دعوة عامة لمرتادي قسم المجتمع...ارجوا تفاعلكم

محمد...عبد النور · 2012-09-24, 15:43

السلام عليكم جميعا أعضاء منتدانا الكريم
فقط أردت استفساركم في ظل موجة التهاب الاسعار عن مقدار المهر يعني كم بلغ مبلغ الصداق في جهتكم
اذا ممكن التفصيل يعني مبلغ الجهاز +مبلغ الذهب او المبلغ مجملا بكل ما فيه
ذلك لتبيان هل من الواجب تدخل الاعيان و ائمة المساجد في امر تحديد المهر لان الامر لم يعد في طاقة الشباب من اجل تأسيس بيوت يحتمون به من الفتن التي تعرض عليهم ليلا و نهارا و سرا و جهارا
فمثلال في منطقتنا المبلغ يتراوح بين 10 الى 20 مليون كمبلغ للصداق فقط....ههههه
دون احتساب مصاريف العرس و التجهيز للغرفة و و و .....لذا أتمنى تفاعلكم و المشاركة
في الأخير أقول لكم :أسأل الله الكريم الحي القيوم كما جمعنا اخوة و اخوات في منتدانا هذا ان يجمعنا في دار كرامته و ان يرزقنا الثبات و اليقين و يوفي لكم جميعا ما تتمنون و يقر عيونكم بما تحبون
ســـــــــــــــــــــــــــــــــــــــــــــــــ ـلام

حضنية28 · 2012-09-24, 15:46

حنا في منطقتنا المسيلةيختلف حسب العروش اما عن عرشنا حناية فيتراوح المهربين ثمانية ملايين وعشرة ملايين مع احتساب الجهاز

عبد الله 31 · 2012-09-24, 15:46

السلام عليكم ورحمة الله وبركاته
لاريد القول باه ماتبطلش خليها لربي
بارك الله فيك اخي لذريق

الله المستعان

بسمة العمر · 2012-09-24, 15:49

المهر يعطى حسب اخر وحدة من عائلة العروسة

كاميلا · 2012-09-24, 15:50

المهر عندنا مابين 10 و 15 لكن اخي كشما بقاو دراهم هادو؟؟؟؟؟ ههههههه ثانيا هاد لعروسة ماراحش تخسر هي تاني احنا في قسنطينة متخلي متجيب معاها مسكينة الصالون الاواني لمطارح هههه وهادا كل المفروشات الخ الخ هادو كامل ميجيوش قد 15 مليون هادي اللي يحطوها حاجة وزيد لعرايس تاع القبايل فاطنات يا محاينك يقولولك مكانش مهر كاش 50دج برك ومبعد تطلب عليك ^parure والذهب ومتجيبلك والو لدارك امالا قولي شكون اللي رابحة في لافير هههههههههههههههههههههههههههههههههههههههههههههههههه هه

حضنية28 · 2012-09-24, 15:53

انا لاحضت جهة الشرق المهر عندهم غالي بزاف

كاميلا · 2012-09-24, 15:58

واحد القريب خطب وحدة من القبايل فرح كي قالوله 50دج مهر ومبعد بقا روحو كون مد المهر احسن الدار جهزها من كل شيء هي جابت معاها غير ملابسها وزيد حتمت عليه يشريلها الذهب عندكم طيحو في البياج هذا هههه

الواثق · 2012-09-24, 15:58

انا الذي لاحظته ان البنت الغنية لاتشترط كثيرا والبنت الفقيرة تتشرط ستودع حياة البساطة لحياة الملوك والقصور ...........هذا ليس دائما ...............كما ان لتشراط الثقيل غالبا ما يكون من الاهل او بالاخص الام ..........والبنت تقول ايه وخلاص ......................

ضرك راك تروح تخطب وتقلهم جيتكم بالحسب والنسب و 100 مليون .................10 ملايين مهر و 20 مليون ذهب و 5 ملايين تاع خطبة وفاليزة و 4 ملاييت فليزة اخرى تاع العرس ........و6 ملايين تاع الكباش ................وتزيد انت لازمك شمبرا ب 15 مليون على الاقل ..........واذا كنت تبني لازمك 50 مليون على الاقل ..........والعرس واحد 20 مليون على الاقل ..................وووووو

نحن في البيت زوجنا اختي ب 6 ملايين والله دورو مازادو وهي اعز مانملك والبنت الوحيدة واي شيء كان يخصها اشتريناها لها وهي مع زوجها بالرغم من امكانيات العيش اقل من الامكانيات لما كانت عندنا لكن سعيدة والحمد لله حتى انا سعيد بها لانها مع رجل ونعم الرجل .............

انا التكاليف هاذي ماتحليش لراسي ...........انا نقلهم واش عندي واش قادر فان قالو لايكفي فاقول لهم السلام عليكم وان كانت اخر بنت في الدنيا

لانني اكره ان اتدين او يساعدني احد ولو كان من اهلي

ولايكلف الله نفسا الا وسعها.

SOUSOU. DZ · 2012-09-24, 21:56

اقتباس:

المشاركة الأصلية كتبت بواسطة الواثق

انا الذي لاحظته ان البنت الغنية لاتشترط كثيرا والبنت الفقيرة تتشرط ستودع حياة البساطة لحياة الملوك والقصور ...........هذا ليس دائما ...............كما ان لتشراط الثقيل غالبا ما يكون من الاهل او بالاخص الام ..........والبنت تقول ايه وخلاص ......................

