أيهما تفضل أن يخدمك في ...؟

morad81 · 2012-09-18, 14:49

الكل منا قد إحتك بالإدارة لأي حاجة من الحاجيات التي يفرضها الواقع.

فالإدارة كما نعلم تشكل عائقا كبيرا أمام المواطن ...

لكن تجد الكثير من المترددين على الإدارة يثني كثيرا على النساء العاملات ويقول أنهن يقدمن الخدمة و الإستقبال أحسن بكثير من الموظفين .

-----------------حسب تجربتك وأنت متوجه الى أي ادارة فماذا تفضل أن تجد في المصلحة التي أنت بحاجة اليها ...... موظفة أم موظف.

و أيهما تراه يقدم الخدمة و يقدر ظروف الناس؟

~~♥ المتفائل ♥~~ · 2012-09-18, 14:58

كرجل شرير افضل موضفة لنظر لها و استأنس بها
و كرجل دين افضل موضف لاتجنب الوقوع في زنا العين
اما كرجل عادي ** و هو ما عليه انا الآن ** افضل ان اجد اي
شخص شرط ان يكون نزيه و مخلص في عمله

morad81 · 2012-09-18, 15:02

اقتباس:

المشاركة الأصلية كتبت بواسطة حالة ميئوس منها

كرجل شرير افضل موضفة لنظر لها و استأنس بها
و كرجل دين افضل موضف لاتجنب الوقوع في زنا العين
اما كرجل عادي ** و هو ما عليه انا الآن ** افضل ان اجد اي
شخص شرط ان يكون نزيه و مخلص في عمله

لا لا نقصد أن تجد مرأة متبرجة لتستأنس بها ....قلنا في الخدمة التي أنت بصدد أن تقضيها.

~~♥ المتفائل ♥~~ · 2012-09-18, 18:55

اقتباس:

المشاركة الأصلية كتبت بواسطة morad81

لا لا نقصد أن تجد مرأة متبرجة لتستأنس بها ....قلنا في الخدمة التي أنت بصدد أن تقضيها.

نعم نعم انا افهم قصدك جيدا و اظن ان ردي وضح و مفصل و مفهوم
حتى و ان كانت محجبة فانها تصلح للنظر و الاستئناس

سعاذ · 2012-09-18, 19:20

السلام عليكم
اخي في الادارة الجزائرية انت و زهرك كي المراة كي الراجل
كاين لي يخدم على حساب المورال و يتعامل مع المواطنين على حساب المورال
و كاين لي يخدم من قلبوا و بضميروا و علابالوا بلي راهوا في هذيك البلاصة
لي يخلص عليها من اجل خدمة المواطنين
و كاين لي يعتبر المواطن عدو ليه و جا باش يقلقوا
دمتم في رعاية الله و حفظه

soheib+206 · 2012-09-18, 16:38

موظفة خير عاقلة و ترونكيل خير ماالموظف خاصو

الدخان و لا القهوة تلقاه غير يشارشيلك ههههههههه

كاميلا · 2012-09-18, 16:43

والله متقول انت وزهرك مع عباد الله هادوا ومتقولش المرا خير والراجل خير

karimblida · 2012-09-18, 17:28

دارت العقلية
ولاو يبعثو النساء للادارات يقضو صوالح
انا القاعدة نتاعي .....pas de reclamations لا يهم راجال ام مرا كيف كيف

فتـ حييةـاة · 2012-09-18, 17:34

بصراحة بصراحة بصراحة المرا تهدر مليح مع الراجل والراجل يهدر مليح مع المرا مانكذبوش على رواحنا

خولة لبابة · 2012-09-18, 17:41

نحن في قريتنا غالبا ما نجد امرأة في الادارة.......ذهبت لأعمل وثائق للدخول الجامعي.........لكن لم يعاملني الموظف باحترام......بدا يصرخ و كذا.....لكن قلت له كلمتين و فقط........و صمت......و بعدها جاء رجل آخر............عاملني عكس الأول.......قام بكل الوثائق التي أحتاجها......و استقبلني باحترام......و هنا انظر.....كلاهما رجل لكن مختلفان..........
أما مثلا ...عندما كنت أدرس في الثانوية اذا احتجت الى شيء.....أذهب الى الادارة....و لا يهمني ان كان رجل ام امرأة....المهم يقوم بما احتاجه و فقط..........و الله أعلم في كل الأحوال...........

soso sirin · 2012-09-18, 17:47

واش بيك مع الادارة راهم مهبلينك سوغ .انا نكره الادارات و الصح مانخرج حتا ورقة لانو بابا مسكين يخرجهم لانو نكره التقلاش تاعهم بزاف الا اذا كانت حاجة لازم انا نحضر فيها .الصح مايهمنيش لانو المعاملة المليحة ماتعرف وين تلقاها مرات تلقى نسا ماشاء الله و مرات تلقى رجال ماشاء الله.مي الصح ماشي غير هوما الي يتقلشو انا كي نلقاهم يشنفو عليا نشنف كثر منهم و لهلا خرجت الورقة و لا فريت هذاك الشي لانو الكرسي الي راه مريح فيه ماشي تاع باباه .

morad81 · 2012-09-18, 20:46

اقتباس:

المشاركة الأصلية كتبت بواسطة soso sirin

واش بيك مع الادارة راهم مهبلينك سوغ .انا نكره الادارات و الصح مانخرج حتا ورقة لانو بابا مسكين يخرجهم لانو نكره التقلاش تاعهم بزاف الا اذا كانت حاجة لازم انا نحضر فيها .الصح مايهمنيش لانو المعاملة المليحة ماتعرف وين تلقاها مرات تلقى نسا ماشاء الله و مرات تلقى رجال ماشاء الله.مي الصح ماشي غير هوما الي يتقلشو انا كي نلقاهم يشنفو عليا نشنف كثر منهم و لهلا خرجت الورقة و لا فريت هذاك الشي لانو الكرسي الي راه مريح فيه ماشي تاع باباه .

