامل في خدمتو راهي ترجع غربتين
الكلام معاه مرة واحدة مش راح يبينلك حاجة من شخصيتو لازم تسقسو عليه مليح في الجزائر و استراليا
و اذا ما كونتيش فكرة مليحة عليه و عرفتي عليه كلشي ما ننصحكش توافقي لانو الغربة صعيبة و ما يحس الصعوبة تاعها غير لي جربها و كي يكون الراجل صعيب من اي ناحية راهي تزيد تصعب و تصعب
اختي انا قريب نكمل خمس سنين هنا و مرات نحس بالندامة مع انو زوجي ما عندو ما يزيدلي و انا اصلا كنت مخطوبة لما نجح في البطاقة الخضراء لكن الحرمان من الام و الاب و العايلة قاتلني
اللغة مش مشكل تتعلميها بربي ان شاء الله و حتى لو ما تعلمتيهاش مليح راح تتعلمي واش تحتاجي
اختي ربي يفرج عليك و اكتبيلنا واش قررتي و مرحبا بيك خارج الجزائر لكان قبلتي

[فتـ حييةـاة]

صلاة الاستخارة

[مستفانم]

يا أختي ليس فقط تسمعي كلمة أستراليا أمريكا فرنسا إنجلترا تقبلي بأي زوجد يأتيك
لانه بصراحة كل شخص يحب يسافر للخارج
لكن ديري في بالك أن زيارتك للجزائر ستكون نادرة .. مرة في سنوات لأن ثمن التذكرة مرتفع جدا ولن تري أهلك إلا عن طريق الأنترنت
ثانيا ستكون خرجاتك في أستراليا قليلة بحكم أنك متجلببة في بلاد أجنبية

من رأيي أن تتكلمي معه وتري إلا أين سيقودك تفكيره , ربما لن تتوافقا في الأفكار
لن تخسري شيئا
وطبعا هذه حياتك ومستقبلك ولن تتزوجي عبر المراسلة

بالنسبة للعمل فبطبيعة الحال عنده الحق

[om lina]

بخصوص الجلباب ماتخفيش انا دايراتو ونورمال بصح ننصحك اسنخيري وشوفي روحك اذا قادرة على الغربة وكيما قالت الاخت اذا كان مايحبش الخروج صدقيني تحسي روحك في زوج غربات وزيدي استخيري وربي ايسرلك ليما فيه الخير

[lilou f lilou a]

فكري مليح أختي