الطريقة المفصلة لطرطاتي +مفاجلة...اتفضلوا

amel5 · 2012-10-09, 09:56

السلام عليكم ورحمة الله و بركاته
راني رجعت ليكم و معايا الطريقة المفصلة لاحدى طرطاتي لكل الاخوات لي طلبوها
و معاها مفااجئة

ههه تبعوا معايا
اولا نحضروا الجينواز و هي نوع من الكيك يجي بلا زيت و لا زبدة و لكن لازم يتسقى بالسيرو
لانها تجي ناااشفة
نحتاجوا لطرطة دائرية ل6 حبات بيض--150غ سكر و فانيليا نحطوهم في الاناء نتاعنا

نخلوهم يتخبطوا مع بعض مدة تقريبا 10 دقايق حتى يتضاعف الحجم نتاعهم ويولوا هكدا

بعدها نضيفوا ليهم 150غ فرينة++نص كيس نتاع خميرة كيميائية نكونوا غربلناهم مع بعض و نخلطوا بواسطة
سباتيلا من فوق لتحت بلا مانطيحوا البيض نتاعنا

بعدها نديروا الخليط في مول دائري و ندخلوه للفرن بلا مانفتحوا عليه حتى ينضج تماما

و الان نمروا للمفاااجئة هههههههه نجهزوا ميرانغبالطريقة المعتادة نخبطوا 2 بيض بيض++كاس سكر ++و قرصة ملح
نخلطوا في الاول البيض كي الثلج و نبداو نضيفوا عليه السكر حتى نتحصلوا على ميرانغ

نفرغوا الميرانغ في نفس المول لي كنا درنا فيه لجينواز بعدما وجدت
و ندخلوه الفرت على نار هائة حتى ينشف

و هنا كان بقى ليا شوية مورانغ صنعت بيه حبات صغار

تااااااااااااااابع

doudou belle · 2012-10-09, 10:06

مممممممممممممممممممممممممم شهيتيني كملي كملي الله الله اعليك ربي يبارك فيك باينة فحلة و فحلة بزااااااف ثاني ربي يحفظك لراجلك واولادك بصح اكي معطيتينيش نذوق ههههههههه

amel5 · 2012-10-09, 10:07

الان نمروا للكريمة و هي كريمة الزبدة
نحتاجوا لكرام باتسيير تحبوا تشروها جاهزة او تجهزوها ب2 صفار بيض +100غ سكر +2 ملاعق مايزينة
نص ليتر حليب و فانيليا نخلوها تبرد مليح و بعدها نبداو نضيفوا عليها في 200غ زبدة

نخلوها تتخبط مدة 10 دقايق حتى يتغير اللون نتاعها و يصبح ابيض
هاهي الكريمة جاهزة

و هنا كل واش نحتاجوا راه جاهز

نقسموا الكيكة على اتنين نسقوها بالسيرو و نديروا عليها طبقة من لكريمة و خبزة المورانغ

و نكملوا بالطبقة الثانية و نسقوها بالسيرو تاني و نغلفوها بالكريمة لي بقات
و زينوها على حسب رغبتكم ..هاد الطورطة تجي حلوة و بنينة و ماتحتاجش للتزيين بزاف يعني شوية فاكية كفاية
هادي بعدما كملت

و هادي لكل وحدة فيكم

ه

ان شاء الله تكون الطريقة عجبتكم و هي ساهلة بزاف و اي وحدة تقدر ديرها
ايا الى اللقاء مع وصفة اخرى ان شاء الله
ماتنسونيش بالدعاااااااااااااء

amel5 · 2012-10-09, 10:15

اقتباس:

المشاركة الأصلية كتبت بواسطة doudou belle

مممممممممممممممممممممممممم شهيتيني كملي كملي الله الله اعليك ربي يبارك فيك باينة فحلة و فحلة بزااااااف ثاني ربي يحفظك لراجلك واولادك بصح اكي معطيتينيش نذوق ههههههههه

هههههههه ربي يخليك و يحفظك حبيبة انزلي لتحت راني خليت لكل وحدة فيكم حقها :d:dه
ادعيلي ربي يجمعني بخطيبي على خير

ه

لمسة حنية · 2012-10-09, 10:22

ااختى هي طورطه جميلة وراائعة
بصح علااش محبتيش تشااركي بيها في المساابقة
بعد ماعلنت ام كوثر على المسابقة الكل صار يحط انواع الطورطات ؟؟؟
لو شاركتي بيها مش خير؟؟؟ بصح روطار انتي حطيتيها
موفق

ريم العربية · 2012-10-09, 10:24

يعطيك الصحة.باينة بلي بنينة

amel5 · 2012-10-09, 10:30

اقتباس:

المشاركة الأصلية كتبت بواسطة لمسة حنية

ااختى هي طورطه جميلة وراائعة
بصح علااش محبتيش تشااركي بيها في المساابقة
بعد ماعلنت ام كوثر على المسابقة الكل صار يحط انواع الطورطات ؟؟؟
لو شاركتي بيها مش خير؟؟؟ بصح روطار انتي حطيتيها
موفق

ربي يخليك حبيبتي الف شكر
يااختي هاد الطورطة راني في مدة دايرتها يعني ماشي هاد الايام
و قانون المسابقة يقول نكتب في ورقة اسم المنتدى ماشي في الصورة على هادي ماشاركتش بيها
مشكورة اختي على المرور