هل صادف أن كنت محظوظ يوما ما؟

Lydia istanboul · 2012-10-20, 12:43

السلام عليكم..
أحيانا و مع إنشغالنا في حساب الكم الهائل من التعاسة الموجود في الحياة تصادفنا مواقف تجعلنا نبتسم لا بل نضحك كالمجانين تعجبا لمدى حسن حظنا في ذاك الموقف....

أبدأ بقصة حدثت معي...
لما كنت طالبة سنة ثالثة جامعي..كان يوجد بائع كتب قديمة تحت بناية شعبة اللغات ..كنت دائمة التردد عليه لحبي للكتب القديمة الصفراء المتعطرة برائحة السنين...انا و صديقتي المقربة...المهم صديقتي هاته كانت مترفة نوعا ما و طبعا وتيرة شراءها لمختلف الكتب يفوق وتيرتي بأشواط..الله غالب نحافظو على الوالد...المهم في أحد المرات لفت إنتباهي كتاب رائع الشكل و مكتسي بلوني المفضل..اقتربت ..قرأت منه القليل فلم أستطع تركه...لكن للاسف لم يكن معي ما يكفي لشراءه...تحسرت..نصحت صديقتي به و انها ستندم لو لم تشتريه..لم تأبه وقالت لا...الحمد لله اليوم الذي بعده احضرت المال وهرعت لشراءه..قرأته واتنبهرت به لا و شاركت ببحث في علم الصوتيات بنفس موضوعه..أخذته معي للبيت..وفي العطلة الشتوية كلما أحن له أفتحه اتصفح بعض اوراقه...تخيلو أنه في مرة من المرات لفت انباهي أن غلاف الكتب ملاصق لورقة الاهداء...ولما فتحتها تخيلو ماذا وجدت؟؟؟ 300 دولار أمريكي ههههههههه قمة السعادة
لما رجعت للدراسة كان صاحب الكتب قد رحل للاسف لكن بيني وبينكم تعجبت لتحسن حظي فجأة ...
دوركم الآن..ماهو الموقف الذي أحسست فيه أنك جد محظوظ...
أنتظر تفاعلكم

z.abdo · 2012-10-20, 12:54

جميل جدا اختي

مرة كنت اشارك في مسابقة في جريدة حديثة حيث تجيب على الكلامت السهمية وترسل القسيمة

بها الإسم والعنوان وهذا أتذكر حدث في عام 1998 على ما اظن

يوم من الايام اخبر صاحب كشك لبيع الجرائد اب أن إسمي هو الفائز هذا الاسبوع

ربحت 1000 دج ولم اصدق هذا وفي ذالك الوقت 1000 كانت لها قيمة كبيرة ليس مثل اليوم

شكرا اختي على الموضوع

مريم الصابرة · 2012-10-20, 12:54

السلام عليكم أختي موضوع جميل فعلا رغم التعاسة مؤات يصؤاو مواقف تقول انا عندي زهر يكسر الحجر
نقولك مرة انا شريت جاكيت مستعملة بعني شيفون عجبتني ايا جيت باه نغسلها تخيلي فيخا جيب سري الداحل انا بانتلي ورقة فيه جبدتها والثانية والثالثة لقيت 300 الف فيها جزائري فرحت ههههههههه كنت مشومرة وربي بعثهم في وقتهم واش نقولك يا اختي وكيما قلت الصراحة ما رحت لمول ال حوايج ما والو على خاطر كي كنت راحا نشريها قالي اختي ما نبدلش انا كل يوم نحط في سوق يعني ما نلقاهش وبصحتي ما شرقتهمش لقيتهم ههههههه عجبني الحال يا اختي واش نقولك يمى حسدتني حبت تعاودها ايا ما لقات والو مت عليها بالضحك قتلها علاه زهرك كيما زهري فرق كبير شكرا

Lydia istanboul · 2012-10-20, 12:58

اقتباس:

المشاركة الأصلية كتبت بواسطة z.abdo

جميل جدا اختي

مرة كنت اشارك في مسابقة في جريدة حديثة حيث تجيب على الكلامت السهمية وترسل القسيمة

بها الإسم والعنوان وهذا أتذكر حدث في عام 1998 على ما اظن

يوم من الايام اخبر صاحب كشك لبيع الجرائد اب أن إسمي هو الفائز هذا الاسبوع

ربحت 1000 دج ولم اصدق هذا وفي ذالك الوقت 1000 كانت لها قيمة كبيرة ليس مثل اليوم

شكرا اختي على الموضوع

ماشاء الله....يا حسرا 1000 دج كانت تجيب غرام ذهب.....ربي يزيد يزين حظك قول أمييييين...بارك الله فيك

Lydia istanboul · 2012-10-20, 13:02

اقتباس:

المشاركة الأصلية كتبت بواسطة مريم الصابرة

السلام عليكم أختي موضوع جميل فعلا رغم التعاسة مؤات يصؤاو مواقف تقول انا عندي زهر يكسر الحجر
نقولك مرة انا شريت جاكيت مستعملة بعني شيفون عجبتني ايا جيت باه نغسلها تخيلي فيخا جيب سري الداحل انا بانتلي ورقة فيه جبدتها والثانية والثالثة لقيت 300 الف فيها جزائري فرحت ههههههههه كنت مشومرة وربي بعثهم في وقتهم واش نقولك يا اختي وكيما قلت الصراحة ما رحت لمول ال حوايج ما والو على خاطر كي كنت راحا نشريها قالي اختي ما نبدلش انا كل يوم نحط في سوق يعني ما نلقاهش وبصحتي ما شرقتهمش لقيتهم ههههههه عجبني الحال يا اختي واش نقولك يمى حسدتني حبت تعاودها ايا ما لقات والو مت عليها بالضحك قتلها علاه زهرك كيما زهري فرق كبير شكرا

هههههههههههه قصة تهبل يا ليليا...ربي يزين سعدك و يتمم عليك هاد الحظ لي كيما قلت يكسر لحجر

بارك الله فيك

BAROUD · 2012-10-20, 13:06

غير احكوا لي علئ الزهر pcq انا و الزهر ديما خطان متقاطعان

مش عارف وقتاش يتلاقاو

assia81 · 2012-10-20, 13:15

السلام عليكم ورحمة الله وبركاته
عندما كنت ادرس في الجامعة
في موقف حافلات الجامعة وجدت 200 دج وانتم تعرفون ان هناك الكثير من الطلبة فلم استطع ان اعرف صاحبها لم احب ان اخذها لنفسي فتصدقت بها حتى تعود اليه

الواثق · 2012-10-20, 13:32

يعني الحظ في الدراهم فقط ؟؟؟

لما كنت احظر في مذكرة التخرج .........ذهبت لمحل الحلويات هو محل ضخم في العاصمة دخلت نقرعج فقط فوجدت اسعارا ملتهبة ..........قلت ياخي خاسرة خاسرة نسقسيه بلاك يساعدني واش فيها ............فذهبت للمسؤول وقلت له هناك نوعية من القاطو تحسبو فيها ب 3000 للحبة فقلت له احسبهالي ب 2000 فانفجر بالضحك المسؤول وقال لي هذا لم يحدث في التاريخ وحتى مع كبار المسؤولين .............فغضبت حينها فقلت له عبر عن رأيك بدون ضحك فلما راني غضبت سكت .............فكان هناك شخص واقف عند الباب وكان يسمع كلامي عيطلي رحت ليه فقال لي ماهي مشكلتك قلت له اريد الحلويات هنا لكن غالية جدا ولم يساعدني بل ضحك عليا ......................فقال لي ماذا تريد ؟؟؟ فاستغربت طريقة رده وقال لي انتظر ............ذهب للعمال وجمعهم اكثر من 15 عامل وقال لهم هذا الاخ اعطولو واش يحب و لي تارت راهم كامل خالصين *** هو المعلم ***...............تصورو اني دفعت مبلغ زهيد وكل شيء خالص .............والحمد لله ههه

