وجعني قلبي

[سطايفية بكل فخر]

السلام عليكم ورحمة الله تعالى وبركاته
بلاك جاكم العنوان تاعي شوية غريب
لكن للاسف هدي حقيقة والله وجعني قلبي من واش صاير في هدا القسم نورمالمون يبدلولو الاسم من جسر منتديات الجلفة - من الثانوية للكلية الى جسر منتديات الجلفة من الثانوية الى الاقامة
كل مندخلو نلقا جميع العنواين تحكي على الاقامات
خير ان شاء الله وا ش صرا ياخي مكمش رايحين تسكنو في قصور وراكم خايفين تفوتكم البلاصةمدام دفعتو الدوسي وحكموه عليكم تاكدو بلي غرفتكم فالاقامة محفوظة
ياخاوتي وعلاش كثرة المواضيع فالباطل
كي تقرا العنوان تقول خلات كي تدخل تلقاه موضوع من سطر يتحدث عن موعد استلام الاقامة ولا كاش واحد يحوس على واحد يديرو الاقامة مع بعض
وحتى ساعات ندخل تلقا السيد يسقسي في سوال والاخر يحط سوال وخارج على الموضوع خلاص
وعلاش هدي الانانية لي بيناتكم
وتعلمو تنظمو رواحكم
ادا دمتو بهدي الطريقة والله متخرجكم فالجامعة
تخلاو على الانانية والفوضى لي فيكم والا رايحين تضيعوا حياتكم فيها

والله انتم تمنعون اعضاء اخرين من استفساراتهم المهمة
انا على سبيل المثال كل مندخل لهدا القسم نقرا الصفحة الاولى نلقاها لها على الاقامات نكره ونبدل الصفحة نلقا تساولات مهمة مكانش لي يجاوب عليها ثما نزيد نتقلق كيفاش عضو اناني يسقسي خير على اسئلتو يساهم في تنزيل موضوع مهم وساعات يكون موضوع مصيري

نظن كثرت الهدرة ان شاء الله تكونو فهمتوني ولي معجباتوش هدرتي نقولو يسامحني الله غالب منقدرش نشوف الظلم ونسكت لازم نتنظمو ونتعاونو باش ربي ينصرنا وينجحنا
,
,
,

خلاصة قولي افتحوا موضوع واحد يخص الاقامات وكل واحد يحط تساؤلو ولي يعرف يجاوبو
ثاني شيء لا داعي لتكرار نفس التساؤل لما تكون الحالة متشابهة
نعطيكم مثال لقيت 7000 موضوع يخص اقامة اولاد فايت لي معلاباتليش وين جات مي كرهتها من كثرة المواضيع عنها
لقيتو موضوع حولها وعلاه تعاودو سقسيو في نفس الموضوع
+
نداء للمشرفين رجاء خصو موضوع واحد للاقامات واي موضوع مكرر احدفوه حفاظا على تنظيم وجمالية القسم
وكدا ليتيسر لطلبة اخرين الاستفسار عن الامور الاخرى لانو هدا القسم ماشي غير للاقامة كاينة الف حاجة فالجامعة يسال عليها الطلبة

وفالاخير متكونوش انانيين
ربي يهدينا ويهديكم ويوفقنا ويوفقكم
تقبلوا مني فائق لااحترام والتقدير
سلام