خبز الشعير من مطبخي .وفوائده الصحية من النت

ام راضية · 2012-09-24, 12:56

السلام عليكم
هده كسرة بخبز الشعير تسمي عندنا بكسرة الرغدة
كل واحدة تقول ما هو اسمها في منطقتها
وهوخبز صحي وعلاج لكثير من الامراض خاصة الامعاء
وهومفيد لصاحبات الريجيم
هل ما زال موجود عندكم
افيدونا

* الشعير وصية نبوية أغلى من الذهب *

يعتبر الشعير أقدم مادة استعملها الإنسان في غذائه، وقد جاء ذكر الشعير ضمن الحبوب في القرآن.

المواد الفعالة في الشعير :

نشا، وبروتين، وأملاح معدنية منها الحديد والفوسفور والكالسيوم والبوتاسيوم

الخصائص الطبية:
- ملين
- مقو للأعصاب
- منشط للكبد
- تخفيظ درجة الحرارة
- علاج الأسهال و التهاب الأمعاء
- علاج ضغط الدم المنخفض
- يطلف التهابات الامعاء والجهاز البولي
- يساعد في هضم الحليب ويعطى عادة للرضع من اجل منع تكوين خثارات داخل المعدة
- علاج التهاب الكبد
- يخفض معدل السكر في الدم
- نخالة الشعير يكون لها دور كبير في تخفيض الكوليسترول
- الحيلولة من تكون سرطان الامعاء
- مدر للبول
- ينظم امتصاص السكر إلى الدم مما يحد من ارتفاع السكر المفاجئ
- يبطئ من هضم وامتصاص النشويات والسكريات
- يساعد على تخفيف الاكتئاب والحزن
- مهدئ للقولون
- ينشط الحركة الدودية للأمعاء مما يدعم عملية التخلص من الفضلات
- يستخرج من الشعير مادة تستعمل حقنا تحت الجلد
أو شرابا في حالات الإسهال والتيفوئيد والتهابات الأمعاء تسمى الهوردنين
- تأخير ظهور أعراض الشيخوخة.
- تقوية جهاز المناعة
- ينشط كرات الدم البيضاء
- معالجة امراضة القلبhttps://v.3bir.com/99146/

أم ياسين الزهراء · 2012-09-24, 13:40

في دارنا نقولولها الرغدة واهنا عندي اعل زوجي يقولولها الحرشاية في الحقيقة انا نديرها بصح مانحبهاش زوجي واولادي يحبوها وتصلح مع اللبن وراني نشوف اهنا ولات تتباع والكل يحبها وقيلة راح نرجعو لاصلنا هكى ربي يفتحهغا علينا كيما زمان

نسيت نقلك كنت مانعرفش نديرها ومانحبش نشوفها بصح كزوجي واولادي يحبوها تعلمتها وهي شوي تعب وطريقتها واعرة تحب البال الواسع وبارك الله فيك على المجهود اللي درتيه

مقدسية · 2012-09-24, 13:43

رااااااااائعة فعلا صحية جدا
تسمى عندنا ايضا كسرة الرغدة
ينصح بها مرضى الامعاء والجهاز الهضمي عموما
بوركت ام راضية فعلا الوصفة جدا مطلوبة

الأمنيات · 2012-09-24, 15:48

احنا نقولوا له خبز الزرع او خبز الشعير
ومازال نديروه في رمضان درته نحبه مع الحريرة او اللبن
هو مفيد جداااااااااااا

Basketteuse · 2012-09-24, 17:16

السلام عليكم انا نحب الشعير بزاااف ونستعملوا دائماً مع السميد العادي في عمل الكسرة . ولفوائده الكثيرة لم استطع الاستغناء عنه اما بالنسبة للحرشاية والرغدة هما نوعين مختلفين من وصفات الشعير كانت تعملهملنا امي .....سوف أستعلم فقط وارجع افيدكم بإجابة كاملة ان شاء الله

ام راضية · 2012-09-24, 18:41

اقتباس:

المشاركة الأصلية كتبت بواسطة أم ياسين الزهراء

في دارنا نقولولها الرغدة واهنا عندي اعل زوجي يقولولها الحرشاية في الحقيقة انا نديرها بصح مانحبهاش زوجي واولادي يحبوها وتصلح مع اللبن وراني نشوف اهنا ولات تتباع والكل يحبها وقيلة راح نرجعو لاصلنا هكى ربي يفتحهغا علينا كيما زمان