لالا يا سوسو الإدارة ماعنديش معاها مشكل خلاص ....ووالفت التماطل نتاعها بصح ربي دايمن يلاقيني بالناس لملاح سواء عاملات أو عمال ....

و أن كان و بصراحة أن الموظفات أكثر تعامل و لا يبخلن بأي معلومة و التوضيح .

soso sirin · 2012-09-19, 00:08

اقتباس:

المشاركة الأصلية كتبت بواسطة morad81

لالا يا سوسو الإدارة ماعنديش معاها مشكل خلاص ....ووالفت التماطل نتاعها بصح ربي دايمن يلاقيني بالناس لملاح سواء عاملات أو عمال ....

و أن كان و بصراحة أن الموظفات أكثر تعامل و لا يبخلن بأي معلومة و التوضيح .

ايا مليح كي والفتها الادارات تاعنا لازملهم الصبر و طولة البال و هذاك ان شاء الله ربي يمدلي منو بلا حساب.و ربي يوقفلك الناس الملاح و زيد الواحد الي يدير المليحة راح يصيبها ان شاء الله.مي نقلك حاجة يا مراد والله مرات ربي يكون معاهم الي يخدم مع الشعب لازم يكون عندو صبر كبير مرات تلقى شي ناس قسما بالله مايبغو يفهمو كامل .معنتها شوية من الخدام و شوية من الشعب لانو كاين شي ناس تحسب راك تخدم عندهم .الموظفات يتعاملو مليح مع ليجون انا مرات نتشاءم كي نلقى قدامي امراة .انا ماخصنيش لا تتعامل معايا مليح لانو مانيش رايحة نداسرها باغيتها تخدم خدمتها برك .مشكلتنا انو لما نحكمو كرسي نحسبو رانا حاكمين الدنيا و المعاملة راجعة للتربية تاع الانسان غير واش تسوى كلمة ماشي مربي والله تقسم القلب مي كاين شي ناس يستاهلو هاذي الكلمة.

morad81 · 2012-09-19, 00:13

اقتباس:

المشاركة الأصلية كتبت بواسطة soso sirin

ايا مليح كي والفتها الادارات تاعنا لازملهم الصبر و طولة البال و هذاك ان شاء الله ربي يمدلي منو بلا حساب.و ربي يوقفلك الناس الملاح و زيد الواحد الي يدير المليحة راح يصيبها ان شاء الله.مي نقلك حاجة يا مراد والله مرات ربي يكون معاهم الي يخدم مع الشعب لازم يكون عندو صبر كبير مرات تلقى شي ناس قسما بالله مايبغو يفهمو كامل .معنتها شوية من الخدام و شوية من الشعب لانو كاين شي ناس تحسب راك تخدم عندهم .الموظفات يتعاملو مليح مع ليجون انا مرات نتشاءم كي نلقى قدامي امراة .انا ماخصنيش لا تتعامل معايا مليح لانو مانيش رايحة نداسرها باغيتها تخدم خدمتها برك .مشكلتنا انو لما نحكمو كرسي نحسبو رانا حاكمين الدنيا و المعاملة راجعة للتربية تاع الانسان غير واش تسوى كلمة ماشي مربي والله تقسم القلب مي كاين شي ناس يستاهلو هاذي الكلمة.

صدقيني أننا ما نستحقوش من لبنات اللي يخدمو أنهم يجاملونا و لا يتبادلوا معانا لكلام الزايد لالالا...و الله نقدروهم و نحتارموهم ...

برك أنها ما دس عليك والو و اللي كاين تقولوهلك .

برك أنا ما تطلعليش في أي موظف مهما كان أنو يحتاقر الناس بطريقة أو بأخرى ....

لكن بعض الموظفين و الله على القهوة راح يسمح فيك و يخرج و أنت تستنى فيه ......مي كاين وليد الفاميليا اللي يقدر الظروف .

وراكي ياسوسو ما درتيش مواضيع جديدة ...وعلاش؟

soso sirin · 2012-09-19, 00:24

اقتباس:

المشاركة الأصلية كتبت بواسطة morad81

صدقيني أننا ما نستحقوش من لبنات اللي يخدمو أنهم يجاملونا و لا يتبادلوا معانا لكلام الزايد لالالا...و الله نقدروهم و نحتارموهم ...هاذي بلا ماتقولها علابالي ناس ملاح و ماعندي مانقول

برك أنها ما دس عليك والو و اللي كاين تقولوهلك .ربي يخليك و يعزك ان شاء الله

برك أنا ما تطلعليش في أي موظف مهما كان أنو يحتاقر الناس بطريقة أو بأخرى ....

لكن بعض الموظفين و الله على القهوة راح يسمح فيك و يخرج و أنت تستنى فيه ......مي كاين وليد الفاميليا اللي يقدر الظروف .
كاين الي انت واقف و هو يهدر و مجمع تقول عندو شهر ماشافش صاحبو ربي يهديهم

وراكي ياسوسو ما درتيش مواضيع جديدة ...وعلاش؟

والله يا خويا مراد المورال راه هابط شوية و دماغي راه حابس في هاذو ليامات ان شاء الله راني نكتب كاش موضوع .ان شاء الله يكون خوك ريح و راه مليح.انا نقلكم تصبحو بخير