شكون يتمسخر بيا

مشكلتي · 2012-09-30, 15:37

انا سمعت من عند الناس بلي راه يخون فيا مع حبيبتو الاولى لي يحبها وهي لالا

مي هو قال لالا راني نحبك نتي وناس حبت تفرق بيناتنا

هو درك حاب يجي يخطبني ومزال يحلل فيا نرجعلو ونكملو مع بعضانا قولولي وش ندير

فافا مينوشة · 2012-09-30, 17:52

نقولك شاديري ياك؟ خطيك منه الراجل لي يتمسخر وعينو زايغة قطعي فرحو جاك من الباب وخطبك صحا مجاش قيلك من المشاكل ختي الدنيا راها غير سبايب وشيطان كل يوم يرمي شبكتو ويصيد مالا خطيك وتلهي بصلواتك وتقربي لربي ولي مكتوبتلك تجيك حتى لعندك

chira-dz · 2012-09-30, 18:13

اختي قبل ما انصحك بما تقومين به
ساقول لك ان ما انت عليه الآن خطأ و خطا كبير فلا يجوز لك ان تتحدثي بما لا يصح مع رجل اجنبي عنك مالم تربطك به علاقة الزواج
ودعك من علاقات الحب الواهية بين الجنسين قبل الزواج فكلها مفاتيح و مداخل للشيطان
حتى يوقع بك الى مالا يحمد عقباه
ودعي قلبك خال من اي حب الى ان يفتح الله عليك بالحب الحلال
و تيقني ان العلاقات العاطفية قبل الزواج ان صدقت فلن تستمر و تقريبا هي علاقات فاشلة و بعيدة كل البعد عن مقومات السعادة و النجاح للاسرة المثالية

~~غليزاني 26 سنة~~ · 2012-09-30, 18:28

يا بنتي اخطيك من العلاقات المشبوهة
الحب يكون بعد الزواج

أَحمــد · 2012-09-30, 18:31

تتحملين كل ما ينتج عن هذه العلاقة الغير شرعية

واعلمي أن دليل صدق دعوى الزواج هو التقدم الرسمي للاهل

Golden Princess · 2012-09-30, 18:35

الي عينو فيك يجيك يطبطب في داركم

ZORRO__DZ · 2012-10-02, 22:52

اقتباس:

المشاركة الأصلية كتبت بواسطة golden princess

الي عينو فيك يجيك يطبطب في داركم

جينا معولين نطبطبو رماو علينا الماء

aihemsara · 2012-09-30, 22:27

اممممم سمعتي من عند الناس انو يخون فيك ياه !!
و الناس كامل علابالهم لي راكي تخرجي م واحد ولا كيفاه !
وصلنا لزمن كثر فيه الجهر بالمعصية,, الله يهديكي اختي اخطييييييييييييييييييييييييييك

بلال الرومنسي · 2012-09-30, 23:48

يا بنتي الدكورة عندهم 100 وكل وحدة يقولولها انتِ فقط في قلبي
والطفلة عندها 100000000 وكل واحد تقلو انت فقط في قلبي

انا خاطيني العلاقات ههههههه ........ اعملي مثلي حتى ترتاحي ... وان شاء الله ياتيك عريس في القمة يحبك وحدك

jirardo · 2012-10-01, 14:26

الله أكبر
أنت تحكي تقول كاين بيناتكم عقد

amine9mm · 2012-10-01, 14:42

شبعتونا مقروط علاه ما طروحيش توبي ولا تعلمي الطياب والمطلوع ياحسراه على النسا نتاع بكري الان عرفت انني لن اتزوج بجزائرية هههههههههههههههههههههه راكم تتفرجوا الفيلمات نتاع الترك بزاف

~~saadi-2008~~ · 2012-10-01, 14:45

اقتباس:

شكون يتمسخر بيا

إنتِ
..........................

belkaoui · 2012-10-01, 15:35

قال الله تعالى : ( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ )
كل منكما يتمسخر بالاخر ....
واش من حب راكم فيه كلاكما خائن لوكان يحبك فعلا لكان قد اتى الى داركم لخطبتك دون مشورة منك

AMINA.Z · 2012-10-01, 18:04

راكي جايحة تاع الصحة و خاطية طريق ربي بزاف
ما فهمتش كيفاه في 2012 مازالكم تامنو في الرجال و قانعين و تطيحو بقدركم و قدر اهلكم على جالهم
يا اختي توبي و الله لا تزوجتي وينو المشكل
الكرامة و الشرف اولى من التمسخير هادا
يا خي حالة ياخي

ZORRO__DZ · 2012-10-02, 22:59

اقتباس:

المشاركة الأصلية كتبت بواسطة amina.z

راكي جايحة تاع الصحة و خاطية طريق ربي بزاف
ما فهمتش كيفاه في 2012 مازالكم تامنو في الرجال و قانعين و تطيحو بقدركم و قدر اهلكم على جالهم
يا اختي توبي و الله لا تزوجتي وينو المشكل
الكرامة و الشرف اولى من التمسخير هادا
يا خي حالة ياخي

ما بهم الرجال ؟؟ الست بنت من صلب رجل ؟