~~knives55~~ · 2012-10-20, 13:46

انا في حياتي كنت مزهور بزاف بزاف مخرجت من مواقف حرجة بزاف بفعل الزهر
بصح على حساب واش قريت

الموضوع يهدر على زهر في دراهم مواش زهر في حياة

وهذ يعني كان أحسن موقف بان فية زهر تعي

واحد لايوم شريت تلفون على صاحبي تلفون ب مليون يعني عجبني ومحبيتش نفرط فية ايا قتلوا عدي 6000دج ضرك ولباقي نجبهولك بعد العطلة

المهم كي قريب تخلص العطلة كانت عندي 3000دج وخاصتني 1000دج

كلمني صاحبي قالي راني جاي به ندي دراهمي علباك حشمت منوا عطيتوا كلمة المهم في لعشيا راني راجع لدار حتي هي 1000دج

قدامي علبالك طرت من الفرحة وجاء صاحبي وعطيتوا دراهوا وتهنيت منوا ههههههههههههه

Lydia istanboul · 2012-10-20, 13:55

اقتباس:

المشاركة الأصلية كتبت بواسطة baroud

غير احكوا لي علئ الزهر pcq انا و الزهر ديما خطان متقاطعان

مش عارف وقتاش يتلاقاو

الحاجة لمليحة طول....بالاك زهرك نتا راه أحسن منا جميعا...بارك الله فيك

Lydia istanboul · 2012-10-20, 13:56

اقتباس:

المشاركة الأصلية كتبت بواسطة assia81

السلام عليكم ورحمة الله وبركاته
عندما كنت ادرس في الجامعة
في موقف حافلات الجامعة وجدت 200 دج وانتم تعرفون ان هناك الكثير من الطلبة فلم استطع ان اعرف صاحبها لم احب ان اخذها لنفسي فتصدقت بها حتى تعود اليه

ماشاء الله...لفته طيبة يا أستاذة...و ان شاء الله المرة الجاية تلقاي كنز مخبي وليك وحدك...بارك الله فيك

Lydia istanboul · 2012-10-20, 13:58

اقتباس:

المشاركة الأصلية كتبت بواسطة الواثق

يعني الحظ في الدراهم فقط ؟؟؟

لما كنت احظر في مذكرة التخرج .........ذهبت لمحل الحلويات هو محل ضخم في العاصمة دخلت نقرعج فقط فوجدت اسعارا ملتهبة ..........قلت ياخي خاسرة خاسرة نسقسيه بلاك يساعدني واش فيها ............فذهبت للمسؤول وقلت له هناك نوعية من القاطو تحسبو فيها ب 3000 للحبة فقلت له احسبهالي ب 2000 فانفجر بالضحك المسؤول وقال لي هذا لم يحدث في التاريخ وحتى مع كبار المسؤولين .............فغضبت حينها فقلت له عبر عن رأيك بدون ضحك فلما راني غضبت سكت .............فكان هناك شخص واقف عند الباب وكان يسمع كلامي عيطلي رحت ليه فقال لي ماهي مشكلتك قلت له اريد الحلويات هنا لكن غالية جدا ولم يساعدني بل ضحك عليا ......................فقال لي ماذا تريد ؟؟؟ فاستغربت طريقة رده وقال لي انتظر ............ذهب للعمال وجمعهم اكثر من 15 عامل وقال لهم هذا الاخ اعطولو واش يحب و لي تارت راهم كامل خالصين *** هو المعلم ***...............تصورو اني دفعت مبلغ زهيد وكل شيء خالص .............والحمد لله ههه

