شباب كسووووول...

[madjid-307]

السلام عليكم ورحمة الله وبركاته

الجمهورية الجزائرية البيروقراطية الشعبية

وزارة البطالة والحيطيست

يقولون أن المشكل في الشباب.........
ماذا تنتظر من شاب انقطعت حبال الوصل بينه وبين المسئول والمجتمع! المجتمع الجزائري، بعد الأحداث الدموية، انعزل كل فرد منه لوحده وأصبح لا يهمه إلا قوت يومه... حتى المنتخب، يرى في انتخابه "حرقة" من نوع آخر فهو يستعمل أي وسيلة للوصول إلى البرلمان او كما سمي "بر الآمان".
المسئولية هي الأخرى أصبحت لها أثمان، فعلى حسب كبرها وحجمها يحدد الثمن. فماذا ننتظر من الشباب أن يفعل في الوقت الذي أصبحنا نسمع من مصادر موثوقة أن مهنة الإمام أصبح لها ثمن يصل إلى 12 مليون سنتيم.
الفساد أصبح مستشري في كل ركن والشباب المسكين ضائع بين قلة الحيلة ونقص الوازع الديني وإهمال المجتمع.
كم من السهل علينا أن نلوم من يبيت العراء ويقتات من المزابل وننسى لوم الذين لم يأخذوا بأيديهم من المسئول او المجتمع على حد السواء.
المجتمع الجزائري اليوم يجني مخلفات الفتاوي التي اتخذها الانتهازيون ذريعة لكبح تحرك كل أمر بالمعروف ونهي عن المنكر.



بلاد محكومة بالسكوتش تاع الرولو يدير 15 دج

[طارق القبطان]

لا تحزن اخي ما عندناش دولة أصلا

[madjid-307]

المشاركة الأصلية كتبت بواسطة aucun avenir

لا تحزن اخي ما عندناش دولة أصلا

بلادنا مليحة وترابها تاع خير بصح الله غالب مافيهاش الرجااااال

[صالح القسنطيني]

و عليك السلام و رحمة الله و بركاته
نعم نحن مظلومون من مسؤولينا، و حسبنا الله و نعم الوكيل، و سهام التوكل على الله موجهة لنحورهم. لكن أخي الحبيب ظلمهم لنا لا يجعلنا نقف مكثوفي الأيدي، و نبقى ننتظر منهم ما قد لا نناله.

و أنا شخصيا لي أربعة أخوة ثلاثة يعملون في تجارات حرة إلا واحدا منا يعمل في وزارة التجارة. و أما عي فأنا جد كسول شغلتني دراسة الهم، لكن في فصل الصيف أعمل و كم عملت كذا مرة لكن اآن توقفت عن كل نشاط حتى انهي دراستي.
خدمت شريك مع واحد في محل تاع اللبن و الحليب و سائر المشتقات، خدمت شريك في مكتبة، و خدمت في بيتزيريا المهم نخدم قد جهدي خير ماي نبقا ندندن حول ظلم السلطة لنا.

[طارق القبطان]

المشاركة الأصلية كتبت بواسطة صالح القسنطيني

و عليك السلام و رحمة الله و بركاته
نعم نحن مظلومون من مسؤولينا، و حسبنا الله و نعم الوكيل، و سهام التوكل على الله موجهة لنحورهم. لكن أخي الحبيب ظلمهم لنا لا يجعلنا نقف مكثوفي الأيدي، و نبقى ننتظر منهم ما قد لا نناله.

و أنا شخصيا لي أربعة أخوة ثلاثة يعملون في تجارات حرة إلا واحدا منا يعمل في وزارة التجارة. و أما عي فأنا جد كسول شغلتني دراسة الهم، لكن في فصل الصيف أعمل و كم عملت كذا مرة لكن اآن توقفت عن كل نشاط حتى انهي دراستي.
خدمت شريك مع واحد في محل تاع اللبن و الحليب و سائر المشتقات، خدمت شريك في مكتبة، و خدمت في بيتزيريا المهم نخدم قد جهدي خير ماي نبقا ندندن حول ظلم السلطة لنا.

