|
|
|
|||||||
| الجلفة للمواضيع العامّة لجميع المواضيع التي ليس لها قسم مخصص في المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2009-03-12, 18:16
|
رقم المشاركة : 1 | ||||
|
هاذي انواع الشباب ادخل وشوف
السلام عليكم
les Jeune هاذي الانواع نتاع - النوع البابيش . هذا ما عندي ما نقول فيه يحب يبيش وزعما يحط الحطة .. مثال اليوم يشري قرعة ريحة (زجاجة عطر) وغدوة ترقى القرعة فارغة في الزباله يفضو من رشه وحده ... ونهار اللي يدير الريحة الصاله يعطرها Boss كي يعود خارج .... تشم الريحه من بعد الاف الكيلومترات .. النوع المثقف... هذا طايح طيحه عجيبه في الكتب وأذا سقسيتو وش اسمك؟؟ يجاوبك انا جيلوجي بن كيميائي بن فيزيائي بن احيائي بن جغرافي بن تاريخي ولد علمي .. و أذا نبشت في اصلو و فصلو تلقاه من احفاد احفاد احفاد احفاد احفاد احفاد احفاد احفاد احفاد احفاد احفاد احفاد ابا جهل ديما رهو يتفلسف ويلعبها زعما فاهم وواحد ما يطيرهالو (تفلسف الحمار فمات جوعا ) ............................................... -النوع المتخلف... هذا النوع اشكالهم >>> الله يبارك <<< لابس لي سلسله في رقبتو ما علاباليش منين جايبها مع الشورت و الا سروال طايح والا مقطع حاط روحو ستيل >>>تكودو باش يطلع سروالو المخلوق ما عندوش سنتورة تبرعولو بوحدة ؟؟؟ يشف <<< و شعرهم ههههههه هاذي حكاية وحدها تقول ضربو التريسيتي طالع كيما الفروج ... متخلفين لوحد الدرجة الله لا يشوفك ويقلك لامود (عيش تشوف) >>> ربي يهديهم <<< - النوع الهامل.... هذا صباحه و ليله يدور وهامل مع صحابو دارهم يشوفوه مرة فالعام ... وينك يا ولد الناس ؟؟ ندور مع صحابي ...وينك البارح ما بنتش ؟؟ كنت ندور ....كنت فالبتزيريا، كنت فالقهوة .كنت ....كنت .......... وين راك هامل ؟؟؟يقلك كنت فالسينيما نتفرج في فيلم بالفرونسي >>> وتلقاه مايفهم والو فالفرونسي وما يفرقش لا بين oui لا no <<< يعني بالمختصر المفيد ما يقعدش فالدار خلاص ونهار اللي تشوفو فالدار باين تلقاه مريض والا أعجوبه من عجائب الدنيا السبع النوع اللي فالس مع الغنا  حياته كلها غنا ... ( انجليزي – راي – عراسي – مصري – هندي –راب – شينوي ......... - ) ما راهو طالق والو المهم غنا ,عاطيها غير للشطيح والرديح يضال يغني ويبرح ومش جايب للدنيا خبر.... ...................................... Lover - النوع المحب ..... >> الرومانسي   << ها النوع اذا حب يحب مسكين من كل قلبه تلقاه طايح على راسو... بصح قليل وين تلقى واحد منهم قريب ينقرضو نوع نادر - النوع الكالم (الهادي) اعصابه باااااااااااااااااااااااارده >>> تقول ثلج <<< ما علابالوش بالدنيا خلاص وما يعبي راسو بحتى حاجة اذا شفته في السبيطار وسقسيتو وش كاين... ؟؟؟ يجاوبك بكل هدووووووووووووووء لا لا ما كان والو أما برك توفات........... >>> حابة نعرف برك منين جاب برودة القلب هاذي ؟؟؟؟ <<< - النوع العصبي  ...هذا اذا قتلو أي حاجة يتقلق وينرفي والدنيا تتقلب و يهز في قلبو ويزعف ديما يفهم بالناقص واي حاجة صغيرة يدير عليها طبلة وزمامير على أتفه حاجة يشعل فيك (المندبة كبيرة والميت فار) تلقاه عندو لاطونسيون والسكروالقلب و مراض ربي كل تحكمو من القلقة  >> ما تدورش بيه خيرلك << - النوع المتربي.. ما شاء الله عليهم ما يهمهم في حتى واحد من الجامع للدار ومن الدار للجامع . بصح قليل اللي تلقاه كيما هك ، ربي يكثر من امثالهم ان شاء الله - النوع الوقاب والبرباش  لازم يعرف كلش ديما يبربش على الخبار فمو مشرك و أي اشاعة باينة منو هو؟؟؟؟؟؟؟؟؟؟ تقولو قناة الارصاد الجويه + محطة الاخبار الجزيرة والا CNN هات يسمع حاجة برك يروح ينشرها و فالتعلاق والتمنشير نيمرو فات النسا . -النوع المحب لنفسه ... يحب روحو و مصلحته و على العام يفكر في روحو مخلوع في عمرو حاط واحد ما خير منو وتلقى نص الغاشي يكرهوه.... وهو عاشقلي في نفسه (حوحو يشكر روحو) - النوع الفواخ ..... حاط روحو حاجة كبيرة شوفوا الطومابيل نتاعي اخر مودال ... و برطابلي شفتوا رقمي عجيب و و و و ............... يصدع الواحد ... و مداير في روحو حالة والنواظر قاللهم اسكتو تقولو ذبانة وفرحان بروحو غير ما تدوروش بيه ....الحالة خطيره (هاذاك الشكل عليه قولولو يروح يشوف روحو فالمراية)وتلقاه النيفو طايح جايح مطنه .... جاوب مش تدخل وتخرج في باطل ربي  اللي ما يجاوبش يشوف
آخر تعديل AMARAGROPA 2009-03-13 في 01:01.
|
||||
|
|
2009-03-12, 23:39
|
رقم المشاركة : 2 | |||
|
وعلاش هذا التكالب علينا ما ذنبنا بما فعل السفهاء منا..........على كل رأيك ونحترمه...... |
|||
|
|
|
2009-03-12, 23:45
|
رقم المشاركة : 3 | |||
|
و عليك السلام و رحمة الله |
|||
|
|
|
2009-03-13, 01:02
|
رقم المشاركة : 4 | |||
|
السلام عليكم ورحمة الله وبركاته .
يا حسراه على شبابنا ياحسراه . سلام... |
|||
|
|
|
2009-03-13, 09:14
|
رقم المشاركة : 7 | |||
|
ذكرتي جميع سلبيات الشباب ولم تذكرى ايجابية وحدة هذا ليس عدل . |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
