بسبوسة من مطبخي خفيفة. ناجحة. ومضمونة بطريقتي

[ninafret]

السلام عليكم حبيت نقدملكم طريقتي في عمل البسبوسة درتها لعمة زوجي كي رجعت من فرنسا

خفيفة ومقاديرها ناجحة 100/100
المقادير
5بيضات
كاس سكر
كاس زيت
كاس حليب
2كيسان ناقص ملعقة دقيق
نصف كاس فرينة
ملعقة صغيرة برش ليمون...اختياري حتى ماتكونش فيها ريحة البيض
2خميرة الحلوى+قرصة ملح
3ملاعق كبار ماء زهر
السيرو اللي سقيت بيه عبارة على كاس سكر دوبتو شوية وزدتلو كاس ونصف ماء وخليتو على النار حتى ثقال شوية وكي طفيت النار زدت فوقو 4ملاعق كبار ماء زهر وخليتو على جنب حتى برد تماما انا بصراحة مانحبش البسبوسة المعسلة بزاف وممكن تزيدو الحلاوة على حسب الرغبة
التحضير

في صحن غامق خلطي البيض والسكر والزيت والحليب وماء الزهر والزاست نتاع الليمون

ضربي الكل بالباتور ولا الميكسور حتى يتضاعف الحجم تقريبا 3د



زيدي الدقيق والفرينة والملح والخميرة وخلطي الكل مليح بملعقة حتى يتجانس الخليط







صبي الخليط في مول مدور مدهون بالزبدة





خلي الخليط يرتاح 5دقايق في هذا الوقت تكوني سخنتي الفور مليح دخليها بعد ماترتاح حتى تحمار كيما الصورة





كي تخرجيها مباشرة اسقيها بالسيرو البارد وهي سخونة وزينيها باي نوع من المكسرات ولا نواد كوكو ولا خليها كيما انا




خليها تبرد وترتاح من ساعة فما اكثر ثم قطعيها مقروضات وقدميها ولاديريها الصباح وقطعيها مع العشية














جربوها وقولولي رايكم راهي خفيفة وماتتشبعش
راني نستنى تطبيقاتكم وتقييمكم

[fella food art]

وصفة رائعة

[ninafret]

المشاركة الأصلية كتبت بواسطة fella food art

وصفة رائعة

الله يخليك اختي العزيزة شكرا على المرور

[الأمنيات]

يعطيك الصحة اختي تبان مليحة
شكرااااالك

[أم ياسين الزهراء]

تشبه لنتاعي بصح هكاك وشهيتيني يعطيك الصحة

[قطرة ندى...]

ان شاء الله نجربها

[serine alger]

[youcefi sabrina]

bravooooooooooooooooooooooo

[صفاء الرووح]

واو باينة فيها بلي خفيفة راني نجربها ونرد عليك

[صفاء الرووح]

الدقيق اللي حطيت رقيق او متوسط ولا الخشن ولا مخلط من كلش

[صفاء الرووح]

الدقيق الي سربيتو كفاه هو رقيق اوخشن او متوسط ولا مخلط

[بشرى2008]

مشكوووووووووووووووووووووووووورة

[أم أبوبكر]

يعطيك الصحة خرجتلك هايلة

[intissar ben]

شكرا يعطيك الصحة

[لينا11]

تشبه لطريقتي وصح جاتك ممممممممممم
بعثيلي طرف نشرب بيه الحليب