معجون المكسرات

ام مؤمن · 2012-10-02, 23:09

السلام عليكم

معجون المكسرات

كيف حالكم عضوات المنتدى الطيبات

هدا المعجون حطيتوا في موضوع حلويات العيد و كثير من الاخوات طلبوا الوصفة و اليوم كتب ربي باش نحطوا هذا الموضوع تاع السنةالماضية
الموضوع قديم و درت تعديل ضفت فيه صور معدلة

هذه الصور طازجة من مطبخي درتو اليوم للعيد

المقادير

علبة اناناس شرائح
كيلة سكر الكيلة علبة الاناناس فارغة
كيلة ماء عبارة عن ماء الاناناس المعلب الذي تبقى بعد نزع شرائح الاناناس مضاف اليه الماء الى ان تمتلا العلبة
100 غ من انواع مختلفة من المكسرات جوز لوز كاجوا بيستاش و غيرو انت و واش يتوفر عندك
50 غ الى 100 غ زبيب او عنب مجفف
و 200 غ مشمش مجفف او ما يسمى المشيمشة مقطعة بشكل طولي
فواكه مجففة حسب الرغبة مقطعة مكعبات

اسفة ماصورتش المراحل ماكفانيش الوقت

طريقة التحضير

انزعي شرائح الاناناس من الماء المعلب و قصيها بسكين مستطيلات صغيرة الشريحة على ستة و حطيها على جنب في كاسرونة ضعي الماء الدي تبقى في علبة الاناناس مضافا اليه ماء عادي حتى تمتلا العلبة و اضيفي له مقدار علبة الاناناس ايضا سكر و حركيه مليح و حطيه على نار هادئة حتى الغليان مدة 10 دقائق تقريبا ثم اضيفي الفواكه المجففة مع الزبيب تغلي حتى تقترب من النضج ثم ارمي فيه قطع الاناناس تغلي لمدة 10الى 15 دقيقة حتى تشوفيها بدات تتكمش اضيفي له قطع المشيمشة تغلي ايضا لمدة 7الى 10 دقائق و ماتخليهاش تطيب بزاف لانها تدوب بسرعة و اخير اضيفي المكسرات تقريبا 100غ او50 غ من كل نوع و خليها غير قدار ما تهز الغلية فقط 3 الى 5 دقائق و طفي عليها

هدا المعجون السيرو نتاعوا مايكونش ثقيل لازم يجي خفيف شوية يعني حبات المكسرات تعوم فيه

هدا المقادير تعملك ثلاثة سكريات معجون

طعموا رائع و شكلوا ايضا جربوه و ردولي خبر و ماتنساونيش من دعوة خير

انا نتاعي عملتوا جوز و لوز و بيستاش واش تبقالي من حلويات العيد و على قدر ما تكثري انواع المكسرات يجي مليح

نتمنى تجربوه راه مايديش وقت في تحضيره خاصة كي تكون بقاتلك مكسرات من حلويات العيد و ماتنساونيش من دعوة خير

و صحى عيدكم و كل عام و انتم بخير

سلام و اللي عندها اي استفسار راني هنا

kakinova · 2012-10-02, 23:27

يعطيك الصحة اختي على الوصفة

كيليتو في حفلة نجاح و صح ماشي حلو بزاف بصح بنييييييييييييين

بارك الله فيك

nour inasse · 2012-10-03, 01:01

يعطيك الصحة حنونة على الوصفة

أم ياسين الزهراء · 2012-10-03, 09:40

على سلامتك واش راكي حنونة هذي غيبة

يعطيك الصحة هايل

نادية روز · 2012-10-03, 11:02

يعطيك الصحة مشكوررررررررررررررة

الأمنيات · 2012-10-03, 12:00

أم ياسين الزهراء · 2012-10-03, 14:06

بححن هعهنوةم تهمز تنةنتى ىنن ىتنمنة ةتهع غفلا ففقفعللا عافبقثيففغ هعتعتعتللا بللاةو2نتاىا عتاتااتات اتعتهخههتتت ااالالا ةىات ى تعتة تىتالاى لت

ام مومن هذا تخربيش تاع وليدي يس عجباتو الوصفة وقالي نكتبلها

ayatte · 2012-10-03, 14:19

شكرا على الوصفة الرائعة

messaoudiKanza · 2012-10-03, 15:54

شكرا على الوصفة لكن مع واش يصلح يتحط

ام مؤمن · 2012-10-03, 17:31

اقتباس:

المشاركة الأصلية كتبت بواسطة kakinova

يعطيك الصحة اختي على الوصفة

كيليتو في حفلة نجاح و صح ماشي حلو بزاف بصح بنييييييييييييين

بارك الله فيك

الله يسلمك حنونة الطعم نتاعو هايل و انا مانستغناش عليه في كل مناسباتي

نورتي موضوعي بطلتك الباهية

ام مؤمن · 2012-10-03, 17:32

اقتباس:

المشاركة الأصلية كتبت بواسطة nour inasse

يعطيك الصحة حنونة على الوصفة

الله يسلمك شكرا جزيلا لك

ام مؤمن · 2012-10-03, 17:35

اقتباس:

المشاركة الأصلية كتبت بواسطة أم ياسين الزهراء

على سلامتك واش راكي حنونة هذي غيبة

يعطيك الصحة هايل

الله يسلمك يا عزيزتي و الله ظروف ربي يفرجها عليا و على المومنين

سرني ان الوصفة راقت لكي نتمنى تجربيه

دايما منورتني بتواجدك في مواضيعي الله يحفظك من كل سوء

ام مؤمن · 2012-10-03, 17:40

اقتباس:

المشاركة الأصلية كتبت بواسطة nour ali

يعطيك الصحة مشكوررررررررررررررة

الله يسلمك الشكر موصول ليك اكيد

ام مؤمن · 2012-10-03, 17:46

اقتباس:

المشاركة الأصلية كتبت بواسطة الأمنيات

شكرا جزيلا غاليتي

ام مؤمن · 2012-10-03, 17:53

اقتباس:

المشاركة الأصلية كتبت بواسطة أم ياسين الزهراء

بححن هعهنوةم تهمز تنةنتى ىنن ىتنمنة ةتهع غفلا ففقفعللا عافبقثيففغ هعتعتعتللا بللاةو2نتاىا عتاتااتات اتعتهخههتتت ااالالا ةىات ى تعتة تىتالاى لت

ام مومن هذا تخربيش تاع وليدي يس عجباتو الوصفة وقالي نكتبلها

هههههههه راني استعنت بمترجم و مافهمت فيها والوا هههههه ربي يحفظهولك و كامل وليداتك ربي يفرحك بيهم

ماشاء الله عليه يطلع يتقن اللغ نتاع كردستان