نسيت نقلك كنت مانعرفش نديرها ومانحبش نشوفها بصح كزوجي واولادي يحبوها تعلمتها وهي شوي تعب وطريقتها واعرة تحب البال الواسع وبارك الله فيك على المجهود اللي درتيه

وهل يوجد احسن من الاصالة اختي ام ياسين
الطريقة التي اعملها بها وهي طريقة امي حفظها الله سهلة جدا وهي نبسس الدقيق بالزيت ونضع فيه الملح ثم نصب عليه الماء السخون ونتركها تتشرب ليلة كامله دلك الماء في الغد نعجنها جيدا ثم نشكلها
مشكورة علي المرور

ام راضية · 2012-09-24, 18:43

اقتباس:

المشاركة الأصلية كتبت بواسطة مقدسية

رااااااااائعة فعلا صحية جدا
تسمى عندنا ايضا كسرة الرغدة
ينصح بها مرضى الامعاء والجهاز الهضمي عموما
بوركت ام راضية فعلا الوصفة جدا مطلوبة

الله يبارك في صحتك اختي مقدسية احتراماتي لك

ام راضية · 2012-09-24, 19:18

اقتباس:

المشاركة الأصلية كتبت بواسطة الأمنيات

احنا نقولوا له خبز الزرع او خبز الشعير
ومازال نديروه في رمضان درته نحبه مع الحريرة او اللبن
هو مفيد جداااااااااااا

مشكورة
اختي فعلا هي رائعة مع اللبن البارد

ام راضية · 2012-09-24, 19:20

اقتباس:

المشاركة الأصلية كتبت بواسطة basketteuse

السلام عليكم انا نحب الشعير بزاااف ونستعملوا دائماً مع السميد العادي في عمل الكسرة . ولفوائده الكثيرة لم استطع الاستغناء عنه اما بالنسبة للحرشاية والرغدة هما نوعين مختلفين من وصفات الشعير كانت تعملهملنا امي .....سوف أستعلم فقط وارجع افيدكم بإجابة كاملة ان شاء الله

مشكورة جدا اختي علي التوضيح ونتمن تفيديننا والاخوات بما تعرفينه لانني متاكدة ان هناك من لا يعرفها ولا يطيبها

booma · 2012-09-24, 19:35

حنا تان نسوها الرغدة بصح منعرفش نديرها ممكن وحدة فالاخوات توريهالي

ام راضية · 2012-09-24, 20:57

اقتباس:

المشاركة الأصلية كتبت بواسطة booma

حنا تان نسوها الرغدة بصح منعرفش نديرها ممكن وحدة فالاخوات توريهالي

طريقتها سهلة جدا اقراي ردي علي ام ياسين

ام ولي · 2012-09-24, 21:45

يعطيك الصحة اختي بابا ربي يحفظه يموت عليها ما تخطيش من دارنا

أم ياسين الزهراء · 2012-09-25, 08:54

احنا هذي طريقتنا نسخنو الماء حتى الغليان ونحطو الدقيق والملح برك وبمغرف تاع الحطب طبعا الماء يغلي نفرغو على الدقيق ونخلطو ونغطوه ونخلوه هو الافل مدة 5 سوايع ومافوق ومنبعد مايريح العجين نجيبو جفنة ونعجنوه بلا مانقطعو العجين ودايما يدينا مبلين في الماء ونعملو كرصات مايكونوش رقاق بزاف وماتنسايش يديك في الماء وحطي في الطاجين سخون بزاف وماتقلبيش الكسرة حتى طيب

Basketteuse · 2012-09-25, 14:23

راني وليت انشاءالله نفيدكم عندنا نوعين من الكسرة بالشعير
اولا الحرشاية : دقيق وشوي زيت ملح وماء ونلمها ثم نطيبها .... تجي قاسية نوعا ما
اما المخمرة : فتتكون من دقيق وملح نضيف اليه ماء ساخن ونتركها تتشرب عدة ساعات طبعا حسب خبرة كل وحدة كاين اللي تتركها ساعة فقط وتقدر تلمها .......من بعد تلمها وتطيبها بنفس الطريقة المذكورة من طرف الاخت ام ياسين الزهراء.... وهذه تجي طرية اكثر من النوع السابق

asma biologiste · 2012-09-25, 15:22

شكرا لك حبيبتي