أعرف يا أخي
بصح هذه الخدمة ما فيهاش امل
انا خدمت في محلات وفي الشوانط
وخدمت بائع دجاج

[صالح القسنطيني]

المشاركة الأصلية كتبت بواسطة aucun avenir

أعرف يا أخي
بصح هذه الخدمة ما فيهاش امل
انا خدمت في محلات وفي الشوانط
وخدمت بائع دجاج

ربي يعاونك شريكي العزيز، و المثل العامي يقول (خدام الرجال سيدهم)

[madjid-307]

حتى انا عندي مكتبة وراني خدام فيها قدام الجامعة بصح ومنبعد فوتوكوبي 2 دج ولا ورقة أمبريمي بـ 5 دج ولا كراس تدي فيه 5 دج ولا قلم تدي فيه 3 دج ومنبعد تخلص كرية تاع 13000 دج والله الله يهديك زعمى أنت إنسان ناجح وشاب مثالي شوف لخاوتك ما تشوفش غير روحك حقنا راهو ضايع في هاذ البلاد خلاص قرررر

[نورالدين17]

بلاد ميكي.....................يعيش فيها الواق الواق

[madjid-307]

خدام الرجال سيدهم

هنالك بعض العبارات التنشيطيه هي في الاصل غير واقعيه ولكنها نوع من الطمأنينه

وبسط الامن غير الشامل او نوع من بث الحماس والتقليل من التحسس والاضطهاد ،

( خدام الرجال سيدهم) ، عبارات

نحس انها واقعيه فكثير من اصحاب الاعمال في ارض المهجر والتي ندعي انها

هامشيه قد استطاعو ان يجعلوا لانفسهم هيبة وسلطان ، وقيل أن هنالك شخص كان

يعمل لبيسا للملك ولست ادري ما تحمله كلمة لبيس من مفردات ( هل يقوم باختيار

اللبس المناسب ام أنه يقوم بتلبيس سيادته من الالف الي الياء ) المعني غير واضح

، المهم في الامر ان هذا اللبيس يملك الان عقار اذا نظرت اليه لتري آرتفاعه أصبت

بتمزق وإلتواء في الرقبه ، وله من الاملاك ما ليس لكم ( اللهم أجعلني لبيسا ولا

تجعلني متعلما تعيسا ) ، وقيل انه لا يعلم من بنت عدنان التكتح ولكنه ضليع في لغة

الارقام ، وخاصة عد البنكنوت ، أليس هذا خادما للسلطان سيدا عند قومه ، نحن

دائما نرفع انوفنا في السماء بغير عمد فنرفض هذا وذلك بحجه انه لايليق بنا ،

وجيوبنا جوعي ولاسبيل لانقاذها . وآخر قيل انه كان يعمل ساقيا للسلطان ولنا أن

نسأل أي سقيا هذه التي تجعل من الرجل صاحب املاك لا تحصي ولا تعد ، ( ونشرب

ان وردنا الماء صفوا ** ويشرب غيرنا كدرا وطينا ) . هكذا حاله يقول ونحن ماذلنا

نتمسك بشعارات جوفا خاويه لا قرار لها ، وهكذا نبقي وماذلنا ندفن في سرة البحر

ولكن هيهات .