ضرك راك تروح تخطب وتقلهم جيتكم بالحسب والنسب و 100 مليون .................10 ملايين مهر و 20 مليون ذهب و 5 ملايين تاع خطبة وفاليزة و 4 ملاييت فليزة اخرى تاع العرس ........و6 ملايين تاع الكباش ................وتزيد انت لازمك شمبرا ب 15 مليون على الاقل ..........واذا كنت تبني لازمك 50 مليون على الاقل ..........والعرس واحد 20 مليون على الاقل ..................وووووو

نحن في البيت زوجنا اختي ب 6 ملايين والله دورو مازادو وهي اعز مانملك والبنت الوحيدة واي شيء كان يخصها اشتريناها لها وهي مع زوجها بالرغم من امكانيات العيش اقل من الامكانيات لما كانت عندنا لكن سعيدة والحمد لله حتى انا سعيد بها لانها مع رجل ونعم الرجل .............

انا التكاليف هاذي ماتحليش لراسي ...........انا نقلهم واش عندي واش قادر فان قالو لايكفي فاقول لهم السلام عليكم وان كانت اخر بنت في الدنيا

لانني اكره ان اتدين او يساعدني احد ولو كان من اهلي

ولايكلف الله نفسا الا وسعها.

السلام عليكم ورحمة الله

والله ياخويا الواثق ردك هدا تقول والدي يقول فيه

الواثق · 2012-09-24, 22:07

اقتباس:

المشاركة الأصلية كتبت بواسطة sousou. Dz

السلام عليكم ورحمة الله

والله ياخويا الواثق ردك هدا تقول والدي يقول فيه

حفظ الله والدك ............انا راني كيما الشيوخا نهدر كيفهم تخصني العصا برك هههه

SOUSOU. DZ · 2012-09-24, 22:12

اقتباس:

المشاركة الأصلية كتبت بواسطة الواثق

حفظ الله والدك ............انا راني كيما الشيوخا نهدر كيفهم تخصني العصا برك هههه

اللهم ماامين يارب ................. لا لازم الواحد يتبسط قد ماطاق والله وماشي كي نديرو حاجة باسيطة يعني ماعندناش ولا يخصنا مي نرضو ربي .............. لعلمك بابا عمرو 49 عام

الواثق · 2012-09-24, 22:33

اقتباس:

المشاركة الأصلية كتبت بواسطة sousou. Dz

اللهم ماامين يارب ................. لا لازم الواحد يتبسط قد ماطاق والله وماشي كي نديرو حاجة باسيطة يعني ماعندناش ولا يخصنا مي نرضو ربي .............. لعلمك بابا عمرو 49 عام

الله يبارك اطال الله في عمره ................ابي عمره 75 سنة لو كان ابنه الاول حي لكان بمثل عمر ابوكي

....واكيد العيش البسيط والتصرف البسيط والكلام البسيط هو افضل شيء وهذا مانريد الوصول اليه ..........ومانقولوش ماعندناش ......فالحمد لله ..........الله انعم علينا ولا نستطيع حتى احصاء نعمه..............فالحمد لله ..............والشكر لله ...............ولئن شكرتم لازيدنكم

الأمنيات · 2012-09-24, 16:02

صراحة لا اعرف لكن في اخوتي كانت تكلفة العرس في حدود 15 بكل شيئ كما قلت
ربي يعين الشباب على هذا الغلاء ارى انه ليس من الضروري تاخذ معها البنت كل شيئ فراش واواني ووالبسه والله تبذير في تبذي
انا معظم الالبسة لم البسها فيه من تصدقت به ومن بعته ومن رديته للبيت
ارجو من البنات لا يكلف اهليهم ولا الزوج اشياء ليست مفروضه

حضنية28 · 2012-09-24, 16:05

الناس تتكلف بزاف في الاعراس انا اعتبر التكاليف هذي تبذير اللي يهم هو الهناء وراحة البال علاش تروح تتسلف ومنبعد ما تلقى منين تسلك وتعشي حاصل دير عرس قدك قد روحك

عميروش الحر · 2012-09-24, 16:52

احنا في منطقة القبائل يحطو لوالد العروسة 10ملايين يرفد منهم 200دج فقط ...
عندي ابنة خالي تزوجت السنة قبل الماضية هنا في وهران و وحطو لولدها 15 مليون على ما اعتقد و هو رفد الا 200دج ورحع الباقي وقالو احنا شارطين الهنا برك ..
اذا كان يشريلها الذهب بعدها ماعلاباليش
ولكن تجهيز العروسة اغلب المصاريف تكون على عاتق اهل العروسة اما الشامبرة ...الخ و تجهيزات العرس فتكون على عاتق اهل العريس
والله اعلم حقيقة انا لا اعرف جيدا ما يحدث لاني مقيم في وهران عادات مختلف و لكن ما الاحظه في وسطي القبائلي هكذا يكون ...

اما هنا في وهران فكباقي الولايات المهر يتراوح من5 .. 10 الى 20