ههههههههههه واثق حتى في شراء الحلويات بالثمن لي يليق بيك....الزهر مش فقط المال بصح صدفة داك النهار جا زهري في الدولار....ربي يجعل حياتك مليئة بكل حلو و تلقى لمعلم لي يسهلك كلش...بارك الله فيك

Lydia istanboul · 2012-10-20, 14:01

اقتباس:

المشاركة الأصلية كتبت بواسطة knives55

انا في حياتي كنت مزهور بزاف بزاف مخرجت من مواقف حرجة بزاف بفعل الزهر
بصح على حساب واش قريت

الموضوع يهدر على زهر في دراهم مواش زهر في حياة

وهذ يعني كان أحسن موقف بان فية زهر تعي

واحد لايوم شريت تلفون على صاحبي تلفون ب مليون يعني عجبني ومحبيتش نفرط فية ايا قتلوا عدي 6000دج ضرك ولباقي نجبهولك بعد العطلة

المهم كي قريب تخلص العطلة كانت عندي 3000دج وخاصتني 1000دج

كلمني صاحبي قالي راني جاي به ندي دراهمي علباك حشمت منوا عطيتوا كلمة المهم في لعشيا راني راجع لدار حتي هي 1000دج

قدامي علبالك طرت من الفرحة وجاء صاحبي وعطيتوا دراهوا وتهنيت منوا ههههههههههههه

الموضوع يحكي على الزهر و الحظ بصفة عامة وخيتك كان زهرها في الدولار ههه...قصتك جميلة وتدل على التوكل..سبحان الله نتا توكلت وعزمت يكونو عندك وربي حضرلك ال 1000 دج ماشاء الله....نصيحة زيد توكل و قول المرة الجاية ندي وش نحب و ربي يقدملك الخير يا رب..بارك الله فيك

الواثق · 2012-10-20, 14:03

هاذي مرة رحت انا واصحابي *** كامل بولحية هه*** لرحلة صيفية الى جيجل وقمنا بكراء سكن في عمارة في الطابق الارضي ..............الجيران خافو منا نوعا ما لكن لم يضهرو اي شيء لاننا كنا نخرجو الفجر ونرجعو في الليل ههه ...............المهم بلغو وحدات الدراك الوطني وداهمتنا عناصر الدرك الوطني في الليل بالطريقة الامريكية هههه.............يومها لم اكن حاظر كنت خارجا اشتري العشاء من المدينة وتركت اصدقائي في السكن ..................المهم لما حظرت وجدت سيارات الدرك الوطني ومجموعة من الدرك داخل السكن ويضحكو مع اصدقائي ودايرين لتاي والقهوة ...............انا لم افهم شيء ..............المهم اني علمت ان رئيس وحدة الدرك الوطني من المنطقة هو ابن عم احد اصدقائي ولما شاهده تعانقو والدموع في اعينهم فاصبحت من مداهمة عسكرية الى لقاء الاقارب بعد مدة زمنية هههه ............المهم بتنا ذاك نهار الضحك والقصرة ................وقبلها بيوم ذهبنا لمخيم هناك ولم يتركونا بحجة ان المكان محجوز فاتصل بهم مسؤول الدرك وجهزو لنا خيمة لوحدنا في شاطئ معزول ههه ................والذي اضحكني كثيرا ان سكان العمارة بدأو يقولون اننا عناصر من المخابرات لان الدرك اصبحو ادقائنا في فترة وجيزة هههه ....وكانت رحلة رائعة

خولة لبابة · 2012-10-20, 14:06

أحسست أنني محظوظة......عندما عرفت أنني ولدت في بلد الاسلام .......
و فيما يخص موضوعكي.......عيّنوني في الثانوية لأشارك في مسابقة في مادة الفلسفة ......فنجحت فيها و تحصلت على أكبر علامة.......و هنا مثلت الثانوية كلها......و فرحت كثيرا.......