منقول في جالك أخي صالح

[madjid-307]

[madjid-307]

المشاركة الأصلية كتبت بواسطة نورالدين17

بلاد ميكي.....................يعيش فيها الواق الواق

هاذاك مكان خويا نور الدين ما نتنيفقوا ما والوا خرج لربي عريان يكسيك حنا حنا تقبل تحياتي

[نسرين0303]

خويا sans avenir
عندنا بلاد ماشاء الله عليها و راهي في حاجة لابناءها و الكلام الي قلتو انت و لي مثلك هو اللي كسرلها جناحتيها
صح الشباب راهو محقور لكن اذا انت و الاخر و الاخر استسلمو لهذه الوضعية شكون راح يسقمهالنا
لازم حنا نكتبو و نريكلاميو و نديرو لي علينا ولا ماكان والو يا اخي كل واحد يتكل على روحو
هذه بلادنا و ارضنا صح ناسها ماشي ناس ملاح لكن تبقى بلادنا اللي خلاوها رجال ماتو على جالها و فيها رانا نتمتعو ولو بالقليل بحريتنا ......................
و ربي يجيب الخير و هذا الخير يجيبوه ولادها
و تحيا الجزائر رغم كل شئء

[madjid-307]

المشاركة الأصلية كتبت بواسطة نسرين0303

خويا sans avenir
عندنا بلاد ماشاء الله عليها و راهي في حاجة لابناءها و الكلام الي قلتو انت و لي مثلك هو اللي كسرلها جناحتيها
صح الشباب راهو محقور لكن اذا انت و الاخر و الاخر استسلمو لهذه الوضعية شكون راح يسقمهالنا
لازم حنا نكتبو و نريكلاميو و نديرو لي علينا ولا ماكان والو يا اخي كل واحد يتكل على روحو
هذه بلادنا و ارضنا صح ناسها ماشي ناس ملاح لكن تبقى بلادنا اللي خلاوها رجال ماتو على جالها و فيها رانا نتمتعو ولو بالقليل بحريتنا ......................
و ربي يجيب الخير و هذا الخير يجيبوه ولادها
و تحيا الجزائر رغم كل شئء

ختي ربي يهديك برك بلادنا مليحة وترابها مليح المشكلة فالدولة راه علابالك بلي ماراهيش نورمال إيه أمالا علاه راكي ساكتة وعلاه ما تحكيش أنا نحب بلادي و كامل الناس يحبوها وعلى هاذيك لي رانا نهدروا على الأقل أحنا احكينا ماشي كيما ناس راضيين.........

[نسرين0303]

خويا مجيد الله يهدينا اجمعين هكذا
شوف انا كي نهدر نهدر وحدي؟؟؟ ايه حكومتنا ماشي مليحة مصح يا هل ترى انت عندك جراة تنتفض و تطلب حقوقك من الدولة اذا راك موافق راني معاك ...انا تاني يوجعني قلبي كي نشوف ولاد بلادي رجال يتمرمدو و يحللو فاللي يسوى ولي ما يسواش عالخدمة...و لوكان اعطى ربي كل واحد يكون بقيمته و يخدم لانه من حقه لكن ما العمل عندك حل؟؟؟اقسم يا اخي اني معك في كل الحلول ..نديرو مسيرات منددة يا الله ..نديرو اضراب في الجامعات يا الله ..اعطني حل؟؟؟؟

راني فاهمة المشكل و انا اعلم ان العيب في الدولة و اعلم ايضا ان دولتنا ما نقدرو نستناو حتى حاجة منها و احنا ساكتين ؟؟؟؟؟؟؟؟؟

راني نستنى فحلولك اخي .......
يتبع

[صالح القسنطيني]

وعلى هاذيك لي رانا نهدروا على الأقل أحنا احكينا ماشي كيما ناس راضيين.........

مجيد أخي ضحكتني شكون ناس هذو منظنش تقصدني انا هههههههههههههه

المهم ربي يردنا حقنا منهم، و ينتقم لنا من كل من ظلمنا و منعنا حقنا........ و أما عني شخصيا فطبعا ذلك مجرد رأيي صح مديا بي مخدم عند دولة خدمة شريفة بصح إذا مكانش منبقاش مكتف يديا و نتفرج ((((((( آآآآآآآو راي برك متزغفش))))))))))))))

أخوك و محبك صالح.